އިންތިޚާބީ ރައީސް މުޢިއްޒު މަޖިލީހުގެ ރައީސް ނަޝީދާއި ބައްދަލުކުރައްވައިފި
ރާއްޖޭގެ އިންތިޚާބީ ރައީސް ޑރ މުޙައްމަދު މުޢިއްޒު ރައްޔިތުންގެ މަޖިލީހުގެ ރައީސް އަދި ކުރީގެ ރައީސް މުޙައްމަދު ނަޝީދާއި ބައްދަލު ކުރައްވައިފިއެވެ.
އިންތިޚާބީ ރައީސް ޑރ މުޢިއްޒު މިއަދު ރައްޔިތުންގެ މަޖިލީހަށް ކުރެއްވެވި ޚާއްސަ ޒިޔާރަތުގައި އިންތިޚާބީ ނައިބު ރައީސް ހުސެއިން މުޙައްމަދު ލަތީފާއި ޕީއެންސީގެ ލީޑަރު ޢަބްދުރަޙީމްވެސް ވަނީ ބައިވެރިވެވަޑައިގެންފައިވެއެވެ.
ރައީސް ނަޝީދުގެ ދައުވަތަކަށް މުޢިއްޒު ކުރެއްވެވި ޒިޔާރަތުގައި އެމަނިކުފާނުގެ އަރިހުގައި ޑރ މުޢިއްޒާއި ބައްދަލު ކުރެއްވެވީ މަޖިލީހުގެ ނައިބު ރައީސާ އީވާ ޢަބްދުالله އާއި އެމްޑިޕީގެ ޕީޖީ ލީޑަރު މުޙައްމަދު އަސްލަމާއި ޑިމޮކްރެޓްސްގެ ޕީޖީ ލީޑަރު ޢަލީ އާޒިމެވެ.
ޑރ މުޢިއްޒު މަޖިލީހަށް ވަޑައިގަތުމުން މަޖިލީހުގެ ގިނަ މެމްބަރުން ތަކެއް ވަނީ އެމަނިކުފާނަށް މަރުޙަބާ ދަންނަވައިފައެވެ.
ރައީސް ނަޝީދާއި ޑރ މުޢިއްޒާއި އެކު ބޭއްވުނު ބައްދަލުވުމުގައި ނިމިދިޔަ ރިޔާސީ އިންތިޚާބުގެ ދެވަނަ ބުރުން ޑރ މުޢިއްޒު ހޯއްދެވި ކާމޔާބީއަށް ރައީސް ނަޝީދު ވަނީ މަރުޙަބާ ވިދާޅުވެފައެވެ. އަދި މިބައްދަލުވުމަށް ދައުވަތު ދެއްވެވި ކަމަށްޓަކައި ޑރ މުޢިއްޒުވަނީ ރައީސް ނަޝީދަށް ޝުކުރު ދަންނަވައިފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
