މިއޮތީ ވަރަށް މީރުކޮށް ރަވާ ޕިރިނީ ތައްޔާރު ކުރާނެ ގޮތް

ރަވާ ޕިރިނީ ނުވަތަ ސެމޮލިނާ ޕިރިނީއަކީ އަވަހަށް އަދި ފަސޭހައިން ތައްޔާރު ކޮށްލެވޭ ޕިރިނީއެކެވެ.

ބޭނުންވާ ތަކެތި

½ ދަޅު ރަވާ (ސެމޮލީނާ) (ގާތްގަނޑަކަށް 2 ޖޯޑު ރަވާ)

⅓ ޖޯޑު ކަނަމަދު (މެދުން ފަޅާލާފަ)

2 ދަޅު ގެރިކިރު

1/4 ޖޯޑު ހަކުރު

3 ކާފޫރު ތޮޅި (މުގުރާފައި)

1 ރާނބާފަތް

5 ޖޯޑު ފެން

1 ސައިސަމްސާ ވެނީލާ އެސެންސު

1/3 ޖޯޑު މާފެން

ތައްޔާރު ކުރާނެގޮތް

1) ރާނބާފަތް ކޮޅު އެއް ޖޯޑު ފެނުގައި ކައްކާލާށެވެ. ކެކުމުން ރާނބާފަތްކޮޅު ނަގާފައި އެ ފެން ވަކި ޖޯޑަކަަށް އަޅާފައި ބަހައްޓާށެވެ.

2) ދެން ތެއްޔެއް މެދު ގިނީގައި ބަހައްޓައިގެން ހޫނު ކުރުމަށްފަހު އޭގެ ތެރެއަށް ރަވާކޮޅު އަޅާލުމަށްފަހު އެއިން މީރުވަސް ދުވަން ފަށަންދެން ހަނާ ކުރާށެވެ.

3) ދެން ފެނާއި، ރާނބާފަތު ފެނާއި، ހަކުރާއި އެ ތެއްޔަށް އަޅާފައި ރަނގަޅަށް އެއްކުރަމުން ކައްކާށެވެ. ކައްކާނީ ތެލީގައިވާ ތަކެތި ބޮކިޖަހާ އޮލަވަންދެނެވެ. (ފޮނި މަޑުނަމަ އިތުރު ހަކުރު އަޅާށެވެ)

4)  ދެން ގެރިކިރުދަޅު ތެއްޔަށް އޮއްސާލާފައި އަނެއްކާވެސް އެއްކުރަމުން ކައްކަމުން ގެންދާށެވެ. އަދި މާފެން ފޮދާއި އެސެންސްވެސް އަޅާލާށެވެ.

5) ދެން ކުޑަ ކަނަމަދު ކޮޅަކާއި، މުގުރި ކާފޫރުތޮޅި ކޮޅުވެސް އަޅާލާފައި އެކުލަވާލާށޭވެ. ތެލީގައިވާ ތަކެތި ބޮކިޖަހާ އޮލަވުމުން އުނދުން ނިވާލާށެވެ.

5. ދެން ޕިރިނީ ސެޓްކުރަން ބޭނުން ކުރާނެ ކޮންޓެއިނަރުގެ ތެރެއަށް ތެލީގައިވާ ތަކެތި އޮއްސާލާށެވެ. އޮއްސާލުމަށްފަހު މައްޗަށް ބާކީ ހުރި ކަނަމަދު ކޮޅު އަޅާލާށެވެ.

6. ޕިރިނީ ސެޓް ކުރަން ބަހައްޓާށެވެ. ފްރިޖްގައިވެސް ބޭރުގައިވެސް ބެހެއްޓިދާނެއެވެ.