ރައްޔިތުންގެ އިޙްސާސްތަކާ ކެކުޅުންތައް އެންމެބޮޑަށް ދަންނާނެ ކެންޑިޑޭޓަކީ ރައީސް ޞާލިޙް: މާރިޔާ
ރައްޔިތުންގެ އިޙްސާސްތަކާއި ކެކުޅުންތައް އެންމެ ބޮޑަށް ދަންނާނެ ކެންޑިޑޭޓަކީ ރައީސް އިބްރާހިމް މުޙައްމަދު ޞާލިޙް ކަމަށް މިސަރުކާރުގެ ދިފާޢީ ވަޒީރު އަލްއުސްތާޒާ މާރިޔާ އަޙްމަދު ދީދީ ވިދާޅުވެއްޖެއެވެ.
ރޭ މާލޭގައި ބޭއްވި އެމްޑީޕީ ކޯލިޝަންގެ ޖަލްސާގައި ވާހަކަދައްވަމުން މާރިޔާ ވަނީ ރައީސް ޞާލިޙް އަށް ވަރަށް ބޮޑަށް ތަޢުރީފް ކުރައްވައިފައެވެ.
"ރާއްޖެއަށް މަލްޓި ޕާޓީ ޑިމޮކްރަސީ ތަޢާރަފްވިފަހުން މިރާއްޖެ އަމާންކަމާއި އޮމާންކަމާއި އެކީ ފާގަތި ތިޔާގި އުފާވެރި މަންޒިލަކަށް ދިޔުމުގެ ޤާބިލްކަމާއި ކުޅަދާނަކަން ތަޖްރިބާ ހުރި ރިޔާސީ ކެންޑިޑޭޓަކީ ކޮން ބޭފުޅެއްކަން ފާހަގަކުރަން މިއަށްވުރެ ފަސޭހަ އިންތިޚާބަކާއި އަޅުގަނޑުމެން އަދި ކުރިމަތިނުލަން" މާރިޔާ ވިދާޅުވިއެވެ.
މާރިޔާ ވިދާޅުވީ އިންތިޚާބަށް އެންމެ 8 ދުވަހަށް ވެފައިވާއިރު ރައްޔިތުންނަށް އޮތް އެންމެ ބޮޑު ހިތްހަމަޖެހުމަކީ ޙަޔާތުގެ އެންމެ ޅަފަތުން ފެށިގެން ޖަޒީރާ ދިރިއުޅުމެއް ތެރެއިން ރައްޔިތުންގެ އުފަލާއި ވޭނާއި ދަތިތަކާއި ތަކްލީފުތައް ތަޖުރިބާ ކުރައްވަމުން ބޮޑުވެ، މިއަދު ރައްޔިތުންގެ އެ ތަކްލީފްތަކާއި ދަތިތަކަށް ބިނާ ކުރަވަނިވި އަދި ދެމެހެއްޓެވި ހައްލު ހޯއްދަވައި ދެއްވަމުން ގެންދަވާ ހަރުދަނާ ދުރުވިސްނޭ ރައްޔިތުންގެ ރައީސަކު ހުންނެވިކަންކަމަށެވެ.
މާރިޔާ ވިދާޅުވީ ކުޑައެއް ބޮޑެއް ޒުވާނެއް މުސްކުޅިއެއް ނެތި އެންމެންގެ ހިތްތައް ރައީސް ޞާލިޙް ފަތަޙަ ކުރައްވައިފިކަމަށެވެ.
"ރައީސް ޞާލިޙަށް އެނގިވަޑައިގަންނަވާ މިންވަރާއި ގާތަށްވެސް ރައްޔިތުންގެ އިޙްސާސްތަކާއި ކެކުޅުންތަކާއި ބޭނުންވާ ކަންކަން މިއިންތިޚާބު ގައި ދެން ވާދަކުރައްވާ އެއްވެސް ކެންޑިޑޭޓަކަށް އެނގިވަޑައި ނުގަންނަވާނެ ކަމީ އެއީ ހަޤީޤަތެއް"
ދިފާއީ ވަޒީރު މާރިޔާ އަޙްމަދު ދީދީ
މާރިޔާ ވިދާޅުވީ ރައީސް ޞާލިޙްގެ ވެރިކަމުގެ މިފަސް އަހަރުގައި ފެނިގެންމިދާ ތަފާތަކީ އެއީ ކަމަށެވެ.
ޖަލްސާގައި ވާހަކަ ދައްކަވަމުން މާރިޔަ ވަނީ އިދިކޮޅު ކެންޑިޑޭޓް ޑރ މުޙައްމަދު މުޢިއްޒަށް ވަރަށް ބޮޑަށް ފާޑު ވިދާޅުވެފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
