ޖައްވުގައި ސްޕޭސްކްރާފްޓް ޑޮކްކުރުމުގެ ގާބިލްކަން ހޯދުމުގެ އަމާޒުގައި އިންޑިއާއިން އަނެއްކާވެސް އާ މިޝަންއެއް އުދުއްސާލައިފިއެވެ.
ސްޕޭސް ޑޮކިންގ އެކްސްޕެރިމެންޓް (ސްޕެޑެކްސް)ގެ ނަން ދީފައިވާ މި މިޝަންގައި ދެ ޖައްވީ އުޅަނދު އިންޑިއާއިން ބޭނުންކުރާނެއެވެ. މި ދެ އުޅަނދާއެކު އިންޑިއަން ސްޕޭސް ރިސަރޗް އޯގަނައިޒޭޝަން (އިސްރޯ)ގެ ޕީ.އެސް.އެލް.ވީ ރޮކެޓު އުދުއްސާލާފައިވަނީ އަންދްރަޕްރަދޭޝްގެ ސަތިޝް ސަވާން ސްޕޭސް ސްޓޭޝަނުން މިއަދު ހެނދުނުގެ ވަގުތެއްގައެވެ.
ސްޕޭސް ޑޮކިންގ ގާބިލްކަން ލިބިފައިވަނީ މިހާތަނަށް 3 ގައުމަކަށެވެ. އިންޑިއާ ވެގެންދާނީ މި ޓެކްނޮލޮޖީ ހޯދާ 4 ވަނަ ގައުމަށެވެ. ޖައްވީ ރޭހުގައި ކުރި ހޯދައި، އިންޑިއާއިން ކުރިއަށް ރާވާފައިވާ މިޝަންތަކަށް މި ޓެކްނޮލޮޖީއަކީ މުހިއްމު ޓެކްނޮލޮޖީއެކެވެ. އެގޮތުން އިންޑިއާގެ ސެޓެލައިޓްތައް ޖައްވުގައި މަރާމާތުކުރުމާއި، އިންޑިއާއިން ޕްލޭންކޮށްފައިވާ ޖައްވީ ސްޓޭޝަންގެ މަސައްކަތްތަކަށް މިއީ މުހިއްމު ކުރިއެރުމެކެވެ.
Advertisement
This content is created and paid for by advertisers and does not involve Voice Journalists
