ނިމިގެންމިދާ އަހަރަކީ ރައްޔިތުން ބާރުވެރިކޮށް، ޤައުމުގެ ސިޔާދަތު ހިމާޔަތް ކުރެވުނު އަހަރެއްކަމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު މިއަދު ވިދާޅުވެއްޖެއެވެ.

ރައީސް ޑޜ.މުއިއްޒު މިހެން ވިދާޅުވެފައިވަނީ ސޯޝަލް މީޑިއާގައި ކުރެއްވި ޕޯސްޓެއްގައެވެ. ރައީސް ވިދާޅުވީ, މިއަހަރުގެ ތެރޭގައި ޤާނޫނު އަސާސީއަށް ގެނެވުނު އިސްލާހުތަކާއެކު ކަންކަމުގައި ރައްޔިތުންނަށް ފެންނަ ނުފެންނަ ގޮތް ނިންމޭނާ ކަމަށާއި، އެއީ ހަގީގީ މާނައިގައި ރައްޔިތުން ބާރުވެރިކުރުވުނބް ކަމަށެވެ.

ރައީސް ވަނީ މިއަހަރުގެ ތެރޭގައި ޤާނޫނު އަސާސީއަށް ގެނައި އިސްލާހުތައް ޕޯސްޓްކުރައްވާފައެވެ. ރައްޔިތުންގެ މަޖިލީހުގެ ތެރެއިން ޤާނޫނު އަސާސީއަށް މިފަހަކުން ވަނީ 5 އިސްލާހެއް ގެނެސްފައެވެ. އޭގެ ތެރެއިން އެންމެ ފާހަގަކޮށްލެވެނީ ރާއްޖޭގެ ސަރަހައްދަށް ގޮސް ކަނޑައެޅުމުގައި އަމަލުކުރާނެ ގޮތެވެ. މި ފަހުން ގެނައި އިސްލާހުގައިވާގޮތުން ރާއްޖޭގެ ސިޔާދަތީ ބާރު އޮންނަ ސަރަހައްދަށް އެއްވެސް ބަދަލެއް ގެނެވޭނީ ރައްޔިތުން މަޖިލީހުގެ ޖުމްލަ އަގުލަބިުއްޔަތު 4 ބައިކުޅަ 3 ބައި ލިބިގެންނެވެ. މީގެ އިތުރުން ގޮތް ނިންމުމުގައި ރައްޔިތުންގެ ފެންނަ ނުފެންނަ ވޯޓަކަށްވެސް ދާން ވަނީ ލާޒިމުކޮށަްފައެވެ.

މީގެ އިތުރުން ރާއްޖޭގެ ސިޔާދަތީ ބާރުހިނގާ ތަނެއް ބޭރުގެ އަސްކަރިއްޔާއަކަށް ހުއްދަ ދެވޭގޮތަށްވެސް ވަނީ އިސްލާހު ގެނެސްފައެވެ. މިކަމަށް ގެނައި އައު އިސްލާހުގައިވާގޮތުން ބޭރުގެ ބަޔަކަށް އަސްކަރީ ބޭނުމެއްގައި ރާއްޖޭގެ އެއްވެސް ތަނެއް ދެވޭނީ ރައްޔިތުން މަޖިލީހުގެ ހުރިހާ މެމްބަރުންގެ ރުހުން އޮވެގެންނެވެ. 

ސަރުކާރުން ޤާނޫނު އަސާސީއަށް ގެނައި އިސްލާހުތަކާ ގުޅޭގޮތުން އެމްޑީޕީން ބުނެފައިވަނީ، އަވަސް އަރުވާލައިގެން ގާނޫނު އަސާސީއަށް ގެނައި އިސްލާހުތައް ބަލައި ނުގަނެވޭނެ ކަމަށާއި، އެކަމަށްވުރެ ކުރަން އައުލާކަންބޮޑު އެހެން ކަންކަން އެބަހުރިކަމަށެވެ. މިގޮތުން އާސަންދަ ނިޒާމާއި ބޭސްފަރުވާގެ ކަންކަން ރައްޔިތުން އެދޭގޮތަށް ބަދަލުތަން ގެންނަން ޖެހޭަކަމަށް އެމްޑީޕީން ވަނީ ބުނެފައެވެ. ގާނޫނު އަސާސީއަށް އިސްލާހުތައް ގެނައި މައްސަލާގައި އެމްޑީޕީން މަގުމައްޗަށް ނިކުމެފައިވާއިރު، އެ ޕާޓީން ވަނީ އެކަމާ ދެކޮޅަށް ސީދާ ހަރަކާތްތައް ބާއްވާނޭކަމަށް ބުނެފައެވެ.