މަޖިލީހަށް އާ ނައިބު ރައީސަކު އިންތިހާބުކުރުމަށް ބާއްވާ ޖަލްސާ މިރޭ
ރައްޔިތުންގެ މަޖިލީހުގެ ނައިބު ރައީސް ކަމުގެ މަގާމުން އީވާ އަބްދުالله އިސްތިއުފާ ދެއްވުމާ ގުޅިގެން، މަޖިލީހުގެ ނައިބު ރައީސްގެ މަގާމަށް މެންބަރަކު އައްޔަން ކުރުން މިރެއަށް ތާވަލުކޮށްފިއެވެ.
މަޖިލީހުގެ ނައިބު ރައީސް ކަމުގެ މަގާމުން އީވާ ވަކިކުރުމުގެ ޖަލްސާ ކުރިއަށް ދަނިކޮށް، އޭވާ ވަނީ އަމިއްލަފުޅަށް އެ މަގާމުން އިސްތިއުފާ ދެއްވާފައެވެ.
މިއަދު ހެނދުނު ކުރިއަށްގެންދެވުނު މަޖިލީހުގެ ތިންވަނަ ދައުރުގެ 29 ވަނަ ޖަލްސާގައި، އީވާގެ އިތުބާރު ނެތްކަމުގެ މައްސަލަ އެޖެންޑާކޮށް ވަނީ ކުރިއަށް ގެންދެވިފައެވެ. އެގަރާރު ހުށަހަޅައި، ދިފާއުގައި ވާހަކަ ދެއްކެވުމަށް އީވާ އަށް ވަނީ ފުރުސަތު ދީފައެވެ. އެފުރުސަތުގައި ވާހަކަ ދައްކަވާ ނިންމާލައްވަވަމުން އީވާ ވަނީ މަޖިލީހުގެ ނައިބު ރައީސްކަމުގެ މަގާމުން އިސްތިއުފާ ދެއްވާ، އިސްތިއުފާގެ ސިޓީ މަޖިލީހުގެ ރައީސް، މުހައްމަދު އަސްލަމަށް އަރުވާފައިވާކަން އިއުލާނު ކުރައްވާފައެވެ.
އޭގެ ކުޑައިރުކޮޅެއްފަހުން މަޖިލީހުގެ ރައީސް ވަނީ އީވާގެ އިސްތިއުފާގެ ސިޓީ ލިބިވަޑައިގެންފައިވާކަން ހާމަކުރައްވާފައެވެ.
އިވާގެ އިސްތިއުފާ ސިޓީ މަޖިލީހުގައި އިއްވުމަށްފަހު، މަޖިލީހުގެ ނައިބު ރައީސްގެ މަގާމަށް އާ މެންބަރަކު އިންތިޚާބު ކުރުމަށް ބާއްވާ ޖަލްސާ މިރޭ 8:30 ގައި އޮންނާނެ ކަމަށް އަސްލަމް ވަނީ ވިދާޅުވެފައެވެ.
ރައްޔިތުންގެ މަޖިލީހުގެ ނައިބު ރައީސް ކަމުގެ މަގާމުން އީވާ މިއަދު އިސްތިއުފާ ދެއްވާފައިވާއިރު، މީގެ ކުރިން މަޖިލީހުގެ ރައީސް ކަމުގެ މަގާމުގައި ހުންނެވި މުހައްމަދު ނަޝީދުވެސް ވަނީ ނިމިގެންދިޔަ ނޮވެންބަރު މަހުގެ 13 ވަނަ ދުވަހު މަޖިލީހުގެ ރައީސް ކަމުގެ މަގާމުން އިސްތިއުފާ ދެއްވާފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
