ފެނަކަައިގެ މަސައްކަތްތައް ހަރުދަނާކުރުމާއި ގުޅޭގޮތުން މޫސުމީ ބަދަލުތަކާއި ތިމާވެށްޓާއި ހަކަތައާ ބެހޭ ވުޒާރާއާއެކު މަޝްވަރާކޮށްފިއެވެ.

ސުމީ ބަދަލުތަކާއި ތިމާވެއްޓާ ހަކަތައާބެހޭ ވަޒީރު ޠާރިޤު އިބްރާހީމާއި، ފެނަކައިގެ އައު މެނޭޖިން ޑިރެކްޓަރ، މުހައްމަދު ނަޖާހުވެސް ބައިވެރިވެވަޑައިގެން މި ބައްދަލުވުމުގައި ވަނީ އެކި ރަށްތަކުގައި ފެނަކައިން ދެމުންގެންދާ ޚިދުމަތްތައް އިތުރަށް ހަރުދަނާކުރުމާ ގުޅޭގޮތުން މަޝްވަރާކުރައްވާފައެވެ.

މިގޮތުން، މި ބައްދަލުވުމުގައި ފެނަކަ ކޯޕަރޭޝަންގެ މަސައްކަތްތައް އިތުރަށް ހަރުދަނާކުރުމަށް ވުޒާރާއިން އެހީތެރިވާނެ ގޮތްތަކާއި ފެނަކައިން މިހާރު ކުރިއަށްގެންދާ އެކިއެކި މަސައްކަތްތަކާއި ކުރިމަގުގެ ޕްލޭންތަކާ ބެހޭގޮތުން ވެސް މަޝްވަރާކޮށްފައިވާއިރު، ވަޒީރު ޠާރިޤު ވިދާޅުވީ، ވުޒާރާގެ އަމާޒަކީ ފެނަކައިގެ ޚިދުމަތްތައް އިތުރަށް ފުޅާކޮށް، ރައްޔިތުންނަށް ލިބޭ ޚިދުމަތުގެ ފެންވަރު މަތިކުރުން ކަމަށެވެ.

ވަޒީރު ޠާރިޤުގެ އިތުރުން، މި ބައްދަލުވުމާއި ގުޅިގެން ނަޖާހު ވިދާޅުވީ، ވުޒާރާގެ އެހީތެރިކަމާއެކު ރާއްޖޭގެ ހުރިހާ ރަށެއްގައިވެސް ފެނާއި ކަރަންޓުގެ ޚިދުމަތް އިތުރަށް ރަނގަޅުކުރެވޭނެ ކަމަށެވެ.