ފ ބިލެތްދޫ ސުކޫލު
ފ ބިލެތްދޫ ސުކޫލު
ހަބަރު 03 Sep 2023 | 20:02

ބިލެތްދޫ ސްކޫލު ޑެސްކުތައް ހަލާކުވެ ވީރާނަވަނީ، އެޑިއުކޭޝަން މިނިސްޓްރީން ހަނު!

ފ ބިލެތްދޫ ސްކޫލް ކްލާސްރޫމް ތަކުގައި ކިޔެވުމަށް ބޭނުންކުރާ މޭޒުތައް ހަލާކުވެ ވީރާނަވެގޮސް ބޭނުން ނުކުރެވޭ ހާލާތައް ގޮސްފައިވާއިރުވެސް އެޑިއުކޭޝަން މިނިސްޓްރީން ސްކޫލަށް މޭޒު ފޯރުކޮށް ނުދޭ މައްސަލައެއް ފެންމަތިވެެއްޖެއެވެ.

ވޮއިސް އެމްވީއަށް މައުލޫމާތު ދެމުން ބިލެތްދޫ ސްކޫލުގެ ބެލެނިވެރިއަކު ބުނެފައިވަނީ އެޑިއުކޭޝަން މިނިސްޓްރީން އެރަށުގެ ސްކޫލަށް އެއްވެސް ވަރަަކަށް މޭޒު ފޯރުކޮށް ނުދޭތާ މިހާރު ގާތްގަނޑަކަށް 10 ވަރަކަށް އަހަރު ވެދާނެކަމަށެވެ.

މީގެ އިތުރުން އެ ސްކޫލުގެ މޭޒުތައް ހަލާކުވެ ބޭނުންނުކުރެވޭ ވަރުވުމުން ކޮންމެ ދިރާސީ އައު އަހަރެއްގެވެސް ގްރޭޑް 2ށް ބަދަލުވާ ކްލާހުގެ ބެލެނިވެރިން އެ ސްކޫލުން ހޮވާލެވޭ އެންމެ ބާ މޭޒުތައް މަރާމާތުކޮށް އެ ކްލާސްތަކުގައި ބޭނުންކުރާ ކަމުގައި އެނާ ބުންޏެވެ. އަދި އެރަށު ސްކޫލުގެ ބެލެނިވެރިން މިކަން މިގޮތަށް ކުރަމުން އަންނަތާ 5 ވަރަކަށް އަހަރު ވެދާނެކަމުގައިވެސް އޭނާ ބުނެއެވެ.

މިގޮތަށް އަމިއްލަ ޖީބުން ހަރަދުކޮށްގެން ކޮންމެ އަހަރަކު މޭޒުތައް މަރާމާތުކުރަން ޖެހުމުން ޖުމުލަ ގާތްގަނޑަކަށް 600 އާއި 1000 އާއި ދެމެދުގެ އަދަދެއް އެބަ ހަރަދުވޭ ބެލެނިވެރިންގެ ޖީބުން

ފ ބިލެތްދޫ ސްކޫލްގެ ބެލެނިވެރިޔަކު

މީގެ އިތުރުން މި ބެލެނިވެރިޔާ ބުނީ ބިލެތްދޫ ސްކޫލުގެ މެނޭޖްމެންޓުން 60 މޭޒު އެރަށު ސްކޫލަށް ހޯދުމަށް އެޑިއުކޭޝަން މިނިސްޓްރީގައި އެދެމުން އަންނަތާ 2 އަހަރު ވެއްޖެ ކަމަށާއި، ކޮންމެ ދިރާސީ އަހަރެއް ފެށެންވާއިރަށް މޭޒު ފޯރުކޮށްދޭނެ ކަމަށް އެޑިއުކޭޝަން މިނިސްޓްރީން ބުނި ނަމަވެސް އަދި އަދަށްވެސް އެ ސްކޫލަށް އެއްވެސް މޭޒެއް ލިބިފައި ނުވާކަން އޭނާ ފާހަގަކުރެއެވެ.

ފ ބިލެތްދޫ ސްކޫލްގެ މޭޒުތަކުގެ ހާލަތު 

މީގެ އިތުރުން މި ފެށުނު ދިރާސީ އައު އަހަރުގެ ކިޔެވުން ފެށެންވެގެންވެސް އެ ރަށު ސްކޫލުގެ ބެލެނިވެރިންނާއި ބައްދަލުކޮށް މޭޒުތައް މަރާމާތުކުރުމުގެ ވާހަކަދެކެވުނު ކަމަށާއި އެހެންނަމަވެސް މިއަހަރު ބެލެނިވެރިން އެކަމާ ދެކޮޅު ހަދާފައިވާ ކަމަށް އެ ބެލެނިވެރިޔާ މައުލޫމާތު ދިނެވެ.

