އިންތިޚާބީ ރައީސްގެ ފުރަތަމަބަސް! ރައީސް ޔާމީން ގެއަށް ބަދަލު ކުރައްވާ!

އިއްޔެ ބޭއްވުނު ރިޔާސީ އިންތިހާބުގެ ދެވަނަ ބުރުގެ ވޯޓު ކާމިޔާބުވެވަޑައިގެން ދިވެހި ރާއްޖޭގެ ރައީސުލްޖުމްހޫރިއްޔާ ކަމުގެ މަގާމަށް ކުރިއަށް އޮތް 5 އަހަރަށް ހޮވިވަޑައިގެން އިދިކޮޅު ޕީޕީއެމް ޕީއެންސީގެ ރިޔާސީ ކެންޑިޑޭޓް ޑރ މުހައްމަދު މުއިއްޒުއަށް އިންތިހާބު ކާމިޔާބުވެވަޑައިގަތުމަށްފަހު ބޭއްވި ފުރަތަމަ ނޫސްވެރިންގެ ބައްދަލުވުމުގައި އެންމެ ފުރަތަމަކަށް ޕީޕީއެމް ލީޑަރ އަދި ކުރީގެ ރައީސް ޔާމީނު އަބްދުލްގައްޔޫމް ގެއަށް ބަދަލު ކުރެއްވުމަށް ގޮވާލައްވައިފިއެވެ.

އަޅުގަނޑު މި ދަނޑިވަޅުގައި ރައީސުލްޖުމްހޫރިއްޔާ އިބްރާޙިމް މުޙައްމަދު ޞާލިޙަށް ވަރަށް އިޚްލާސްތެރިކަމާއި އަދަބުވެރިކަމާއި އެކީގައި ދަންނަވާލަން އަޅުގަނޑުމެންގެ ލޮބުވެތި ރައީސް ރައީސް ޔާމީން ގެއަށް ބަދަލުކޮށްދެއްވުމަށް

އިންތިޚާބީ ރައީސް ޑރ މުހައްމަދު މުއިއްޒު

ޑރ. މުހައްމަދު މުއިއްޒު ޕީޕީއެމް ޕީއެންސީގެ މެމްބަރުންނާއި ބައްދަލު ކުރައްވާ ރޭ ބޭއްވި ނޫސްވެރިންގެ ބައްދަލުވުމުގައި ވިދާޅުވީ ލިބުނު ކާމިޔާބީއާއި އެކު، އަވަސްވެގަންނާނީ ރައީސް ޔާމީން މިނިވަން ކުރުމަށް ކަމަށެވެ.

މީގެ އިތުރުން އެމަނިކުފާނު ވިދާޅުވީ، ރިޔާސީ އިންތިހާބުގެ ކެމްޕޭނުގައިވެސް ވިދާޅުވަމުން ގެންދެވި ގޮތަށް އަބަދުވެސް އަމަލުތައް ބަހައްޓާނެ ކަމަށާއި ކޮންމެ ދިވެހި ރައްޔިތަކީ އެމަނިކުފާނުގެ ކުރިމަތީގައި ހަމަހަމަރައްޔިތެއް ކަމަށާއި، ކޮންމެ ޕާޓީއެއްގައި ހުއްޓަސް ދިވެހި ރައްޔިތަކަށް ވާނަމަ ލިބިގެންވާ ހައްގުތަކުން މަހުރޫމު ނުކުރައްވާނެ ކަމަށެވެ. އެހެންކަމުން އެއްވެސް ރައްޔިތަކު ގައުމުގެ ހަމަޖެހުން ނަގާލުމަށް މަސައްކަތް ނުކުރެއްވުމަކީ ވަރަށްބޮޑު އެދުމެއް ކަމަށްވެސް އިންތިޚާބީ ރައީސް ޑރ މުހައްމަދު މުއިއްޒު ވިދާޅުވިއެވެ.

އުފާ ފާޅު ކުރިނަމަވެސް މިދެންނެވިބީދައިން ކުރިއަށްދާން ބޭނުންވަނީ. އަޅުގަނޑުިމެންގެ އުޅުމާއި ގުޅުމަކީ ރިވެތި އަޙްލާގާގުގެ ތެރެއިން ކުރިއަށް ގެންދާ ކަމަކަށްވާން ޖެހޭ

އިންތިޚާބީ ރައީސް ޑރ މުހައްމަދު މުއިއްޒު

މީގެ އިތުރުން ކުންފުނިތައް އުވާނުލާނެ ކަމަށާއި، އެއްވެސް މުއައްޒަފަކު މަގާމުން ވަކި ނުކުރާނެ ކަމުގެ ޔަގީންކަމާއެކު ޑރ މުއިއްޒު ވަނީ މި ނޫނަސް ގިނަ ވައުދުތަކެއް ވެލައްވާފައެވެ. މައިގަނޑު ގޮތެއްގައި މުއިއްޒު ވިދާޅުވަނީ އެބޭފުޅާ ރައްޔިތުންނަަަށް ވެވަޑައިގެންނެވި ހުރިހާ ވައުދުތައް ފުއްދައިދެއްވާނެކަމަށެވެ. އަދި ގައުމުގެ މަސްލަހަތާއި މިނިވަންކަން ދިފާއު ކުރާނެ ކަމަށާއި، ގެއްލިފައިވާ މިނިވަންކަން ހޯދުމަށް އެއްބައިވަންތަކަން އިސްކުރާނެ ކަމަށެވެ.

މިއަދު ބޭއްވި ރިޔާސީ އިންތިޚާބުގެ ދެވަނަ ބުރުގައި ރައީސް ޞާލިޙުއާއި ވާދަކުރައްވައި ޑރ. މުޢިއްޒު ކުރި ހޯއްދަވާފައިވަނީ 126,265 ވޯޓު ހޯއްދަވައިގެންނެވެ. ރައީސް ޞާލިޙުއަށް މި އިންތިޚާބުގައި ލިބިވަޑައިގަތީ 105,158 ވޯޓެވެ.
ޑރ. މުއިއްޒުއަށް ލިބިވަޑައިގެންނެވި ކާމިޔާބީއާ ގުޅިގެން ރައީސް ޞާލިޙް ވަނީ އެމަނިކުފާނަށް މަރުޙަބާ ދަންނަވައި އިންތިޚާބުގެ ދުވަސްވަރު ދެއްކެވި ޑިމޮކްރަޓިކް ރީތި ނަމޫނާއަށް ޝުކުރުދަންނަވައި ޓްވީޓު ކުރައްވާފައެވެ.