ރާއްޖެއާއި އިންޑިއާއާއި ދެޤައުމުގެ މަތީ ފަންތީގެ ކޮމެޓީއެއް އެކުލަވާލަން މަޝްވަރާކޮށްފި
ދިވެހިރާއްޖެއާއި އިންޑިއާއާއި ދެޤައުމުގެ ގުޅުން އިތުރަށް ވަރުގަދަ ކުރުމަށް ކުރެވިދާނެ ކަންތައްތަކާއި ގުޅޭގޮތުން ރައީސުލްޖުމްހޫރިއްޔާ ޑރ. މުހަންމަދު މުއިއްޒު އާއި އިންޑިއާގެ ބޮޑުވަޒީރު ނަރެންދުރަ މޯދީ މަޝްވަރާކުރައްވައިފި އެވެ.
ކޮޕް28 ކޮންފަރެންސްގެ ހަވާސާގައި، ރައީސް ޑރ. މުއިއްޒުއާއި އިންޑިއާގެ ބޮޑުވަޒީރު ނަރެންދުރަ މޯދީ ވަނީ ބައްދަލުކުރައްވާއެވެ.
މި ބައްދަލުކުރެވުމުގައި ރައީސް އާއި އިންޑިއާގެ ބޮޑުވަޒީރު ވަނީ، ގެޤައުމު ދޭދޭ ގުޅުން ބަދަހިކުރުމުގެ މުހިންމުކަން ފާހަގަ ކުރައްވާފަ އެވެ. މިގޮތުން ދެބޭފުޅުންވެސް ވަނީ އިޤްތިޞާދީ ދާއިރާއިންނާއި، ގެޤައުމުގެ ދެމެދުގައިވާ ޒަމާންވީ ގުޅުން މިހާރަށްވުރެ އިތުރަށް ހަރުދަނާ ކުރެވިދާނެ ކަންތައްތަކާއި ގުޅޭގޮތުން މަޝްވަރާ ކުރައްވާފަ އެވެ.
އަދި މީގެ އިތުރުން، ރާއްޖެއާއި އިންޑިއާއާއި ދެޤައުމުގެ މަތީ ފަންތީގެ ކޮމެޓީއެއް އެކުލަވާލުމާއި ގުޅޭގޮތުންނާއި، ކުޅިވަރުގެ ދާއިރާއިން އިތުރަށް ގުޅުންބަދަހިކުރުމާއި ގުޅޭގޮތުންވެސް ދެބޭފުޅުންވަނީ މި ބައްދަލުކުރެއްވުމުގައި މަޝްވަރާކުރައްވާފައެވެ.
އިންޑިއާއާއި ރާއްޖޭގެ ގުޅުން ބަދަހި ކުރުމަށް ދެ ގައުމުގެ ވެރިން މަޝްވަރާ ކުރެއްވި އިރު، ރާއްޖޭގައި ތިބި އިންޑިއާ ސިފައިން ގެންދިއުމަށް ދިވެހި ސަރުކާރުން ވަނީ ރަސްމީކޮށް އިންޑިއާ ސަރުކާރުގައި އެދިފަ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
