އަނގޮޅިތީމު ކިއުޓް ޖަމިއްޔާގެ މަސްރޭސް ޑިސެމްބަރު 16 ގައި
ރ އަތޮޅު އަނގޮޅިތީމު ކިއުޓް ޖަމިއްޔާގެ ފަރާތުން މިއަހަރުގެ މަސްވެރިންގެ ދުވަހުގެ މުނާސަބަތުގައި މަސްރޭހެއް ބޭއްވުމަށް ނިންމައި ބައިވެރިވުމުގެ ފުރުސަތު ހުޅުވާލައިފިއެވެ.
އެ ޖަމިއްޔާގެ ފަރާތުން ވޮއިސްއަށް މައުލޫމާތު ދެމުން ބުނެފައިވަނީ ރ އަތޮޅުގެ އަނގޮޅިތީމު، ރަސްގެތީމު، ހުޅުދުއްފާރު އަދި ވާދޫ މި ގަތަރު ރަށަށް ހުޅުވާލެވިގެން ބާއްވާ މި މުބާރާތުގައި އެއް ރަށަކުން ކިތަންމެ ގިނަ ޓީމަށް ވެސް ބައިވެރިވެވިދާނެ ކަމަށެވެ.
2023 ޑިސެމްބަރު 16 ވަނަ ދުވަހު ބޭއްވުމަށް ހަމަ ޖެހިފައިވާ މި މުބާރާތް ކުރިއަށް ދާނީ އަނގޮޅިތީމު ބަނދަރުން ހުރިހާ ޓީމުތަކެއް އެކީ ފުރައިގެން އެރޭ 9 އާއި ހަމައަށް މަސްބޭނުން ކުރިއަށް ދާ ގޮތަށެވެ.
މުބާރާތުގެ އެއްވަނަ ޓީމަކަށް 7000 ރުފިޔާގެ ފައިސާގެ އިނާމު ހުށަހަޅައިފައިވާއިރު ދެވަނަ ޓީމަކަށް 5000 ރުފިޔާ އަދި އެހެނިހެން ވަނަ ވަނައަށްވެސް ގިނަ އިނާމުތައް ހުށަހެޅިފައިވާ ކަމަށް އެ ޖަމިއްޔާއިން މައުލޫމާތު ދެއެވެ.
މި މުބާރާތުގައި ބައިވެރިވުމުގެ ފުރުސަތު މިހާރު ހުޅުވާލައިފައިވާއިރު މުބާރާތާއި ގުޅުން ހުރި މައުލޫމާތު ކިއުޓް ޖަމިއްޔާގެ ފޭސްބުކް ޕޭޖް، https://www.facebook.com/profile.php?id=100085890673073&mibextid=ZbWKwL ގެ އިތުރުން 9993413 އަދި 9567216 މި ނަމްބަރުތަކަށް ގުޅައިގެން ލިބޭނެ ކަމުގައި އެ ޖަމިއްޔާއިން ބުނެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
