މިފްކޯގެ ޗެެއާމަންގެ މަގާމުގައި ހުންނެވި އަހުމަދު ޝަރީފް, މަސްވެރިކަން ކުރިއަރުވައި ޕްރޮމޯޓު ކުރަން އުފައްދާފައިވާ ކުންފުނި، މޯލްޑިވްސް ފިޝަރީޒް އެންޑް އޯޝަން ރިސޯސަސް މާކެޓިން އެންޑް ޕްރޮމޯޝަން ކޯޕަރޭޝަނު (އެމްފޯމްޕީސީ)ގެ ޗެއާމަންގެ މަގާމަށް، މިއަދު އައްޔަންކޮށްފި އެވެ.

ޕީސީބީން މިއަދު ބުނީ މިފްކޯގެ ޑިރެކްޓަރުންގެ ބޯޑުގެ ޗެއަރޕަރސަން ކަމުގެ މަޤާމުގައި ހުންނެވި އަޙްމަދު ޝަރީފް، މިއަދު އެ މަޤާމުން ވަކިކޮށް، އެމްފޯރމްޕީސީގެ ޑިރެކްޓަރުންގެ ބޯޑުގެ ޗެއަރޕަރސަން ކަމުގެ މަޤާމަށް ޢައްޔަނުކޮށްފައިވާ ކަމަށެވެ.

"މޯލްޑިވްސް ފިޝަރީޒް އެންޑް އޯޝަން ރިސޯސަސް މާކެޓިން އެންޑް ޕްރޮމޯޝަން ކޯޕަރޭޝަން" އުފައްދަން ނިންމީ ޑިސެންބަރު 17، 2023 ގައި ބޭއްވި ކެބިނެޓް ބައްދަލްވުމުގަ އެވެ.

ސަރުކާރުން ހުސްވި އަހަރުގެ ޑިސެމްބަރުގައި އުފެއްދި މި ކުންފުނީގެ ބޭނުމަކީ، ސަރުކާރުން ބުނާ ގޮތުގައި، އެކުއަކަލްޗާ އާއި މެރިކަލްޗާ އާއި ކަނޑުގެ ހުރިހާ ވަސީލަތްތަކެއް ހިމެނޭހެން ރާއްޖޭގެ މަސްވެރިކަމުގެ އުފެއްދުންތައް އިޝްތިހާރުކޮށްގެން އޭގެން ލިބޭ މަންފާ އިތުރުކުރުމެވެ.

އެގޮތުން, މި ކުންފުނިން ދިވެހި އުފެއްދުންތަކަށް ހާއްސަ ބްރޭންޑެއް ތައާރަފުކޮށް އެ ތަކެތި ޕްރީމިއަމް ޕްރޮޑަކްޓެއްގެ ގޮތުގައި ރާއްޖެ އާއި ބައިނަލްއަގުވާމީ ބާޒާރުގައި ވިއްކުމާއި އާ މާކެޓުތައް ހޯދުން ހިމެނެ އެވެ. 

މި ކުންފުނީގެ ބޯޑުގައި ހިމެނެނީ:

 1. އަހުމަދު ޒަރީރު / ދ. މާއެނބުދޫ، ދިލްކުސާގެ - މެނޭޖިން ޑިރެކްޓަރު 

2. މުންޝިދާ އިބްރާހިމް / ގ. އޮނުހުރި  - ބޯޑު މެމްބަރު 

3. އަހުމަދު ޝިފާޒް / ނައިޓްރޯސް / ތ. ދިޔަމިގިލި - ބޯޑު މެމްބަރު 

4. އަހުމަދު ޔާމީން / ގްރީންވިލާ / ސ. މީދޫ - ބޯޑު މެމްބަރު 

5. އާދަމް މަނިކު /  ހ. ސަމާބްލޫ  - ބޯޑު މެމްބަރު