އީރާނުން, ހައްދުފަހަނައަޅާފައިވާ ޔަހޫދީ އިޒްރޭލަށް ވަރުގަދަ ހަމަލާތަކެއްދީ އެ މީހުން ބިރުގަންނަވައިލައިފި އެވެ.

މި ހަމަލާތައް މިރޭ ދޭން ފެށީ އިސްރާއިލުން އިރާނުގެ އަސްކަރީ އަދި ނިޔުކްލިއާ މަރުކަޒުތަކަށް ބޮން އަޅާ ހިންގަން ފެށި އުދުވާންގެ ބަދަލު ހިފުމުގެ ގޮތުންނެވެ.

“އޮޕަރޭޝަން ޓްރޫ ޕްރޮމިސް” ނަމުގައި މިރޭ ދޭން ފެށި ހަމަލާތަކުގައި ފުލުފުލުގައި އެތައް ސަތޭކަ މިސަައިލް ހަމަލާތަކެއް ވަނީ އިޒްރޭލަށް ފޮނުވާލާފަ އެވެ. އޭގެ ތެރެއިން ބައެއް ހަމަލާތައް ޔަހޫދީންގެ ވެރިރަށުގެ މުހިންމު ހިސާބުތަކަށް ފޯރިއެވެ. އަދި ގަދައަށް ރޯވެ ބޮޑެތި އަލިފާންގަނޑުތަކަށް ބަދަލުވެ މީހުންނާއި އިމާރާތްތަކާއި ތަކެއްޗަށް ވަނީ ވަރަށް ބޮޑަށް ގެއްލުންވެފަ އެވެ.

ބައެއް ބޮޑެތި އިމާރާތްތައް ވަނީ ފުނޑުފުނޑުވެފަ އެވެ.

ޔަހޫދީންގެ އެތައް ހާސް ބަޔަކު އިރާންގެ ރައްދު ހަމަލާތަކުގެ ބިރަށް ބިންގަރާސްތަކަށް ވަދެ ފިލާފައިވާއިރު އެތައް ބަޔަކު ވަނީ ޒަހަމުވެފަ އެވެ. ބައެއް ރިޕޯޓްތައް ބުނާ ގޮތުން ސީރިއަސް އަނިޔާތައް ލިބުނު މީހުންގެ އަދަދު 40 އިން މައްޗަށް އަރަ އެވެ.

އިރާނުން މިއަދު ވަނީ ޔަހޫދީ އިޒްރޭލަށް އިބްރަތަކަށް ފުދޭފަދަ ވަރުގަދަ ރައްދެއް ދޭނެ ކަމަށް އިންޒާރު ކޮށްފަ އެވެ. ކުރީން ވެސް ލަފާ ކުރެވުނު ގޮތަށް އިރާނުން ހަމަލާތައް ދޭން ފެށީ ރޭގަނޑު ވަގުތު އެވެ.

އިރާންގެ ހުރިހާ މިސަައިލުތަކެއް ވައްޓާލާ އިޒްރޭލްގެ ބާރު ދައްކަން ކުރި މަސައްކަތް ފެއިލްވެ ޔަހޫދީން ބޮޑު ބިރުވެރި ކަމެއްގައި ތިބިއިރު އަދިވެސް ހަމަލާ ދޭނެ ކަމަށް އިރާނުން ވަނީ އިންޒާރު ކޮށްފަ އެވެ. 

ހާލަތު ބަދަލުވެ އިޒްރޭލްގައި ބިރުވެރިކަން ބޮޑުވުމުން އެ ބައިމީހުންގެ އަނިޔާ ތަހަންމަލު ކުރަމުންދާ ފަލަސްތީނުގެ ރައްޔިތުން މިރޭ ދަނީ އުފާފާޅު ކުރަމުންނެވެ.

ފަތިހު އިސްރާއީލުން އީރާނުގެ ވެރިރަށް ތެހެރާނަށް ދޭން ފެށި ބޮމުގެ ހަމަލާތަކުގައި އީރާނުގެ އީރާނުގެ ސިފައިންގެ އެންމެ އިސް ވެރިޔާ ޗީފް އޮފް ސްޓާފް މޭޖަރ ޖެނެރަލް މުޙައްމަދު ބަޣޭރީ އާއި ސަރުކާރުގެ އިސް އޮފިޝަލުންތަކެއް ވަނީ އަވަހާރަވެފައެވެ.

އީރާނުގެ ނިއުކްލިއަރ އަދި އަސްކަރީ ތަންތަނަށް އަމާޒުކޮށް އިސްރާއީލުން ހަމަލާ ދީފައިމިވަނީ އީރާނުގެ ނިއުކްލިއަރ ޕްރޮގްރާމް އަވަސް ސްޕީޑެއްގައި ކުރިއަށްދާ ދަނޑިވަޅެއްގައިކަން ފާހަގަކޮށްލަންޖެހެއެވެ. 

އީރާނުގެ ސަރުކާރުގެ ޓެލެވިޜަނުން ބުނެފައިވާ ގޮތުގައި މި ހަމަލާގައި ބަޣޭރީގެ އަވަހާރަވެފައުވާއިރު އޭނާއަކީ އީރާނުގެ ރިވޮލިއުޝަނަރީ ގާޑުގެ އިސް މަޤާމެއްގައި ކުރިން ހުންނެވި ބޭފުޅެކެވެ. މީގެ އިތުރުން އެތައް އަސްކަރީ އޮފިސަރުންނަކާއި ސައިންޓިސްޓުންނެއް މި ހަމަލާގައި އަވަހާރަވެފައިވާ ކަމަށް ވެސް ވެ އެވެ.

އޭގެ ތެރޭގައި، އީރާނުގެ އިންޤިލާބީލަޝްކަރުގެ ކޮމާންޑަރު ހުސައިންސަލާމީ އާއި، ޚަތީމް އަލް އަންބިއާ މިލިޓަރީ ހެޑްއުއާޓަރގެ ކޮމާންޑަރު ގުލާމް އަލީ ރާޝިދު އަދި ނިއުކްލިއަރ ސައިންޓިސްޓް މުހައްމަދު މަހްދީ ތެހެރާނީ އާއި ފެރީދޮން އައްބާސީ ހިމެނެއެވެ.