ވެލާނާ އިންޓަރނޭޝަނަލް އެއާޕޯޓުން ގަވައިދާ ހިލާފަށް ލައްކައެއްހާ ޑޮލަރު ހިފައިގެން ބަންގްލަދޭޝްއަށް ފުރަން އުޅުނު އެޤައުމަށް ނިސްބަތްވާ މީހަކު އޭވިއޭޝަން ކޮމާންޑުން ހުއްޓުވައިފިއެވެ.

ވެލާނާ އިންޓަރނޭޝަނަލް އެއަރޕޯޓުން މޯލްޑިވިއަން އެއަރލައިންސްގެ ފްލައިޓަކުން ކޮލަމްބޯއަށް ދަތުރުކުރަން ހަމަޖެހިފައިވާ ފަސިންޖަރެއްގެ އަތުން މަސްތުވާތަކެތި ކަމަށް ޝައްކުކުރެވޭ އެއްޗެހި ފެނިއްޖެއެވެ.

ބ. އަތޮޅު ސީސައިޑް ފިނޮޅު ރިސޯޓުން އެ އަތޮޅު ވެސްޓްއިން މޯލްޑިވްސް މިރިޔަންދު އަށް ދަތުރުކުރި ޓީއެމްއޭގެ މަތިންދާބޯޓެއް އެ ރިސޯޓަށް ޖެއްސުމުގެ ތެރޭގައި ބޯޓުގެ ކަނާތު ކަނދަށް ގެއްލުންވެ، ހާދިސާއެއް ހިނގި ކަމަށާއި އެ ހާދިސާއެއް ހިނގާފައިވަނީ އިއްޔެ މެންދުރު ފަހު 3:30 ހާއިރު އެވެ. މި ހާދިސާ މިހާރު ދަނީ ސިވިލް އޭވިއޭޝަން އޮތޯރިޓީން ތަހުގީގުކުރަމުންނެވެ.

ޑިފެންސް މިނިސްޓްރީން އިއްޔެ އާންމުކުރި ސާކިއުލާއެއްގައި ބުނެފައިވަނީ ރާއްޖޭގެ މަދަނީ ވައިގެ ދަތުރުފަތުރުގެ ރައްކާތެރިކަމަށް ނުރަނގަޅު އަސަރެއްކޮށްފާނެ ކަަމަށް ބެލެވޭ ކަމެއް ނުވަތަ ހެދިފައިވާ ގަވާއިދުތަކާއި އުސޫލުތަކާ ހިލާފު ކަމެއް އެއާޕޯޓްތަކުގައި ނުވަތަ ފްލައިޓްތަކުގައި ހިނގާނަމަ އެކަން ރިޕޯޓްކުރެވޭނެ ނިޒާމެއް މިހާރު ގާއިމްކޮށްފައިވާ ކަމަށެވެ.