އިންޑިއާގެ އަސްކަރިއްޔާގައި ބޭނުންކުރާ ސަބްމެރިންތަކުގެ ގާބިލްކަން އިތުރުކުރުމުގެ އެއްބަސްވުންތަކެއްގައި އެގައުމުން ސޮއިކޮށްފިއެވެ.
އެގޮތުން ސަބްމެރިންތައް ކަނޑުއަޑީގައި ހޭދަކުރެވޭ ވަގުތު އިތުރުކުރުމުގެ ޓެކްނޮލޮޖީ ހޯދުމަށް އިންޑިއާގެ ކުންފުންޏެއްކަމަށްވާ މަޒަގޮން ޑޮކް ޝިޕްބިލްޑަރސްއާއެކު 19.9 ބިލިއަން އިންޑިއަން ރުޕީޒްގެ ޕްރޮޖެކްޓެއްގައި މިހަފްތާގައި ސޮއިކޮށްފައިވެއެވެ. އެއީ އެމެރިކާ ޑޮލަރުން ބަލާއިރު 233 މިލިއަން އެމެރިކާ ޑޮލަރެވެ.
މީގެ އިތުރުން އިންޑިއާގެ ކަނޑުގެ ސިފައިންގެ ސަބްމެރިންތަކުގައި ޓޯޕީޑޯ ހަރުކޮށް، ސަބްމެރިންތަކުގެ ހަމަލާ ދިނުމުގެ ގާބިލްކަން އިތުރުކުރުމަށް ފަރަންސޭސީވިލާތުގެ ނޭވަލް ގްރޫޕްއާއެކު 102 މިލިއަން އެމެރިކާ ޑޮލަރުގެ އެއްބަސްވުމެއްގައިވެސް ވަނީ ސޮއިކޮށްފައެވެ.
މަޒަގޮން ޑޮކް ޝިޕްބިލްޑަރސްއާއެކު ސޮއިކުރުމަށް ބޭއްވި އެއްބަސްވުމުގެ ތެރެއިން.. ފޮޓޯ: އިންޑިއަން ޑިފެންސް
އިންޑިއާގެ އަސްކަރީ ގާބިލްކަން އިތުރުކޮށް، ވާދަވެރި ގައުމުތަކާ އެއް ހަމައެއްގައި ތިބުމަށް އިންޑިއާއިން ދަނީ ގިނަ އަދަދެއްގެ ފައިސާ އިންވެސްޓްކުރަމުންނެވެ. އަދި މިއާއެކު އިންޑިއާގެ އަމިއްލަ ދިފާޢީ އުފެއްދުންތެރިކަމުގެ ސިނާއަތުވެސް ދަނީ ކުރި އަރަމުންނެވެ.
Advertisement
This content is created and paid for by advertisers and does not involve Voice Journalists
