އީވާ އާއި ކުރީގެ މަޖިލީހުގެ ރައީސް މުހައްމަދު ނަޝީދު
އީވާ އާއި ކުރީގެ މަޖިލީހުގެ ރައީސް މުހައްމަދު ނަޝީދު
ހަބަރު 03 Dec 2023 | 10:37

ބޭބެ ދިފާއު ކުރަން އުޅެނީއޭ ބުނިއިރު، ބޭބެގެ ދިފާއުގައި ޗުއްޕުވެސް އަޅުގަނޑު ނުބުނަން: އީވާ

ރައްޔިތުންގެ މަޖިލީހުގެ ކުރީގެ ރައީސް މުހައްމަދު ނަޝީދުގެ ދެބެންގެ ދެދަރި ކޮއްކޮ، އަދި މަޖިލީހުގެ ނާއިބު ރައީސް އީވާ އަބްދުالله، މަގާމުގެ ބޭނުން ކުރައްވައިގެން، ރައީސް ނަޝީދުގެ މަގާމް ދިފާއު ކުރައްވަން މަސައްކަތް ކުރެއްވި ކަމަށް ވިދާޅުވެ އެމްޑީޕީ މެންބަރުން ދެއްކެވި ވާހަކަތަކަށް އީވާ ރައްދު ދެއްވައިފިއެވެ.

ރައީސް ނަޝީދު މަޖިލީހުގެ ރިޔާސަތުން ދުރު ކުރުމަށް އެމަނިކުފާނުގެ އިތުބާރު ނެތް ކަމުގެ މައްސަލައެއް އެމްޑީޕީ މެންބަރުން މަޖިލީހަށްލައި، އެ މައްސަލަ ކުރިއަށް ގެންދަންޖެހޭ ދުވަސް ޖެހުނު އިރު، އީވާ އަށް ވަނީ ޑެންގީގެ އާލާސްކަންފުޅާ ކުރިމަތިވެފައި ކަމަށް ޑިމޮކްރެޓްސް އިން ވަނީ ހާމަކޮށްފައެވެ. އެހެން ކަމުން އިވާއަށް ރިޔާސަތުގައި އިންނެވެން ނެތުމުން އެ މައްސަލަ ކުރިއަށް ނުގެންދެވި ގާތްގަނޑަކަށް ދެ ހަފުތާއެއްހާ ދުވަހު ދިގުލައި ދަންމާފައި ވެއެވެ.

އެކަމާއި ގުޅިގެން އެމްޑީޕީ މެންބަރުންގެ ފަރާތުން ބޭއްވި ނޫސްވެރިންގެ ބައްދަލުވުން ތަކުގަޔާއި، އަދި މީސްމީޑިއާގައި ވެސް، އެ މެންބަރުން ވަނީ އީވާ ރިޔާސަތަށް ވަޑައިގެންފައި ނުވަނީ ރައީސް ނަޝީދު މަގާމުން ދުރު ކުރައްވަން ބޭނުން ނުވާތީ ކަމަށެވެ. އަދި އޭނާ އުޅުއްވަނީ މަޖިލީހުގެ ނާއިބު ރައީސް ގެ މަގާމްގެ ބޭނުން ކުރައްވައިގެން، އޭނާގެ ބޭބެގެ މަގާމް ދިފާއު ކުރައްވަން ކަމަށް ބުނެ އެޕާޓީގެ މެންބަރުން ވަނީ ވަރަށް ބޮޑަށް ފާޑުވިދާޅުވެފައެވެ.

އެ ސަބަބަށްޓަކައި ކަމަށް ބުނެ އެމްޑީޕީން، އީވާގެ އިތުބާރު ނެތް ކަމުގެ މައްސަލައެއް މަޖިލީހަށް ވައްދާފައިވާއިރު، މިއަދު ވަނީ މަޖިލީހުގައި އެ މައްސަލަ ކުރިއަށް ގެންގޮސްފަ އެވެ.

