ކުރީގެ ނާއިބު ރައީސް މުހައްމަދު ޖަމީލް-- ފޮޓޯ/ ވޮއިސް
ކުރީގެ ނާއިބު ރައީސް މުހައްމަދު ޖަމީލް-- ފޮޓޯ/ ވޮއިސް
ހަބަރު 02 Sep 2023 | 16:18

ދީނީ މީހުން ހުތުރު އެއްޗެހި ކިޔުމަކީ ދީނާ ދުރަށް މީހުންހިނގައި ދާނެ ސަބަބެއް: ޑރ. ޖަމީލް

ރާއްޖޭގައި އެންމެ ހުތުރުކޮށް މީސްމީހުންނަށް އެއްޗެހި ކިޔާމީހުންގެ ތެރޭގައި ދީނީ މީހުން ހިމެނިގެން ދިޔުމަކީ، ދީނާ ދުރަށް މީހުން ހިނގައި ދާނެ ސަބަބަކަށް ވެދާނެ ކަމަށް ކުރީގެ ނާއިބު ރައީސް ޑރ. މުހައްމަދު ޖަމީލް އަހުމަދު ވިދާޅުވެއްޖެއެވެ.

ރޭ ބޭއްވި އެމްޑީޕީގެ "އުފާވެރި މާލެ" ޖަލްސާގައި ވާހަކަ ދައްކަވަމުން، އަދާލަތު ޕާޓީގެ ރައީސް, އަދި ހޯމް މިނިސްޓަރު ޢިމްރާން އަބްދުالله ވަނީ ޕީޕީއެމް/ ޕީއެންސީގެ ރިޔާސީ ކެންޑިޑޭޓް ޑރ މުހައްމަދު މުއިއްޒަށް ނިސްބަތް ކުރައްވައި ވަރަށް ހުތުރު ބަހުން ވާހަކަ ދައްކަވާ ފާޑުވިދާޅުވެފައެވެ.

އެކަމާއި ގުޅިގެން ޑރ. ޖަމީލް ކުރެއްވި ޓްވީޓެއްގައި ވިދާޅުވީ, އެފަދަ ކަންކަމުގެ ސަބަބުން މީހުން ދީނާއި ދުރަށް ހިނގައިދާނެ ކަމަށާ އެއީ ވަރަށް ނުބައި ނަތީޖާ ނިކުމެދާނެ ކަމެއް ކަަމަށެވެ.

"ކީރިތި ރަސޫލާގެ ޙަދީޘް ފުޅެއްގައި ވަނީ 'މުސްލިމުންގެ ސިފަޔަކީ ތިމާގެ ދުލާއިއަތުން އަނެއް މުސްލިމާއަށް ރައްކާތެރިކަން ލިބިގަތުމެވެ.'" ޖަމީލްގެ ޓުވިޓުގައި ވިދާޅުވި އެވެ.

އެމްޑީޕީން ރޭ ކާނިވާ ސަރަހައްދުގައި ބޭއްވި އެޕާޓީގެ ބޮޑު ޖަލްސާގެ ޕޯޑިއަމަށް އަރުއްވާފައި ވިދާޅުވީ " އަޅުގަނޑު މިރޭ ކުޑަކޮށް މުއިއްޒުގެ ވާހަކަ ދައްކާނުލައި ފޭބުން ހަމަ އެއްގޮތަކަށްވެސް ހެޔޮނުވާނެ" ކަމަށެވެ.

ދެން ވިދާޅުވީ މުއިއްޒުގެ ސިޔާސީ ވަރަފެޅީ އަދާލަތު ޕާޓީގެ ހާލީގައި އޮވެގެން ކައިބޮއިގެންކަމަށެވެ.

" ( ނަޝީދުގެ ސަރުކާރުގެ ) ވެރިކަން ބަދަލުވެގެން މަގާމްތައް ބަހަންޖެހުނުވަގުތުގައި ކުޑަކުއްޖަކު މަންމަގެ ކައިރިއަށް އައިސް ރޯހެން އަޅުގަނޑު ކައިރީގައި ވަޒީފާއަށް އައިސް ރުއީ. އަޅުގަނޑު މުއިއްޒަށް ވަޒީފާ ދިނީ މަންމަގެ ލަގޮނޑިއަށް ކެތްނުވާފަދައިން އަޅުގަނޑުގެ ލަގޮނޑިއަށް ކެތް ނުވެގެން މުއިއްޒަށް މަގާމްދިނީ."

