ފީފާ ވޯލްޑް ކަޕްގެ ފޯރި ގަދަވަމުންދާއިރު، "ބައިލައްކަ ބޭނުން؟" ކެމްޕޭނުގެ ދަށުން ޚާއްސަ ގިވްއަވޭއެއްގައި ބައިވެރިވެގެން 50،000 ރުފިޔާ ހޯދުމުގެ ރަނުގެ ފުރުސަތެއް އެލައިޑުން މިވަނީ ހުޅުވާލާފައެވެ.

ބައިލައްކަ ބޭނުން މި ކެމްޕެއިން ކުރިއަށްގެންދަނީ އެލައިޑްގެ ފޭސްބުކް ޕޭޖް މެދުވެރިކޮށެވެ.

މި ކެމްޕޭނުގައި ބައިވެރިވުމަށްޓަކައި، ފީފާ ވޯލްޑް ކަޕްގެ ފައިނަލަށް ދާނެ ދެ ޓީމު ދިމާކުރަން ޖެހޭނެއެވެ. ފައިނަލަށް ދާނެ ދެ ޓީމު ރަނގަޅަށް ދިމާކޮށް، ކަނޑައެޅިފައިވާ ޝަރުތުތައް ފުރިހަމަކުރާ ފަރާތްތަކުގެ މެދުގައި ނެގޭ ގުރުއަތުން ހޮވޭ ނަސީބުވެރިޔާ އިއުލާނުކުރުމަށް ހަމަޖެހިފައިވަނީ ވޯލްޑް ކަޕް ނިމުމުންނެވެ.

މިހިނގާ ޖުލައިމަހުގެ 9 ވަނަ ދުވަހުގެ ނިޔަލަށް މި ގިވްއަވޭ ކުރިއަށްދާއިރު، މި ކެމްޕޭނުގައި، ބައިވެރިވުމަށް މިހާރު ބާކީ އޮތީ އެންމެ 3 ދުވަހެވެ.

ރަސްމީ ފޭސްބުކް އަދި އިންސްޓަގްރާމް ޕޭޖަށް ފޮލޯކުރުން.ކެމްޕޭން ޕޯސްޓުގެ ކޮމެންޓުގައި ފައިނަލަށް ދާނެ ކަމަށް ލަފާކުރާ ދެ ޓީމުގެ ނަން ލިޔުން.ހަމަ އެ ކޮމެންޓުގައި 3 ރަހުމަތްތެރިން ޓެގްކުރުން.އިންސްޓަގްރާމުން ފޮލޯކޮށްފައިވާކަން ޔަގީންކުރުމަށްޓަކައި، އަމިއްލަ އިންސްޓަގްރާމް ޔޫސަރނޭމް ކޮމެންޓުގައި ހިމެނުން.

މި ކެމްޕޭނުގައި ބައިވެރިވާއިރު، އިންސްޓަގްރާމް ޔޫސަރނޭމް ނުހިމަނާ ފަރާތްތަކުގެ ނަން ގުރުއަތުގައި ބައިވެރިކުރުމުގެ ފުރުސަތެއް ނުލިބޭނެއެވެ.

މިއީ ފުޓްބޯޅައަށް ލޯބިކުރާ ފަރާތްތަކަށް ވޯލްޑް ކަޕްގެ ފޯރީގައި ބައިވެރިވެ، ބޮޑު ފައިސާގެ އިނާމެއް ހޯދުމަށް ފަހިކޮށްދިން ފުރުސަތެއްކަމަށް އެލައިޑުން ބުނެއެވެ.