އިހަވަންދޫ ދާއިރާގެ މެންބަރު މުހައްމަދު ޝިފާއު-- ފޮޓޯ: މަޖިލިސް
އިހަވަންދޫ ދާއިރާގެ މެންބަރު މުހައްމަދު ޝިފާއު-- ފޮޓޯ: މަޖިލިސް
ހަބަރު 02 Nov 2022 | 10:16

އެމްބިއުލެންސް ފޯރުކޮށްދިނުމުގައި ރާއްޖޭގެ ތާރީޚްގައި ނަންލިޔާނެ މިނިސްޓަކަށް ނަސީމް ވާނެ: ޝިފާއު

ސިއްހީ މަރުކަޒުތަކާއި ހޮސްޕިޓަލު ތަކަށް އެމްބިއުލެންސް ފޯރުކޮށްދިނުމުގައި ރާއްޖޭގެ ތާރީޚްގައި ނަން ލިޔާނެ ވަޒީރެއްގެ ގޮތުގައި ހެލްތު މިނިސްޓަރު އަހުމަދު ނަސީމް ވާނެ ކަމަށް އިހަވަންދޫ ދާއިރާގެ މެންބަރު މުހައްމަދު ޝިފާއު ވިދާޅުވެއްޖެެއެވެ.

ޝިފާއު މިފަދައިން ވިދާޅުވީ މިހާރު ކުރިއަށްދާ ރައްޔިތުންގެ މަޖިލީހުގެ ތިންވަނަ ދައުރުގެ 32 ވަނަ ޖަލްސާގައި، ރާއްޖޭގެ ރަށްރަށަށް އެމްބިއުލެންސް ފޯރުކޮށްދިނުމަށް ސަރުކާރުން ކުރަމުންދާ މަސައްކަތްތަކާއި ގުޅޭގޮތުން މިނިސްޓަރު ނަސީމް އާއި ސުވާލު ކުރައްވަމުން އެމަނިކުފާނުގެ މަސައްކަތަށް ތައުރީފު ކުރައްވައި ވާހަކަދައްކަވަމުންނެވެ.

"ވަޒީރު ވެވަޑައިގަންނަވާނެ ރާއްޖޭގެ ސިއްހީ މަރުކަޒުތަކާއި ހޮސްޕިޓަލު ތަކަށް އެމްބިއުލެންސް ފޯރުކޮށްދިނުމުގައި ރާއްޖޭގެ ތާރީޚްގައި ނަން ލިޔާނެ ވަޒީރެއްގެ ގޮތުގައި. އެހެންނަމަވެސް ވަޒީރު އެކަން ކުރެއްވީ ރާއްޖޭގެ ސިއްހީ ދާއިރާ ވަރަށް ހާލުގައި އޮއްވާ. އަދިވެސް ވަރަށް ގިނަ ރަށްރަށަށް އެމްބިއުލެންސް އެބަ ބޭނުންވޭ. ދެން ކިހާ ހިސާބެއްގައިތޯ ރަށްރަށުގެ ސިއްހީ ޚިދުމަތްދޭ މަރުކަޒުތަކަށް އެމްބިއުލެންސް ފޯރުކޮށްދިނުމުގެ ޕްރޮގްރާމެއް ފެށޭވަރުވާނީ." ޝިފާއު ސުވާލު ކުރެއްވިއެވެ.

ޝިފާއުގެ ސުވާލަށް ޖަވާބު ދެއްވަމުން މިނިސްޓަރު ނަސީމް ވިދާޅުވީ، ކުދި ރަށްރަށަށް ކުދި އެމްބިއުލެންސް ފޯރުކޮށްދިނުމުގެ މަސައްކަތް މިނިސްޓްރީން ކުރަމުންދާ ކަމަށެވެ. އެހެނީ ބޮޑެތި އެމްބިއުލެންސް ކުދި ރަށްރަށަށް ގެންދިޔަ ނަމަވެސް އެތަކެތި އެރަށްރަށުގައި ބޭނުން ނުކުރެވޭކަން މިނިސްޓަރު ފާހަގަކުރެއްވިއެވެ.

"އެގޮތުން ފޮރިން މިނިސްޓްރީ މެދުވެރިކޮށް އަޅުގަނޑުމެން މިހާރު ވާހަކަދައްކާފައިވީ ޗައިނާއާ. ޗައިނާއާ ވާހަކަ ދައްކައިގެން އަޅުގަނޑުމެންނަށް ކުދި އެމްބިއުލެންސް، އެއީ ބަގީ އެވައްތަރު އެމްބިއުލެންސް އެބަ ހައްދާ އެތަނުގައި. އެއީ ކުދި ރަށް ރަށުގައި ބޮޑެތި އެމްބިއުލެންސް ފޮނުވީމާ އަޅުގަނޑުމެންނަށް އެ އެއްޗެއްސެއް ބޭނުމެއް ނުކުރެވޭ." މިނިސްޓަރު ނަސީމް ވިދާޅުވިއެވެ.

އެހެންނަމަވެސް ކުދި ރަށްރަށަށް އެމްބިއުލެންސް ގެނައުމުގެ މަސައްކަތް މިހާރު ކުރިއަށް ގޮސްފައިވާ ހިސާބު އަދި ބުނަންނޭގޭ ކަމަށްވެސް މިނިސްޓަރު ވިދާޅުވިއެވެ.

އެސްޓީއޯ މެދުވެރިކޮށް ހެލްތު މިނިސްޓްރީން ވަނީ 96 އެމްބިިއުލެންސް މީގެ ހަ މަސް ކުރިން ގެނެސް ރާއްޖޭގެ އެކި ރަށްރަށަށް ފޮނުވާފަ އެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ޓެކުހާއި ގުޅޭ ތިން ބިލެއް ރައީސް ތަސްދީގު ކުރައްވައިފި
20 Nov 2026 ހަބަރު

ޓެކުހާއި ގުޅޭ ތިން ބިލެއް ރައީސް ތަސްދީގު ކުރައްވައިފި

ޓެކުހާއި ގުޅޭ ތިން ބިލެއް ރައީސް ވަނީ ތަސްދީގު ކުރައްވައިފަ އެވެ.