ދަރުބާރުގެ ކުއްޔަށްދިނުން ވަގުތީގޮތުން ހުއްޓާލައިފިއެވެ.
މިކަން ހާމަކޮށް، މިނިސްޓްރީ އޮފް ކޮންސްޓްރަކްޝަން އެންޑް އިންފްރާސްޓްރަކްޗަރ އިން ބުނީ، ތިން މިނިސްޓްރީއެއްގެ ހިންގުން ވަގުތީގޮތުން ދަރުބާރުގެއަށް ބަދަލުކުރަން ޖެހުމުގެ ސަބަބުން ދަރުބާރުގޭގެ ހޯލްތައް ވަގުތީގޮތުން ކުއްޔަށް ދިނުން ހުއްޓާލާފައިވާކަމަށެވެ.
ގްރީން ބިލްޑިންގގައި ހިނގި އަލިފާނުގެ ހާދިސާގައި މިނިސްޓްރީ އޮފް ކޮންސްޓްރަކްޝަން، ހައުސިން އެންޑް އިންފްރާސްޓްރަކްޗަރ އާއި އެންވަޔަރަމެންޓް މިނިސްޓްރީ ގެ އިމާރާތް ބޭނުން ނުކުރެވޭވަރަށް އެނދުމާއި ގުޅިގެން އެ ތިން މިނިސްޓްރީގެ ހިންގުން ދަރުބާރުގެއަށް ބަދަލުކޮށްފައިވަނީ މިމަހުގެ 13 ވަނަ ދުވަހުއެވެ.
މިކަމާއި ގުޅިގެން މީގެ ކުރިން ރައީސް ޑރ.މުޢިއްޒު ވިދާޅުވީ، މިނިސްޓްރީތައް ހިންގުމަށް ދާއިމީ އިމާރާތެއް ހަމަޖެހެންދެން، މިނިސްޓްރީތަކުގެ މަަސައްކަތްތައް ކުރިއަށްގެންދާނީ އެ ތަނުގައި ކަމަށާއި، މިނިސްޓްރީތަކުގެ މަސައްކަތްތައް ކުރިއަށްގެންދިއުމަށް ކުއްޔަށް ތަނެއް ހިފުމުގެ ވިސްނުން ނުގެންގުޅުއްވާކަމަށެވެ.
Advertisement
This content is created and paid for by advertisers and does not involve Voice Journalists
