ޔަމަނުން އިސްރާއީލްގެ ތެރެއަށް ދެ މިސައިލެއް ފޮނުވާލާފައިވާކަމަށް އިސްރާއީލްގެ ދިފާއީ ވުޒާރާއިން ބުނެފިއެވެ.
ޔަމަނުން އިސްރާއީލަށް ދެ މިސައިލެއް ފޮނުވާލާފައިވާއިރު، އިސްރާއީލްގެ ތެލް އަވީވް މިހާރު އޮތީ ތައްޔާރީ ހާލަތުގައެވެ. އެގޮތުން މުޅި ތެލް އަވީވް ތެރެއިން މިހާރު އިވެނީ ސައިރަންގެ އަޑުކަމަށް ހަބަރުތައް ބުނެއެވެ.
އަލް ޖަޒީރާއިން ބުނީ އިޒްރާއީލްގެ މިސައިލްތަކުން ދިފާއުވާ ނިޒާމަށް އެ ހަމަލާ ދެނެގަނެވިފައިވާކަމަށެވެ. ނަމަވެސް އެ ދެ މިސައިލް ވައިގެ ތެރެއަށް ގޮއްވާލިކަމެއްވެސް އަދި އެއްވެސް ބަޔަކު ކަށަވަރުކޮށެއް ނުދެއެވެ.
ޔަމަނުން އިސްރާއީލަށް މިސައިލް ހަމަލާތަކެއް ފޮނުވާލާފައިވަނީ، މީގެ އަހަރެއްކުރިން ހަމަ މިދުވަހު އީރާނުން އިސްރާއީލުގެ ތެރެއަށް ގިނަ އަދަދެއްގެ މިސައިލްތަކެއް ފޮނުވާލިތާ އަހަރު ފާހަގަކުރަމުންދާ ދަނޑިވަޅެއްގައެވެ.
މިދިޔަ އަހަރުގެ އޭޕްރިލްމަހުގެ 13 ވަނަ ދުވަހު އީރާނުންވަނީ އިސްރާއީލްގެ ތެރެއަށް ޑްރޯންތަކެއް ފޮނުވައި ހަމަލާތަކެއްދީފައެވެ.
Advertisement
This content is created and paid for by advertisers and does not involve Voice Journalists
