ރައީސް ސާލިހް އާއި އެކު ކޯލިޝަން ހަދަން ވާހަކައެއް ނުދައްކަން: ގާސިމް
އެމްޑީޕީގެ ރިޔާސީ ކެނޑިޑޭޓް ރައީސް އިބްރާހިމް މުހައްމަދު ސާލިހާއެކު ކުރެވުނު މަޝްވަރާ ރައްޔިތުން ބަލަން ނުޖެހޭނެ ކަމަށް ޖުމްހޫރީ ޕާޓީގެ ލީޑަރު ގާސިމް އިބްރާހިމް ވިދާޅުވެއްޖެއެވެ.
މިއަދު ރައީސް އިބްރާހިމް މުހައްމަދު ސޯލިހުގެ އަރިހަށް ރައީސް އޮފީހަށް ކުރެއްވި ޒިޔާރަތަށް ފަހު މީޑިއާތަކާ ވާހަކަ ދައްކަވަމުން ގާސިމް ވިދާޅުވީ ކުރިއަށް އޮތް ރިޔާސީ އިންތިޚާބުގައި ރައީސް ޞާލިހާއި އެކު ކޯލިޝަން ހެދުމާއި ގުޅޭގޮތުން އެ ބައްދަލު ވުމުގައި ވާހަކަ ނުދައްކަވާ ކަމަށެވެ. އަދި ކޯލިޝަން ހެދުމާއި ގުޅޭ ގޮތުން ވާހަކަ ދައްކާނީ ޖުމްހޫރީ ޕާޓީގެ ކައުންސިލުން ވަކިގޮތަކަށް ނިންމުމުން ކަމަށްވެސް ވިދާޅުވި އެވެ.
މީގެ އިތުރުން މިއަހަރުގެ ރިޔާސީ އިންތިހާބުގައި ގާސިމް ވާދަކުރައްވާނެތޯ ނޫސްވެރިއަކު ކުރެއްވި ސުވާލަށް ޖަވާބު ދެއްވަމުން ގާސިމް ވަނީ އެވާހަކަ ދެއްކުމަށް ހިޔާލު ނުކުރައްވާ ކަމަށާ، ވެރިކަމަށް ކުރިމަތިލައްވަންވެސް އަދި ގަސްތުނުކުރައްވާ ކަމަށެވެ.
އަދި ހަމައެހެންމެ ރައީސް ޞާލިހާ ބައްދަލުކުރައްވާ ކުރައްވާފައިވަނީ ރާއްޖޭގެ ސިޔާސީ މަޝްރަހާ ބެހޭ މަޝްވަރާތަކެއް ކަމަށްވެސް ގާސިމް ވިދާޅުވި އެވެ.
މީގެ އިތުރުން ގާސިމްގެ ރަނިންމޭޓަކަށް އެމްޑީޕީގެ ރައީސް މުހައްމަދު ނަޝީދު ގެ ނަން ހުށަހެޅި ވާހަކަ ދޮގު ކުރައްވައި ގާސިމް ވިދާޅުވީ މިފަދަ ދަނޑިވަޅެއްގައި އެކި ވާހަކަތައް އަޑުއިވޭނެ ކަމަށެވެ. އަދި ނަޝީދު އެމަނިކުފާނުގެ ރަނިންމޭޓަކަށް ވާން ހުށަހެޅިކަން އެމަނިކުފާނަށް އެނގިފައި ނެތް ކަަމަށްވެސް ވިދާޅުވި އެވެ.
"އަޅުގަނޑަކަށް އެކަން އިނގިފަކާއެއް ނެތް، އަދިއެއް ނާދެ އެފަދަ (ނަޝީދު ރަނިން މޭޓަކަށް ގެނައުމުގެ) މަޝްވަރާއެއް ވެސް" ގާސިމް ވިދާޅުވި އެވެ.
ކުރިއަށް އޮތް ރިޔާސީ އިންތިހާބުގައި އެމްޑީޕީ އާއި އެކު ކޯލިޝަން ހެދުމަށް އެ ޕާޓީގެ ރިޔާސީ ކެންޑިޑޭޓް ރައީސް އިބްރާހިމް މުހައްމަދު ޞާލިހު ޖޭޕީއަށް ހުށަހަޅުއްވާފައި ވަނިކޮށް، ޖޭޕީގެ ކޮންގްރެސް ގައި ވަނީ، ޖޭޕީން ކެންޑިޑޭޓެއް ނެރުމަށް، ނުވަތަ ޖޭޕީ އިސްވެ ކޯލިޝަން ސަރުކާރެއް އެކުލަވައި ލުމަށް ގަރާރެއް ފާސްކޮށްފައެވެ.
ނަމަވެސް އެ ގަރާރަށް އަމަލު ކުރުން ލާޒިމް ނޫން ކަމަށާ، އެއާއި މެދު ގޮތެއް ނިންމާނީ ޖޭޕީގެ އައު ކައުންސިލުން ކަމަށް ގާސިމް ވަނީ ބުނެފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
