"ރައީސް ޞާލިހުގެ ޢާއިލާއަށް އެމްއެމްޕީއާރްސީގެ ފައިސާ ލިބުނުކަމަށް އަދީބު ބުނާ މެސެޖްތައް އެބަހުރި"

ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހުގެ ޢާއިލާގެ ބޭފުޅުންނަށް، އެމްއެމްޕީއާރުސީ ޚިޔާނާތުގެ ފައިސާ ލިބުނު ކަމަށް، ކުރީގެ ނާއިބު ރައީސް އަހުމަދު އަދީބު ވިދާޅުވެފައިވާ މެސެޖު، މަޖިލީހުގައި އެބަހުރި ކަމަށް އުނގޫފާރު ދާއިރާގެ މެންބަރު މުހައްމަދު ވަހީދު (ވައްޑެ) ވިދާޅުވެއްޖެ އެވެ.

ރާއްޖޭގެ އެންމެ ނުފޫޒުގަދަ ވިޔަފާރިވެރިޔާ މުހައްމަދު މޫސާ (އުއްޗު) ގެ ޗަމްޕާ ބްރަދާސް މޯލްޑިވްސް ޕްރައިވެޓް ލިމިޑެޓާ ދެކޮޅަށް ބެލި އެމްއެމްޕީއާރުސީގެ މައްސަލަ އަށް ފަހު އޭސީސީން އިއްޔެ ވަނީ، ބުނީ އެ މައްސަލަ ތަހުގީގުކޮޑް ބެލިބެލުމުން މި މައްސަލައިގައި ކޮރަޕްޝަން އަދި މަނީ ލޯންޑަރިންގެ ކުށެއް ތަހުގީގަށް ސާބިތުވާ މިންވަރަށް ހެކި ގަރީނާ ނެތް ކަމަށެވެ. އެހެން ކަމުން މި މައްސަލައަކީ ކޮރަޕްޝަންގެ ކުށެއް އެކުލެވިގެން ނުވާ މައްސަލައެއް ކަމަށް ކަނޑައަޅާ މައްސަލަ ނިންމާފައިވާ ކަމަށެވެ.

އެކަމަށް އިޝާރާތް ކުރައްވައި ވައްޑެ ރޭ ކުރެއްވި ޓްވީޓެއްގައި ވިދާޅުވީ، ޗަމްޕާ މުހައްމަދު މޫސާ (އުއްޗު) އަށް އެމްއެމްޕީއާރުސީގެ ފައިސާ ލިބިފައި ނެތްކަމަށްވެދާނެ ކަމަށެވެ.

ނަމަވެސް އެފައިސާ ލިބުނު މީހުންގެ މައްސަލަތައް ކޮބައިތޯ އެނާ ވަނީ ސުވާލު ކުރައްވައިފައެވެ.

އެގޮތުން ވައްޑެ ވިދާޅުވީ ރައީސް ބާލިހްގެ އާއިލީ ބޭފުޅުންނަށް އެމްއެމްޕީއާރްސީގެ ފައިސާ ލިބުނު ކަމަށް ކުރީގެ ނައިބް ރައީސް އަދީބު ބުނާ ޓެކްސްޓް މެސެޖްތަކެއްގެ ކޮޕީ ރައްޔިތުންގެ މަޖިލީހުގެ 241 ކޮމިޓީގައި ވެސް އެބަހުރި ކަމަށެވެ.

"ރައީސުލްޖުމްހޫރިއްޔާ އަށް ވެސް އެއިން ބައެއް ލިބުނު ކަމަށް ކިޔާ. ރައީސުލްޖުމްހޫރިއްޔާގެ އާއިލާ ބޭފުޅުންނަށް ފައިސާ ލިބުނުކަމަށް ބުނާ އަދީބުގެ ޓެކްސްޓް މެސެޖް ކޮޕީ 241 ކޮމިޓީގައިވެސް އެބަހުރި." ވައްޑެ ވިދާޅުވިއެވެ.

އެމްއެމްޕީއާރްސީގެ ހިޔާނާތުގެ ފައިސާ އިން 35 މިލިއަން ރުފިޔާ އަދީބުގެ އަތުން ރައީސް ޞާލިހު ނެންގެވިކަމަށް އެކަން ހިނގި އިރު އެމްޑީޕީީގެ ޗެއާޕާސަން ގެ މަގާމުގައި ހުންނެވި، ކުރީގެ ޓުއަރިޒަމް މިނިސްޓަރު އަލީ ވަހީދުވެސް ވަނީ ވިދާޅުވެފަ އެވެ.