ކުރީގެ ރައީސް ޔާމީން- ފޮޓޯ/ ޕީއެންއެފް
ކުރީގެ ރައީސް ޔާމީން- ފޮޓޯ/ ޕީއެންއެފް
ހަބަރު 14 Oct 2026 | 08:24

ވެރިކަމުގައި ހުންނައިރު، ހެޔޮއެދޭ ފަރާތްތަކުންދޭ ފައިސާގައި ހިފުމަކީ މަނާކަމެއް ނޫން: ރައީސް ޔާމީން

ވެރިކަމުގައި ހުންނަވާ ބޭފުޅަކަށް ހެޔޮއެދޭ ފަރާތްތަކުން ފައިސާ ދިނުން މަނާ ނޫން ކަމަށާއި މައްސަލައަކަށް ވަނީ އެ ފައިސާގެ ބަދަލެއްގެ ގޮތުގައި ނާޖާއިޒު ފައިދާ ހޯދައިދިނުން ކަމަށް ކުރީގެ ރައީސް އަބްދުالله ޔާމީން އަބްދުލްޤައްޔޫމް ކުރިމިނަލް ކޯޓުގައި ވިދާޅުވެއްޖެއެވެ.

ޔާމީން މިފަދައިން ވިދާޅުވީ، ރ. ފުއްގިރީގެ މުޢާމަލާތާ ގުޅިގެން އެމަނިކުފާނުގެ މައްޗަށް އުފުލާފައިވާ ރިޝްވަތާއި މަނީ ލޯންޑްރިންގެ ދެ ދައުވާގެ ޚުލާޞާ ބަޔާން އިއްވުމުގެ އަޑުއެހުމުގައި ވާހަކަދައްކަވަމުންނެވެ.

ދައުލަތުން ވަނީ، އެއް މިލިއަން ޑޮލަރަކީ ރުފިޔާ މާރުކުރުމަށް ހޯދި ފައިސާ ކަމަށް ޔާމީން ވިދާޅުވަމުން ގެންދަވާތީ، ރައީސުލްޖުމްހޫރިއްޔާގެ މަޤާމުގައި ހުންނަވައިގެން އެހާ ގިނަ ފައިސާ ހޯއްދެވީ ކިހިނެއްތޯ ސުވާލު އުފައްދައިފައެވެ.

ރައްދުގައި ޔާމީން ވިދާޅުވީ، ސީދާ ވިޔަފާރި ނުކުރެއްވި ނަމަވެސް ގެދޮރު ކުއްޔަށް ދިނުން ފަދަ ކަންކަމުން އާމްދަނީ ލިބިވަޑައިގެންފައިވާ ކަމަށެވެ. ވެރިކަމާ ހަވާލުވެވަޑައިގެންނެވުމުގެ ކުރީންވެސް އެ މަނިކުފާނުގެ އަތްޕުޅުގައި ބޮޑު ޢަދަދެއްގެ ފައިސާ ހުރިކަން މާލީ ބަޔާންތަކުން ހާމަވާނެ ކަމަށް ވެސް ވިދާޅުވިއެވެ.

ގެކޮޅުގައި ގިނަ ޢަދަދެއްގެ ނަގުދު ފައިސާ ބެހެއްޓެވި ކަމާ ގުޅޭ ގޮތުން ޔާމީން ވިދާޅުވީ، ރައްކާތެރިކަން ފޯރުކޮށްދެވޭ ތަނެއްގައި ފައިސާ ބެހެއްޓުން ޤާނޫނީ ގޮތުން މަނާ ނޫން ކަމަށެވެ.

ހެޔޮއެދޭ ފަރާތްތަކުން ވެރިކަމުގެ ދެ ވަނަ ދައުރެއް ހޯދައިދޭން ސިޔާސީ ގޮތުން ފައިސާ ދިނުމަކީ ހަމައެކަނި ޕާޓީތަކަށް ޖަމާކުރަން ޖެހޭ ފައިސާ ނޫން ކަމަށާއި، އެ ފައިސާގައި ހިފުން މަނާ ނޫން ކަމަށް ވެސް ވިދާޅުވިއެވެ.

”ސިޔާސީ މީހުންނަށް ލިބޭ ހުރިހާ ފައިސާއެއް ޕާޓީއަށް ދާކަށް ނުޖެހޭނެ. އަދި ގޭގައި ފައިސާ ބެހެއްޓުމަކީ މަނާ ކަމެއް ނޫން.“ ރައީސް ޔާމީން ވިދާޅުވިއެވެ.

ދައުލަތުގެ މައިގަނޑު ހެކިވެރީންގެ ގޮތުގައި ތިބި ކުރީގެ ނައިބު ރައީސް އަޙްމަދު އަދީބާއި އެމްއެމްޕީއާރުސީގެ ކުރީގެ މެނޭޖިންގ ޑިރެކްޓަރު ޢަބްދުالله ޒިޔަތުގެ އިތުބާރާ މެދު ދިފާޢީ ވަކީލުން ވަނީ ބޮޑެތި ސުވާލުތަކެއް ނަގައިފައެވެ.

