ސްޓެލްކޯއިން މާލޭގެ ކަރަންޓު ވިއުގަ އަޕްގްރޭޑްކުރުމުގެ މަސައްކަތް ކުރަމުންދާތީ މިއަދު ހެނދުނާއި މެންދުރުފަހުގެ ވަގުތުތަކުގައި މާލޭ ސިޓީގެ ބައެއް ސަރަހައްދުތަކުން ކަރަންޓުގެ ހިދުމަތް މެދުކެނޑުން އެކަށީގެންވާކަމަށް އެ ކުންފުނިން ބުނެފިއެވެ.
ސްޓެލްކޯއިން މިކަން ހާމަކޮށް އެކްސްގައި ކޮށްފައިވާ ޕޯސްޓެއްގައި ބުނެފައިވަނީ އެކުންފުނިން މާލޭގެ ކަރަންޓު ވިއުގަ އަޕްގްރޭޑްކުރުމުގެ މަސައްކަތް ކުރަމުންދާތީ މިއަދު ހެނދުނު 09:30 އާއި 11:30 އަށް މާލެ ސިޓީގެ ދަނބުރުއް މަގާއި، އަނޯނާ ގޯޅީގެ އިތުރުން ކުދިމާ ގޯޅި ހިމެނޭ ސަރަހައްދުތަކުން ކަރަންޓުގެ ހިދުމަތް މެދުކެނޑިދާނެކަމަށެވެ.
އަދިހަމައެހެންމެ، މިއަދު މެންދުރުފަހު 14:00 އިން 16:00 އާއި ހަމައަށް މާލެ ސިޓީގެ ބޮޑު ރަސްގެފާނު މަގާއި އެމަގު ހަނި ގޯޅި ހިމެނޭ ސަރަހައްދުން ރަންޓުގެ ހިދުމަތް މެދުކެނޑިދާނެކަމަށް އެކުންފުނިން އެކްސްގައި ކޮށްފައިވާ ޕޯސްޓުގައި ވަނީ ބުނެފައެވެ.
ކަރަންޓުގެ ހިދުމަތް މެދުކެނޑިގެން ދިމާވެދާނެ ދަތިތަކަށް ސްޓެލްކޯއިން ވަނީ މައާފަށް އެދިފައެވެ.
Advertisement
This content is created and paid for by advertisers and does not involve Voice Journalists
