މޯލްޑިވިއަނުން ބ.އަތޮޅު ފުޅަދުއަށް ސީޕްލޭންގެ ދަތުރުތައް ފެށުމަށް ތައްޔާރުވެއްޖެއެވެ.
މޯލްޑިވިއަނުން އަންނަނީ ޢީދު ބަންދާ ދިމާކޮށް ފުޅަދުއަށް ސީޕްލޭންގެ ދަތުރުތައް ބާއްވަމުންނެވެ. މި ދަތުރުތަކުގެ ތަރުހީބު ބޮޑުކަމަށް މޯލްޑިވިއަނުން ބުނެއެވެ. މޯލްޑިވިއަނުން ވަނީ އީދު ބަންދަށްފަހުވެސް އެ ހިސާބަށް ދަތުރުތައް ބޭއްވުމަށް ނިންމާފައެވެ.
ގެޒެޓްގައި ފުޅަދޫ ކައުންސިލުން ކޮށްފައިވާ އިއުލާނެއްގައި ބުނެފައިވަނީ، އެރަށަށް ސީޕްލޭން ދަތުރުތައް ފެށުމަށް ތައްޔާރުވުމުގެ ގޮތުން ދަތުރުތަކުގައި ބޭނުންކުރާނެ ފަސެންޖަރުންނާއި ދާގީނާތައް އުފުލުމަށް ކަނޑު އުޅަނދެއް ހޯދުމަށް އިއުލާނުކޮށްފައެވެ. އެ އުޅަނދު ބޭނުންކުރަނީ، ސީޕްލޭން ޕްލެޓްފޯމާއި ފުޅަދުއާ ދެމެދު ދަތުރުތައް ކުރުމަށެވެ. އެއީ ފަސެންޖަރުންނާއި ދާގީނާތައް އުފުލުމަށެވެ.
ފުޅަދޫ ކައުންސިލުން ބުނީ، އެ އުޅަނދު ވާންޖެހޭނީ 10 ފަސެންޖަރުންގެ އިތުރުން އެމީހުންގެ ދާގީނާތައް އުފުލޭވަރުގެ އުޅަނދަކަށެވެ. އަދި ވާރޭ ވެހޭ ދުވަހެއްނަމަ، ފަސެންޖަރުންނާއި ދާގީނާތައް ހިޔާވާން ޖެހެއެވެ.
އެ އުޅަނދުގެ ދަތުރުތައް ކުރާނީ ހަމައެކަނި ދުވާލު ގަޑީގައެވެ. އުޅަނދު ފޯރުކޮށްދިނުމަށް އެދޭ ފަރާތްތަކުން އެކަމަށް ހުށަހަޅަންޖެހޭ އެންމެފަހު ތާރީހަކީ އަންނަ އޭޕްރިލްމަހުގެ 6 ވަނަ ދުވަހެވެ.
ފުޅަދުއަކީ ލޯކަލް ޓޫރިޒަމް ވަރަށްބޮޑަށް ކުރިއަރަމުން އަންނަ ރަށެކެވެ. ފުޅަދުއަށް އަންނަ ލޯންޗުތަކުގައި މިހާރުވެސް ގިނަ އަދަދެއްގެ ފަތުރުވެރިން އެރަށަށް ޒިޔާރަތްކުރެއެވެ. ފުޅަދުއަށް މޯލްޑިވިއަންގެ ދަތުރުތައް ފެށުމަކީ އެ އެއާލައިނަށް ވިޔަފާރީގެ ގޮތުންވެސް ވަރަށްބޮޑެތި ފައިދާތަކެއް ލިބިގެންދާނޭ ކަމެއްކަމަށް ބައެއް ފަރާތްތަކުން ފާހަގަކުރެއެވެ.
މޯލްޑިވިއަނުން އަންނަނީ ޢީދު ބަންދާ ދިމާކޮށްވެސް ފުލަދުއަށް ސީޕްލޭންގެ ދަތުރުތައް ބާއްވަމުންނެވެ. މި ދަތުރުތަކުގެ ތަރުހީބު ބޮޑުކަމަށް މޯލްޑިވިއަނުން ބުނެއެވެ.
Advertisement
This content is created and paid for by advertisers and does not involve Voice Journalists