ޢިމްރާން އަބްދުالله

ދެން އައި ޔާމީންގެ ވެރިކަމުގައި ޔާމީން މިނިސްޓަރުކަން ދެއްވީ މުއިއްޒު ސަން ޓްރެވަލް ސިޔާމު ކައިރީގައި "ގޮނޑިއަޅައިގެން ދޮރުދަށުން ނުތެދުވެ" ވަޒީފާ ލިބޭތޯ އާދޭސްކޮށްގެން ސިޔާމުވެސް ވަޒީފާދިނީ އޭނާގެ ލަގޮނޑިއަށް ކެތްނުވެގެން ކަމަށްވެސް އިމްރާން ވިދާޅުވިއެވެ.

"މިފަދަގޮތަކަށްގޮސް ދައުރު ނިންމާލައިފި. ޔާމީން ޖަލަށް ވަދެއްޖެ. މުއިއްޒު ހުރީ ވެރިކަމަށް ފައްކާވެ ތައްޔާރުވެފައި. ހިތުގެ އަޑިން ކިޔާލަ ކިޔާލާ އޮތީ ޔާމީން ޖަލަށް ލައްވާނދޭވެ. ކޯޓަށް ވަޑައިގެން އެތާގައި އިންއިރުވެސް މީނާގެ ހިތުގައި އޮތީ ގާޒީ ހުކުމް ކުރައްވާނދޭވެ މީނަ ޖަލުގައި އޮވޭތޯ، ނިންމާލައިފި. ޔާމީނަށް ކުރިމަތި ނުލެވޭގޮތަށް ގާޒީ ހުކުމް ކޮށްފި. މުއިއްޒު އުފަލަކުން ހެޔެއްނެތް. ދެން ވަގަށް ޓިކެޓެއް ނެގި މީހަކު ހޮވޭނެތޯ" އެވާހަކަތައް ދެއްކެވުމަށްފަހު ދުއާކުރެއްވީ އެމްޑީޕީ ވެރިކަމަށް ގެނެވޭތޯ ކުރާ މަސައްކަތުގައި الله ބަރަކާތް ލެއްވުމަށް އެދިއެވެ.

ޢިމްރާން އާއި އެމްޑީޕީގެ ފަރާތުން ވާހަކަދެއްކެވި އެހެން ބޭފުޅުންގެ ވާހަކަތަކާއި ގުޅުވައި، ކުރީގެ އިސްލާމިކް މިނިސްޓަރު މުހައްމަދު ޝަހީމް ޢަލީ ސަޢީދު ވަނީ ސަރުކާރުން މުޢިއްޒަށް ފާޑުކިޔަނީ، އެމަނިކުފާނަކީ ތަޢުލީމީ ގާބިލު ޒުވާނަކަށް ވީމާ ކަމަށް ވިދާޅުވެފައެވެ.

މޭވާ އަޅާ ގަހަށް ގާއުކާނެ. އެކަމަކު ބައްލަވާ މުއިއްޒު އެއިން އެއްވެސް ބެފުޅަކަށް އެއްޗެއް ނުކިޔުއްވާ. އަޅުގަނޑު ވަރަށް ކުރިއްސުރެވެސް މުއިއްޒު ދަންނަން. އެމަނިކުފާނަކީ ވަރަށް އަޚްލާގު ރަނގަޅު ބޭފުޅެއް. ހީވާގި މުރާލި ބޭފުޅެއް. އަޅުގަނޑުމެންގެ ގައުމުގެ ވެރިއަކަށް މިއެކާވީސްވަނަ ގަރުނުގައި އަންނަންވީ މިކަހަލަ ސިފަތަކެއްހުރި މިޒަމާނުގެ ތައުލީމް ލިބިފައިވާ ބޭފުޅެއް." ޑޮކްޓަރ ޝަހީމް ވިދާޅުވިއެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ޕާޓީން ކުރި ޚަރަދުތަކުގެ ތަފްސީލް އޮޑިޓް ރިޕޯޓްގައި ނުހިމެނުމުން ޢަދާލަތު ޕާޓީ 25،000 ރުފިޔާއިން ޖޫރިމަނާކޮށްފި
08 Nov 2026 ހަބަރު

ޕާޓީން ކުރި ޚަރަދުތަކުގެ ތަފްސީލް އޮޑިޓް ރިޕޯޓްގައި ނުހިމެނުމުން ޢަދާލަތު ޕާޓީ 25،000 ރުފިޔާއިން ޖޫރިމަނާކޮށްފި

ސިޔާސީ ޕާޓީގެ ޤާނޫނުގައި ބަޔާންކޮށްފައިވާ ގޮތަށް މާލީ ހިސާބުތަކުގެ ލިޔެކިޔުންތައް ފުރިހަމައަށް ބަލަހައްޓާފައި ނުވާތީ، ޢަދާލަތު ޕާޓީ 25،000 ރުފިޔާއިން ޖޫރިމަނާކޮށްފިއެވެ.