މީގެ އިތުރުން އެ ބެލެނިވެރިޔާ ފާހަގަ ކުރި ގޮތުގައި ކޮންމެ ދިރާސީ އަހަރަކަށްވެސް އައު މޭޒު ހޯދުމަށް ބިލެތްދޫ ސްކޫލުގެ މެނޭޖްމެންޓުން ބޮޑެތި މަސައްކަތްތަކެއް ކުރި ނަމަވެސް އެޑިއުކޭޝަން މިނިސްޓްރީން އެކަމަށް އެއްވެސް އެދެވޭ ސަމާލުކަމެއް ދީފައިނުވާ ކަމަށެވެ.

އެންމެ ފަހުން މިނިސްޓްރީން ބުނީ މި ނިމުނު އޮގަސްޓް މަސް ނިމުމުގެ ކުރިން މޭޒުތައް ލިބޭނެޔޭ! އެކަމު އޮގަސްޓް މަސްވެސް ނިމުނީ މި ހަބަރެއް ނުވޭ!

ބިލެއްދޫ ސްކޫލުގެ ބެލެނިވެރިއެއް

މީގެ އިތުރުންވެސް މޭޒުތައް ގިނަ ދުވަސްވެ ކުރީ އަހަރުތަކުގައި އެ މޭޒުތަަކުގައި ލިޔެފައި ހުންނަ ހަޑިހުތުރު ބަސްތައް ހުންނަކަމަށާއި މިއަހަރުގެ ކިޔެވުން ފެށުމުގެ ގޮތުން ސްކޫލުގެ ފަރާތުން އެ މޭޒުތަަކުގައި ބްރިސަލް ބޯޑު އަޅައި އެ ތަކެތި ފޮރުވި ނަމަވެސް މިހާރު ކަރުދާސްތައް ވީދި އެ އެއްޗިހި ކުދިންނަށް ފެންނަން ހުންނަ ކަމުގައެވެ.

މިހާރު ގިނަ ދުވަސްވެ ކަރުދާސްތައް ވީދި އެ އެއްޗިހި އެ ހުންނަނީ ފެންނަން، އަނެއްކާ ކުދިން އެ ކިޔާފައި އެބަ އަހާ މަންމާއޭ އެއީ ކޮންޗެއްހޭ،

ބިލެއްދޫ ސްކޫލުގެ ބެލެނިވެރިއެއް

ފ އަތޮޅުގެ ނިސްބަތުން ބިލެތްދޫ ސްކޫލަކީވެސް ތައުލީމީ ގޮތުން ފާހަގަކޮށްލޭ ސްކޫލަކަށް ވާއިރު، މިފަދަ ދަރިވަރުންގެ ތައުލީމާއި ގުޅުންހުރި މުހިއްމު ކަންކަމުގައި ސްކޫލުތަކުގެ ބެލެނިވެރި ފަރާތްކަމުގައިވާ މިނިސްޓްރީ އޮފް އެޑިޔުކޭޝަނުން ފަރުވާކުޑަ ކުރަމުން އަންނަ ކަމުގައި ވަނީ ނަމަ އެކަމުގެ ނޭދެނޭ އަސަރު ދަރިވަރުންގެ ތައުލީމަށް ކުރާނެކަން ޔަގީނެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

މާސްޓަރސްއަށް ކިޔެވުމަށް ޗައިނާއިން ދިވެހިންނަށް 200 ފުލް ސްކޮލާޝިޕްގެ ފުރުސަތު
16 Nov 2026 ހަބަރު

މާސްޓަރސްއަށް ކިޔެވުމަށް ޗައިނާއިން ދިވެހިންނަށް 200 ފުލް ސްކޮލާޝިޕްގެ ފުރުސަތު

މި ސްކޮލާޝިޕްތަކަކީ ޗައިނީޒް ސްކޮލާޝިޕް ކައުންސިލްގެ އެހީގައި ދިވެހިންނަށް ހުޅުވާލާފައިވާ ޕޯސްޓްގްރެޖުއޭޓް ޕްރޮގްރާމްތަކެކެވެ. މިއީ އެއް އަހަރު ދުވަހުގެ މުއްދަތަށް ކުރިއަށްގެންދާ، ޕްރޮގްރާމްތަކެކެވެ