އިޒްރާއިލުން ފަލަސްޠީނުގެ 17 އަހަރުގެ ޒުވާނަކު ޝަހީދު ކޮށްލައިފި
އިޒްރާއިލް ސިފައިން ފަލަސްޠީނުގެ ހުޅަނގު އައްސޭރީގައި ހިންހި މިލިޓަރީ ރެއިޑެއްގައި ފަލަސްޠީނުގެ 17 އަަހަރުގެ ޒުވާނަކު ޝަހީދު ކޮށްލައިފިއެވެ.
ފަލަސްޠީނުގެ ހެލްތް މިނިސްޓްރީ އިން މިއަދުގެ މި ހަމަލާތައް ސިފަކޮަށްފައިވަނީ މިއަހަރުގެ ތެރޭގައި ފަލަސްޠީނުގެ ރައްޔިތުން ކުރިމަތިލާން ޖެހުނު އަނިޔާވެރި ކަމުގެ ރާޅު ތަކުން ރާޅެއްގެ ގޮތުގައެވެ. މިހަމަލާ އާއި ގުޅިގެން އިޒްރާއިލް ސިފައިންގެ ފަރާތުން އަދި އެއް ބަޔާނެއް ނެރެފައެެއް ނުވެއެވެ. މި ފަހަކަށް އައިސް ހުޅަނގު އައްސޭރިގެ ސިޓީތަކާއި، އަވަަށްތަކާއި ވިލެޖްތަކަށް ވަދެ ރޭގަނޑުގެ ވަގުތު ހަނގުރާމަ ވެރިން ހޯދުމަށް ކަމަށްބުނެ ވަނުން ވަނީ ވަރަށް ގިނަ ކޮށްފައެވެ.
މިއަހަރު ފެށުނު ފަހުން އިޒްރާއިލް ސިފައިންގެ ހަމަލާތަކުގެ ސަބަބުން ޝަހީދުވި ފަލަސްޠީނުގެ ރައްޔުތުންގެ ޢަދަދު އިންތިހާއަށް ގިނަވެފައި ވާއިރު ފަލަސްޠީނުގެ ހަމަލާތަކުން މަރިވެފައި ވަނީ އިޒްރާއިލްގެ 19 މީހެކެވެ.
ފަލަސްޠީނުގެ ހެލްތް މިނިސްޓްރީ އިން ބުނެފައިވަނީ އިޒްރާއިލުން ޝަހީދު ކޮށްލި 17 އަހަރުގެ ޒުވާނާ ޖިބްރިލް އަލް ލާދް ގެ އިތުރުން އިޒްރާއިލް ސިފައިންގެ ރެއިޑް ހިންގި އަގަބަތް ޖަބްރް ރެފިޔުޖީ ކޭމްޕްގައި ދިން ހަމަލާތަކުގެ ސަބަބުން އިތުރު 3 މީހަކަށްވެސް ސީރިޔަސް އަނިޔާތަކެއް ލިބި ފަރުވާ ހޯދަމުން ދާކަމަށެވެ. ޖެރިކޯގައި ހުންނަ މި ރެފިޔުޖީ ކޭމްޕަކީ އިޒްރާއިކް ސިފައިންގެ އާންމު މަންޒިލަކަށް ވަނީ ވެފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
