މިއޮގަސްޓު މަހު ދެ ސުޕަރމޫން! ފުރަތަމަ މޫން މިރޭ!
މިފެށުނު އޮގަސްޓު މަހު ސުޕަރމޫން ދެފަހަރު ފެންނާނެއެވެ. ފުރަތަމަ ސުޕަރމޫން ފެންނާނީ މިރޭ (އޮގަސްޓް 1)ގައެވެ. ދެވަނަ ސުޕަރމޫން ފެންނާނީ އޮގަސްޓް 30ގައެވެ.
ސުޕަަރމޫން ކިޔަނީ ކޮންމެ އަހަރަކު ހަނދު ދުނިޔެއާއި އެންމެ ކައިރިވާ ދުވަސްވަަރު ފެންނަ ފުރިހަމަ ހަނދަށެވެ. މިއަހަރު ދުނިޔެއާ އެންމެ ކައިރިވެފައިވާ ވަނިކޮށް ހަނދު ފެންނާނީ އޮގަސްޓް 30ގައެވެ.
މިލާދީ ގޮތުން އެއްމަހު ދެފަހަރަށް ހަނދު ފެންނަނަމަ ދެވަނައަށް ފެންނަ ހަނދަށް ބްލޫ މޫންއޭ ކިޔައެވެ. މިމަހު 30ވަނަ ދުވަހު ފެންނަ ބްލޫމޫންއަކީ ސުޕަރމޫންއަކަށްވެސް ވުމާއެކު އެދުވަހު ފެންނަ ހަނދަށް ސުޕަރބްލޫމޫންގެ ނަންވެސް ކިޔައެވެ.
ސުޕަރ ބްލޫ މޫން އެންމެ ފަހުން ފެނިފައިވަނީ 2009ވަނަ އަހަރެވެ. މިމަހު ފެންނަ ސުޕަެބްލޫ މޫންއަށްފަހު ދެން އެންމެ އަވަހަށް ފެންނާނީ 2032ވަނަ އަހަރުއެވެ.
ސުޕަރމޫންއެއް ނަމަ ހަނދު ފެންނަލެއް އެހެން މަސްމަހުގެ ފުރިހަމަ ހަނދަށްވުރެ އަލިކަން 16 ޕަސެންޓާ ހަމައަށް އިތުރުވުމުގެ ފުރުސަތު އޮވެއެވެ. ސަބަބަކީ އެހެން މަސްމަހަށްވުރެ ހަނދާއި ދުނިޔެއާއި ދެމެދު ހުންނަ ދުރުމިން ކުޑަވުމެވެ.
އޮގަސްޓް 30ވަނަ ދުވަހު ފެންނަ ހަނދު، އެވްރެޖްކޮށް ހަނދާއި ދުނިޔެއާއި ދެމެދު ހުންނަ ދުރުމިނަށްވުރެ 17ހާސް މޭލަށް ކައިރިވާނެއެވެ.
ނާސާއިން އަންދާޒާކުރާގޮތުގައި ހަނދާއި ދުނިޔެއާއި ހުންނަ ދުރުމިން އަހަރުތެރޭ އާންމުގޮތެއްގައި އުޅޭނީ އެންމެ ކައިރިވާއިރު 226ހާސް މޭލުގައެވެ. އަދި އެންމެ ދުރުވާއިރު 251މޭލުގައެވެ. ނަމަވެސް މިއަހަރުގެ ބްލޫ ސުޕަރމޫން ދުނިޔެއާ 222ހާސް މޭލަށް ކައިރިވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