އެ މައްސަލާގައި ޖަވާބުދާރީވުމަށް އީވާއަށް ފުރުސަތު ދެއްވުމުން، ވާހަކަދައްކަވަމުން ވިދާޅުވީ، އޭނާއަކީ މަޖިލީހުގެ ނާއިބު ރައީސް ކަމުގެ މަގާމަށް ނާގާބިލް ބޭފުޅެއް ކަމަށް އެއްވެސް ޕާޓީއެއްގެ މެންބަރަކަށް ނުބުނެވޭނެ ކަމަށެވެ. އަދި އެ މަގާމު އަދާކުރެއްވުމުގައި ގާނޫނު އަސާސީ އާއި، މަޖިލީހުގެ ގަވާއިދާއި އަދި ސްޕްރީމްކޯޓުގެ ހުކުމާއި ވެސް ޚިލާފް ވެވަޑައިގެންފައި ނުވާނެ ކަމަށް އޭނާ ވިދާޅުވި އެވެ.

"ހަގީގަތަކީ، ނާގާބިލް، ކިބުރުވެރި ސަރުކާރަކާއި ދިމާއަށް އަޅުގަނޑު ނާގާބިލް ކިބުރުވެރި ސަރުކާރެކޭ ބުނީ. ހަގީގަތަކީ އެ ސަރުކާރުން މާ ބޮޑަށް އަޅުގަނޑާ ނުރުހުނީ. އަދި އަޅުގަނޑުވެސް އެ ސަރުކާރާ މާ ބޮޑަށް ނުރުހުނީ. އެމްޑީޕީ ސަރުކާރާ އަޅުގަނޑު ނުރުހުގެން އަޅުގަނޑު ބަސް ބުނެގެން ހަގީގަތުގައި އަޅުގަނޑަށް ދޭ އަދަބު މިއީ. މިއީ އެމްޑީޕީ ސަރުކާރުގެ ވެރިކަން ގެއްލުނީމާ އަދަބު އަޅުގަނޑަށް ދިނީ."

މަޖިލީހުގެ ގަލޮޅު އުތުރު ދާއިރާގެ މެންބަރު އީވާ އަބްދުالله
މަޖިލީހުގެ މިއަދުގެ ޖަލްސާގައި އީވާ އަބްދުالله ވާހަކަ ދައްކަވަނީ--ފޮޓޯ/މަޖިލިސް 

އީވާ އިތުރަށް ވިދާޅުވީ އޭނާ އަކީ ސިޔާސީ މައިދާނުގައި ޒާތީ ވާނެ ބޭފުޅެއް ނޫން ކަމަށެވެ. އަދި އޭނާ އާއި ނަޝީދުގެ އިތުބާރު ނެތް ކަމުގެ މައްސަލަ ހުށަހެޅުނު ދުވަހުން ފެށިގެން، އީވާ އުޅުއްވަނީ ބޭބެ ދިފާއު ކުރަން ކަމަށް އެމްޑީޕީ މެންބަރުން ވިދާޅުވަމުން ދިޔަ ނަމަވެސް ބޭބެގެ ދިފާއުގައި ޗުއްޕުވެސް ދަންނަވާފައި ނުވާނެ ކަމަށް އޭނާ ވިދާޅުވި އެވެ.

އަޅުގަނޑު މަގާމުން ވަކިކުރަން އެމްޑީޕީން މަސައްކަތް ފެށީއްސުރެ, ގާތްގަނޑަކަށް މި ވޭތުވެދިޔަ ހަމަސް ދުވަހު، ދުވާލު ދެދަޅައަށް ޕްރެސް ކޮންފަރެންސް އަށް އަރައި، މަނިކުފާނުމެން (މަޖިލީހުގެ ރައީސް މުހައްމަދު އަސްލަމް އަދި އެމްޑީޕީ މެންބަރުން) ބޭބެ ދިފާއު ކުރާށޭ، ބޭބެ ދިފާއު ކުރާށޭ، ވިދާޅުވަމުން ގެންދިޔައިރު އަޅުގަނޑު ނުއިންނާނެ، ދިފާއުގައި ޗުއްޕު ދަންނަވާފައި ވެސް. އަޅުގަނޑަކީ ސިޔާސީ އެއްވެސް ފިކުރެއް ނެތް މީހަކަށް ހައްދަވައިގެން އަޅުގަނޑު ބޭނެ ދިފާއު ކުރަން އުޅޭ މީހަކަށް ހަދައިގެން ވޭތުވެދިޔަ 18 އަހަރު ދުވަހު އަޅުގަނޑު ކުރި މަސައްކަތަކީ އެއްވެސް ކަހަލަ އަމިއްލަ ވިސްނުމެއްނެތި ކުރި މަސައްކަތަށް ހަދަމުން ގެންދިޔަ އިރު އަޅުގަނޑު ނުއިންނާނެ ޗުއްޕުވެސް ދަންނަވާފައި އޭގެ ދިފާއުގައި.