ޔާމީންގެ އިސް ވަކީލު ޑރ. މުޙައްމަދު ޖަމީލް އަޙްމަދު ވިދާޅުވީ، އެ ދެ ބޭފުޅުންނަކީ ޔާމީނާ ދެކޮޅަށް "ހެކި އުފެއްދުމަށް ދައުލަތުން ބޭނުންކުރާ މެޝިނެއް" ކަމަށެވެ. ސުޕްރީމް ކޯޓުން ކުރީން ކަނޑައެޅި ގޮތުގައި އެ ދެ މީހުންނަކީ ފާސިޤުން ކަމަށާއި، އެ ހެކިބަހަށް ބުރަދަން ދެވެން ނެތް ކަމަށް ޖަމީލް ވިދާޅުވިއެވެ. ޚިޔާނާތުގެ އަސްލު ކުށްވެރީން ދޫކޮށްލައިފައި ޔާމީން ސިޔާސީ ގޮތުން އެކަހެރިކުރަން ދައުލަތުން މަސައްކަތް ކުރާ ކަމަށް ވެސް ޖަމީލް ތުހުމަތު ކުރެއްވިއެވެ.

ދެ ވަނަ ދިފާޢީ ވަކީލު ޙަމްޒާ ލަޠީފު ވިދާޅުވީ، އަދީބާއި ޒިޔަތު ހެކިބަސް ދީފައިވަނީ ދައުލަތާ އެކު ވެފައިވާ އެއްބަސްވުމެއްގެ ދަށުން ލުއިތަކެއް ލިބޭ ޙާލަތެއްގައި ކަމަށް ވާތީ، އެ ހެކިބަހުގައި އިންސާފެއް ނެތް ކަމަށެވެ. ރިޝްވަތު ދިން ކަމަށް ބުނާ ކްރިކް ރިޒާގެ ދައުވާ ދައުލަތުން އަނބުރާ ގެންގޮސް، މަނީ ލޯންޑްރިންގައި ބައިވެރިވި ކަމަށް ބުނި ކުންފުނިތަކުގެ ކުށް ސާބިތު ނުވެ އެ މައްސަލަ އިސްތިއުނާފު ނުކުރީ ހަމައެކަނި ޔާމީނަށް ޓާގެޓު ކޮށްގެން ނުބައި ނިޔަތެއްގައި ކުރާ ކަމެއް ކަމަށް ވެސް ޙަމްޒާ ވިދާޅުވިއެވެ.

ފުއްގިރި މައްސަލައިގެ ހުރިހާ އަޑުއެހުމެއް މިއަދު ނިމިފައިވާއިރު، މި މައްސަލައިގެ ޙުކުމް މި މަހުގެ 29 ގައި އިއްވާނެ ކަމަށް ޤާޒީ ވަނީ އިޢުލާން ކުރައްވައިފައެވެ.

މީގެ އިތުރުން، ވ. އާރަށް ކުއްޔަށް ދިން މައްސަލައިގައި ޔާމީނަށް ކުރީން އިއްވި ޙުކުމް ހައި ކޯޓުން ބާޠިލުކުރުމާ ގުޅިގެން، އެ މައްސަލައިގެ ޝަރީޢަތް ވެސް މިހާރު ކުރިމިނަލް ކޯޓުގައި އަލުން ހިނގަމުން ދެއެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ފޭސްބުކު މެދުވެރިކޮށް ގުޅުން އުފައްދައި، ގެސްޓްހައުސްއަކަށް އަންހެނަކު ގެންގޮސް ރޭޕްކުރި މީހަކު 15 އަހަރަށް ޖަލަށްލުމަށް ޙުކުމްކޮށްފި
15 Nov 2026 ހަބަރު

ފޭސްބުކު މެދުވެރިކޮށް ގުޅުން އުފައްދައި، ގެސްޓްހައުސްއަކަށް އަންހެނަކު ގެންގޮސް ރޭޕްކުރި މީހަކު 15 އަހަރަށް ޖަލަށްލުމަށް ޙުކުމްކޮށްފި

ފޭސްބުކް މެދުވެރިކޮށް އަންހެނަކާ ގުޅުން އުފައްދައި، މާލޭގެ ގެސްޓްހައުސްއަކަށް ގެންގޮސް އެ އަންހެން މީހާ ރޭޕްކުރި މައްސަލައެއް ސާބިތުވެ، ޒުވާނަކު 15 އަހަރު ދުވަހުގެ މުއްދަތަށް ޖަލަށްލުމަށް ކްރިމިނަލް ކޯޓުން ޙުކުމްކޮށްފިއެވެ.