ޑރ. މުއިއްޒުއަކީ އިންޑިއާއާ ދެކޮޅު ބޭފުޅެއްގެ ގޮތުގައި ސިފަކުރުމަކީ ގޯސް ސިފަކުރުމެއް: ރައީސް ނަޝީދު

އިންތިޚާބީ ރައީސް ޑރ މުހައްމަދު މުއިއްޒު އަކީ އަވަށްޓެރި އިންޑިޔާއާ ދެކޮޅު ބޭފުޅެއްގެ ގޮތުގައި ސިފަކުރާ ސިފަ ކުރުމަކީ ރަނގަޅު ސިފަކުރުމެއް ނޫން ކަމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.

ރައީސް ނަޝީދު ވިދާޅުވި ގޮތުގައި، ޑރ. މުޢިއްޒު ރިޔާސީ އިންތިޚާބު ކާމިޔާބު ކުރެއްވުމާއި ގުޅިގެން ބޭރުގެ ގިނަ މީޑިއާ ތަކުން އެމަނިކުފާނު ސިފަ ކުރެއްވީ "ޕްރޯ-ޗައިނާ" ކެންޑިޑޭޓެއްގެ ގޮތުގައި ކަމަށެވެ. އަދި އިންތިޚާބުން ވަކިވެވަޑައިގެންނެވި ކެންޑިޑޭޓް، ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު އަކީ "ޕްރޯ އިންޑިއާ" ކެންޑިޑޭޓެއް ކަމަށްވެސް ބޭރުގެ މީޑިއާތަކުން ބުނެފައިވާ ކަން ނަޝީދު ފާހަގަކުރެއްވިއެވެ.

ނަޝީދު އިތުރަށް ވިދާޅުވީ އެމަނިކުފާނާއި ރަހުމަތްތެރި ބޭރުގެ ނޫސްވެރިއެއް ވެސް އެ މޭރުމުން ވާހަކަ ދެއްކެވުމުން އެކަން ގަބޫލު ނުކުރައްވާ ކަމަށް ވިދާޅުވި ކަމަށެވެ.

"އަޅުގަނޑު ބުނިން، އަޅުގަނޑު ތާއީދު ކުރީ އިންތިޚާބު ކާމިޔާބު ކުރެއްވި ކެންޑިޑޭޓަށް ކަމަށް. އަހަރެންގެ ރަހުމަތްތެރިޔާ، އަދި ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހަށް މިފަހަރު އަހަރެން ތާއީދެއް ނުކުރަން. އަހަރެން ތާއީދު ކުރީ އިދިކޮޅުު ކެންޑިޑޭޓަށް. އޭނާ އިންތިހާބު ކާމިޔާބު ކުރެއްވީ ވެސް. އަދި އަހަރެން ސަޕޯޓް ކުރި ކެންޑިޑޭޓަކީ "ޕްރޯ ޗައިނާ" ނުވަތަ އިންޑިއާ ބޭފުޅެއްގެ ގޮތުގައި ސިފަ ކުރުމަކީ ވެސް އަޅުގަނޑަށް ވަރަށް އުނދަގޫ ކަމެއް. އަޅުގަނޑު ގަބޫލުކުރާ ގޮތުގައި ޑރ މުޢިއްޒު އަކީ ޕްރޯ މޯލްޑިވްސް ބޭފުޅެއް."

ރައްޔިތުންގެ މަޖިލީހުގެ ރައީސް މުހައްމަދު ނަޝީދު

ނަޝީދު ވިދާޅުވީ، އެމަނިކުފާނު ގަބޫލު ކުރައްވާ ގޮތުގައި ޑރ.މުއިއްޒު އިސްކަން ދެއްވާނީ ދިވެހިންނަށާއި ދިވެހީންގެ ހާލަތު ރަނގަޅު ކުރައްވައި ރާއްޖެއަށް ކުރިއެރުން ހޯއްދަވައި ދެއްވުމަށް ކަމަށެވެ. އަދި ރާއްޖޭގައި ވެރިކަން ކުރައްވާ ކޮންމެ ވެރިއެއްވެސް މަސައްކަތް ކުރައްވާނީ އެ މޭރުމުން ދިވެހިންނަށް އިސްކަންދެއްވައިގެން ކަމަށް ނަޝީދު ވިދާޅުވި އެވެ.

މީގެތެރެއިން، ނަޝީދު ވިދާޅުވީ، ކުރީގެ ރައީސް، އަބްދުالله ޔާމީން އަބްދުލްގައްޔޫމް ގެންގުޅުއްވި ޚާރިޖީ ސިޔާސަތަކީ ބޮޑަށް ޗައިނާގެ ކޮޅަށް ބުރަވެފައި އޮތް ސިޔާސަތެއް ކަމަށެވެެ.

އެހެންނަމަވެސް، ޑރ. މުޢިއްޒުގެ ސިޔާސަތަކީ ސްރީލަންކާ އާއި އިންޑިއާވެސް ހިމެނޭހެން އޭޝިޔާގެ ހުރިހާ ގައުމުތަކަށް،  އިސްކަންދެއްވާނެ، ސިޔާސަތެއް ކަމަށް ގަބޫލު ކުރައްވާ ކަމަށް ނަޝީދު ވިދާޅުވި އެވެ.