ހިޔާ ފްލެޓްގައި ލިފްޓް ހަރުކުރަން 200 މިލިއަން ބަޖެޓުގައި ހިމަނައިފި!
ހުޅުމާލެ ދެވަނަ ފިޔަވަހީގައި އިމާރާތްކޮށްފައިވާ ކޮންމެ ހިޔާ ޓަވަރެއްގައި އިތުރު ދެ ލިފްޓް ހަރު ކުރުމަށް 200 މިލިއަން ރުފިޔާ އަންނަ އަހަރުގެ ދައުލަތުގެ ބަޖެޓްގައި ހިމަނައިފިއެވެ.
އަންނަ އަހަރަށް ލަފާކޮށް، މަޖިލީހަށް ހުށަހަޅާ ބަޖެޓުގައި، ކޮންމެ ހިޔާ ޓަވަރެއްގައި އިތުރު ދެ ލިފްޓް ހަރު ކުރުމަށް ބަޖެޓުގައި ހިމަނުއްވާނެ ކަމަށް އިންތިހާބީ ރައީސް ޑރ. މުހައްމަދު މުއިއްޒު ކެންޕެއިންގެ ތެރެއިން ވިދާޅުވެފައި ވާއިރު، އެ ވަޢުދު ދާދިފަހުން ހިޔާ ސަރަހައްދު ރައްޔިތުންނާއެކު ވެވުނު ބައްދަލުމުގައި ވެސް ވަނީ ތަކުރާރު ކުރައްވާފައެވެ.
އެގޮތުން އެދުވަހުވެސް މުޢިއްޒު ވަނީ ކެންޕެއިންގެ ތެރެއިން އެމަނިކުފާނު ހިޔާ ސަރަހައްދުގެ ރައްޔިތުންނަށް ވެވަޑައިގެންނެވި ވަޢުދުތަކާއި އެއްގޮތަށް ހިޔާ ސަރަހައްދުގައި ކަންކަން އިންތިޒާމުކޮށްދެއްވާނެކަމުގެ ޔަގީންކަން ދެއްވާފައެވެ.
އެގޮތުން 2024 ވަނަ އަހަރުގެ ބަޖެޓު ހެދުމުގެ މަރުހަލާގައި ތެރެއިން ހިޔާ ޓަވަރުތަކުގައި ލިފްޓު އިތުރުކުރުމަށް ހިމަނާފައިވާނެކަމަށާ، ކޮންމެ ޓަވަރަކަށް ދެ ލިފްޓު އިތުރުވާނެކަމަށް އެމަނިކުފާނު ވިދާޅުވި އެވެ.
"ކޮންމެ ޓަވަރަކަށް ދެ ލިފްޓް އަންނާނެ. އެއް ލިފްޓަކީ ސްޓރޭޗާ އެރުވޭ ވަރުގެ ބޮޑު ލިފްޓެއް. އަނެއް ލިފްޓަކީ ގާތްގަނޑަކަށް 14 މީހުންގެ ކެޕޭސިޓީގެ ލިފްޓެއް. އެހެންވީމަ، ކޮންމެ ޓަވަރަކަށް އިރާދަކުރެއްވިއްޔާ ދެ ލިފްޓު އަންނާނެ. ޔަގީންކަން ދެނީ އަޅުގަނޑުމެން ވީ ވައުދާ އެއްގޮތަށް ހުރިހާ ކަމެއް ތަންފީޒުކޮށްދޭނަމޭ." މުޢިއްޒު ވިދާޅުވި އެވެ.
ހިޔާގެ ޓަވަރު ތަކުގައި ލިފްޓް މަދު ވާހަކަ އާއި، ލިފްޓުގަައި މައްސަލަ ޖެހޭ ކަމުގެ ޝަކުވާ އަކީ ދޭތެރެ ތޭރެއިން އެތަނުގައި ދިރިއުޅެމުންދާ ރައްޔިތުން އަންނަނީ ކުރަމުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
