އުމްރާއަށް ގެންދަން ފައިސާ ނެގުމަށް ފަހު އަސްކޮއި ގުރޫޕުން އެތައް ބަޔަކަށް ލަނޑުދީފި އެވެ.
އެކަން ދިމާވި މީހުން ވަނީ އެ ވާހަކަތައް މިއަދު ސޯޝަލް މީޑިއާގައި ހިއްސާ ކޮށްފަ އެވެ. އެ މީހުން ބުނީ އުމްރާއަށްދާން 25،500 ރުފިޔާ ދައްކާފައިވާ ކަމަށެވެ.
އަދި މި މަހު ފުރަން އޮތް ނަމަވެސް ހަބަރެއް ނުވާތީ އެ އޮފީހަށް މީގެ ތިން ދުވަސް ކުރީން ގުޅުމުން ފުރާން އޮތް ދުވަހަށް ފުރޭނެ ކަމަށް ބުނުމަށް ފަހު އެންމެ ފަހު ވަގުތު ނުދެވޭނެ ކަމަށް އެންގި ކަމަށެވެ. އަދި ފަހުން ފޯނަށް ޖަވާބު ނުދޭ ކަމަށެވެ.
އެކަމާއި ގުޅިގެން އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވީ އަސްކޮއި އުމްރާ ކުންފުނިން އުމްރާއަށް މީހުން ގެންދިއުމަށް ފައިސާ ނަގައި ފުރަން އޮތް ދުވަހު ނުފުރައި ލަނޑުދީގެން އުޅޭކަމުގެ މައުލޫމާތު މިނިސްޓްގެ ސަމާލުކަމަށް މިރޭ އިރާކޮޅުގައި ވަނީ އައިސްފައި ކަމަށެވެ.
އަދި ވިދާޅުވީ މި މައްސަލަ ފުލުހަށް ހުށަހަޅައި ގަވާއިދާ އެއްގޮތައް ފިޔަވަޅު އަޅާނެ ކަމަށެވެ.
Advertisement
This content is created and paid for by advertisers and does not involve Voice Journalists
