ނޫސްވެރިކަން ނަހަމަގޮތުގައި ބޭނުންކުރާ މީހުންނާދެކޮޅަށް ފިޔަވަޅު އަޅައި ހައްޤު އަދަބު ދެވެންޖެހޭކަމަށް ހައްޖު ކޯޕަރޭޝަނުގެ މެނޭޖިންގ ޑިރެކްޓަރު މުހައްމަދު ޝަކީލް ވިދާޅުވެއްޖެއެވެ.

އެކްސްގައި މިއަދު ކުރެއްވި ޕޯސްޓެއްގައި ޝަކީލް ވިދާޅުވީ، ހަގީގީ ނޫސްވެރިކަން ކުރާ ނޫސްވެރިންނަށް ދޭންޖެހޭ އިހުތިރާމަށްޓަކާވެސް ނޫސްވެރިކަމުގެ މިނިވަންކަން ނަހަމަގޮތުގައި ބޭނުންހިފާ މީހުންނަށް ފިޔަވަޅު އެޅެންޖެހޭަކަމަށެވެ.

ޝަކީލް ވިދާޅުވީ، މިއަދުގެ މުޖުތަމައުގައި ނޫސްވެރިންގެ ފާހުގެ ނިވަލުގައި ތިބެގެން ގައުމު ފަސާދަކުރަމުންދާ ބަޔަކު މަދުން ނަމަވެސް އުޅޭ ކަމީ، އަޅުގަނޑުމެން ގަބޫލު ކުރަންޖެހޭ ހަގީގަތެއްކަމަށެވެ

.

މިނިވަން ނޫސްވެރިކަމާއި ހިޔާލުފާޅުކުރުމުގެ މިނިވަންކަން ބޭނުންކުރަންވާނީ، އިސްލާމްދީނާއި ޤާނޫނުގެ ޙުދޫދުތަކުގެ ތެރެއިން ކަމަށް އިސްލާމީ ކަންތައްތަކާއި އައުޤާފާ ބެހޭ ވަޒީރު ޑރ.މުހައްމަދު ޝަހީމް އަލީ ސައީދުވެސް ވަނީ, އެކްސްގައި ކުރެއްވި ޕޯސްޓެއްގައި ވިދާޅުވެފައެވެ.

މީޑިއާގެ މިނިވަންކަން ޒިންމާދާރުގޮތުގައި ހުދޫދުން ބޭރުނުވާގޮތަށް ހިފުމަށް ބައެއް ފަރާތްތަކުން ގޮވާލަމުންދާއިރު، ރައީސުލްޖުމްހޫރިއްޔާއަށް ބޮޑެތި ތުހުމަތެއް ކޮށް ޑޮކިއުމަންޓްރީއެއް ހެދި މައްސަލާގައި ރޭގެ ވަގުތެއްގައި ފުލުހުން ވަނީ ކޯޓުއަމުރެއްގެ ދަށުން އޮންލަިއން ނޫސް، އަދަދުނޫސް ބަލާފާސްކޮށްފައެވެ. އެތަން ބަލާ ފާސްކޮށް ބައެއް ތަކެތި ފުލުހުން ވަނީ ގެންގޮސްފައެވެ.