ޑައިވިންއަށް ދިޔަ ބައެއްގެ މެދުގައި ހަމަނުޖެހުން ހިނގުން: ފުލުހުންގެ ސަމާލު ކަމަށް
ޑައިވިންއަށް ދިޔަ ބައެއްގެ މެދުގައި ހަމަނުޖެހުން ހިނގި މައްސަލައިގެ ރިޕޯޓް ލިބިގެން އެކަމާއި ގުޅިގެން މައުލޫމާތު ސާފު ކުރަމުންދާ ކަމަށް ފުލުހުން ބުނެފި އެވެ.
ޑައިވިންއަށް ދިޔަ ބައެއްގެ މެދުގައި ހަމަނުޖެހުން ހިނގާ މަންޒަރު ފެންނަ ވީޑިއޯއެއް ވަނީ އާންމުވެފަ އެވެ. އެކަމާއި ގުޅޭގޮތުން ވޮއިސް އިން ސުވާލުކުރުމުން ފުލުހުން ބުނީ އެ މައްސަލަ މިއަދުގެ ވަގުތެއްގައި ރިޕޯޓް ކޮށްފައިވާ ކަމަށެވެ. އަދި އެކަމާއި ގުޅިގެން ބަލަން ޖެހޭ ކަންކަން ބަލަމުންދާ ކަމަށްވެސް ބުންޏެވެ.
ޑައިވިންއަށް ދިޔަ ބައެއްގެ މެދުގައި ހަމަނުޖެހުން ހިނގާ މަންޒަރު ފެންނަ ވީޑިއޯ ވަނީ ވަރަށް ބޮޑަށް ވައިރަލްވެފަ އެވެ. އެކަމާއި ގުޅިގެން ނެޝަނަލް ބޯޓިން އެސޯސިއޭޝަނުން ވަނީ އެ މައްސަލަ އިންސާފުވެރިކަމާއެކު ބަލައިދިނުމަށް ފުލުހުންގެ އިދާރާ ޓޫރިޒަމް މިނިސްޓްރީގައި އެދިފަ އެވެ.
އެ އެސޯސިއޭޝަނުން ބުނީ މިއީ ރާއްޖެއަކީ ޑައިވްކުރަން ރައްކާތެރި ތަނެއް ނޫން ކަމަށް ސިފަވެދާނެ ފަދަ ކަމެއް ކަމުން މިކަން ސީރިއަސްކޮށް ބަލައިދިނުމަށް އެދިފަ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