މަޖިލީހުގެ ގަލޮޅު އުތުރު ދާއިރާގެ މެންބަރު އީވާ އަބްދުالله
މަޖިލީހުގެ މިއަދުގެ ޖަލްސާގައި އީވާ އަބްދުالله ވާހަކަ ދައްކަވަނީ--ފޮޓޯ/މަޖިލިސް 

މިއާއެކު އީވާ ވިދާޅުވީ، އޭނާ ދެކޮޅުވި ކުރީ ސަރުކާރު އަދި، އޭނާގެ އިތުބާރު ނެތް ކަމުގެ މައްސަލަ ހުށަހަޅުއްވަން އެންމެ އިސްކޮށް މަސައްކަތް ކުރެއްވި ކުރީގެ ރައީސް އިބްރާހިމް މުހައްމަދު ޞާލިހަކީވެސް އީވާގެ ބޭބެއެއް ކަމަށެވެ.

ރައީސް ޞާލިހުގެ ވާހަކަ އަޅުގަނޑު ދައްކާކަށް ބޭނުމެއް ނޫން. އެކަމަކު މަނިކުފާނުމެން ވޭތުވެދިޔަ 6 މަސް ދުވަހު ބޭބެ ދިފާއު ކުރަންށޭ ވިދާޅުވަމުން ދިޔައީމާ މި ދަންނަވަނީ، ވެރިކަމުގައި (އޭރު) ހުރީވެސް އަޅުގަނޑުގެ ބޭބެ. (ރައީސް ޞާލިހު) ދެފަރާތުގެ ބޭބެ. މައި ފުށާއި، ބަފާ ފުށުގެ ބޭބެ.

މަޖިލީހުގެ ގަލޮޅު އުތުރު ދާއިރާގެ މެންބަރު އީވާ އަބްދުالله

އީވާ ވިދާޅުވީ، ކަންކަމުގައި ޚިލާފް އުފެދިގެންދާ ވަގުތުގައި އޭނާ އަކީ އެއް އިރެއްގައިވެސް ޒާތީވާ ބޭފުޅެއް ނޫން ކަމަށެވެ. އަދި ޚިލާފް އުފެދިގެންދައިރު، ބާރުގަދަ ބޭބެ އާއި ބާރު ދެރަ ބޭބެ ބަލާފައިވެސް ނޯންނާނެ ކަމަށް އޭނާ ވިދާޅުވި އެވެ. އެހެނެއް ކަމަކު އޭނާ އިޚްތިޔާރު ކޮށްފައި އޮންނާނީ އޭނާ ގަބޫލު ކުރާ އަސާސް ތަކާއި ހަމަތައް ކަމަށްވެސް އިވާ ވިދާޅުވި އެވެ. އެހެންކަމުން ކުރީ ސަރުކާރާއި ދެކޮޅުވީ ޒާތީ ވެގެން ނޫން ކަމަށް އޭނާ ވަނީ ހަނދުމަކޮށްދެއްވާފައެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ހަމައެކަނި ވެރިން ކޮޓަރި ކޮޓަރީގަ ތިއްބަވައިގެން ނިންމަވާ ކަންކަން ކުރިޔަށް ނުގެންދެވޭނޭކަން މި ދަނީ ފެންނަމުން: ރައީސް ނަޝީދު
21 Nov 2026 ހަބަރު

ހަމައެކަނި ވެރިން ކޮޓަރި ކޮޓަރީގަ ތިއްބަވައިގެން ނިންމަވާ ކަންކަން ކުރިޔަށް ނުގެންދެވޭނޭކަން މި ދަނީ ފެންނަމުން: ރައީސް ނަޝީދު

ރައީސް ނަޝީދު ވިދާޅުވި ގޮތުގައި އެންމެ ބޮޑު އެއް ކަންބޮޑުވުމަކީ ފުށިދިއްގަރުފަޅުގައި ސަރުކާރުން ހިންގަން ރާވާފައިވާ މަޝްރޫޢާ ގުޅޭގޮތުން ރައްޔިތުންނަށް އެއްވެސް މައުލޫމާތެއް ނުލިބި، އެކަން ދެފުށް ނުފެންނަ ގޮތަށް ހިނގަމުންދިއުމެވެ