މިއޮތީ ކެރެމަލް ރަވާ ކަސްޓަރޑް ޕުޑިން ތައްޔާރު ކުރާނެގޮތް!

މި ހުކުރު ވޮއިސް ގެ ބަދިގެއިން މި ގެނެސްދެނީ މެންދުރު ކެއުމަށް ފަހު އަނގަ ފޮނިކޮށްލަން ތައްޔާރު ކޮށްލެވޭނެ މީރު ޕުޑިން އެއްގެ ރެސިޕީ އެވެ. ކިޔުންތެރިންނަށް ކަމުދާނެ ކަމަށް އުއްމީދު ކުރަމެވެ.

ބޭނުންވާނެ ތަކެތި

1/4 ޖޯޑު ހަކުރު (ކެރަމަލް ތައްޔާރު ކުރަން)

2 މޭޒު މަތީ ސަމުސާ ކަސްޓަރޑް

1/4 ޖޯޑު ފެން

2 ޖޯޑު ފުލް ކްރީމް މިލްކް

1/2 ޖޯޑު ހަކުރު

1/4 ޖޯޑު ރަވާ (ސެމޮލީނާ)

ތައްޔާރު ކުރާނެގޮތް

1) ތަވައެއްގެ ތެރޭގައި މަޑު ގިނީގައި ހަކުރު ކޮޅު (1/4 ޖޯޑު ހަކުރު) ކެރަމަލައިޒް ކޮށްލާށެވެ. އެއަށްފަހު އޭތި ބޭކިންގ ޓްރޭ އަށް އަޅާލާ އެއްވަރު ކޮށްލުމަށްފަހު ހިހޫ ވަންދެން ބަހައްޓާށެވެ.

2) ދެން ކަސްޓަރޑް ކޮޅާއި 1/4 ޖޯޑު ފެނާއި ތައްޓެއްގެ ތެރޭގައި އެކުލަވައި ލުމަށްފަހު ބަހައްޓާށެވެ.

3) އެއަށްފަހު ފުލް ކްރީމް ދިޔާ ކިރާއި ހަކުރު ކޮޅު ތެއްޔެއްގެ ތެރޭގައި ރަނގަޅަށް ކައްކާލާށެވެ.

4) ކެކެން ފެށުމުން އޭގެ ތެރެއަށް ރަވާ ކޮޅާއި ކަސްޓަރޑް މިކްސްޗަރ އަޅާލައިގެން އޮލަވަންދެން މަޑު ގިނީގައި ރަނގަޅަށް ހަލުވަމުން ކައްކާލާށެވެ.

5) ރަނގަޅަށް އޮލަވުމުން އެ މިކްސްޗަރ ކެރަމަލައިޒް ކުރި ހަކުރު މައްޗަށް އަޅާލާށެވެ.

6) ދެން އާވިން ނުވަތަ އަވަނުގައި ޕުޑިން ފިހެލާށެވެ. އަވަނުގައި ފިހާނަމަ ފިހާނީ 175 ޑިގްރީ ސެލްސިއަސް އަށް ހޫނު މިން ބަހައްޓައިގެން. ގާތް ގަނޑަކަށް 20 މިނެޓް ތެރޭގައި ޕުޑިން ފިހެ ނިމޭނެއެވެ.