ސްމޯލް އައިލެންޑް ޑިވަލޮޕިންގް ކޮންފަރެންސް ގައި ބައިވެރިވުމުގެ ދައުވަތު ރައީސް މުޢިއްޒަށް!
ސްމޯލް އައިލެންޑް ޑިވަލޮޕިންގް ކޮންފަރެންސްގައި ބައިވެރިވުމުގެ ދައުވަތު ރައީސް ޑރ މުޙައްމަދު މުޢިއްޒަށް ދެއްވައިފިއެވެ.
ރައީސް ޑރ މުޢިއްޒަށް އެކޮންފަރެންސަށް ދައުވަތު ދެއްވައިފައިވަނީ ކޮޕް28 ގެ ހަވާސާގެ ތެރެއިން އެންޓިގުއާ އެންޑް ބާބުޑާގެ ބޮޑުވަޒީރު ގެސްޓަން ބްރައުންއާ މިއަދު ބައްދަލުކުރެއްވެވި ބައްދަލުކުރެއްވުމުގެ ތެރެއިން ނެވެ.
މި ދައުވަތު ރައީސް ޑރ މުޢިއްޒަށް ދެއްވައިފައިވަނީ އެންޓިގުއާ އެންޑް ބާބުޑާގެ ބޮޑު ވަޒީރު ގެސްޓަން އެވެ. މި ކޮންފަރެންސް ބޭއްވުމަށް ހަަމަޖެހިފައިވަނީ 2024 ވަނަ އަހަރުއެވެ.
ބޮޑުވަޒީރު ގެސްޓަން އާއި ރައީސް ޑރ މުޢިއްޒު އާއި ދެމެދު ބޭއްވުނު ބައްދަލުވުމުގައި ތިމާވެއްޓާއި، މޫސުމަށް އަންނަ ބަދަލުތަކާއި، ފަތުރުވެރިކަމުގެ ދާއިރާއިން ގުޅުން ބަދަހިކުރުމާ ބެހޭގޮތުން ދެބޭފުޅުން މަޝްވަރާކުރެއްވިއެވެ.
ދެބޭފުޅުންގެ ބައްދަލުކުރެއްވުން ނިންމަވާލެއްވީ، ދެޤައުމުގެ ގުޅުން އިތުރަށް ބަދަހިކުރެއްވުމަށް ޝައުޤުވެރިކަން ފާޅުކުރައްވަމުންނެވެ.
ރާއްޖެއާއި އެންޓިގުއާ އެންޑް ބާބޫޑާއާ ދެމެދު ސިޔާސީ ގުޅުން ޤާއިމްކޮށްފައިވަނީ 2002 ވަނަ އަހަރުގެ މާރޗް މަހުގެ 25 ވަނަ ދުވަހުއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
