ރައީސް ޔާމިންގެ އައު ޕާޓީއާއެކު އަންނަ ގޮންޖެހުން ތަކާއި އެކުވެސް ކުރިއަށް ދެވޭނެ: ރައީސް މުޢިއްޒު
ކުރީގެ ރައީސް ޔާމީން އަބްދުލް ގައްޔޫމް އަލަށް އުފެއްދެވި ޕާޓީ އާއި އެކު އަންނަ ގޮންޖެހުން ތަކާއި އެކުވެސް ކުރިއަށް ވަޑައިގެންނެވޭނެކަމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވިދާޅުވެއްޖެއެވެ.
އެމަނިކުފާނު މިފަދައިން ވިދާޅުވީ މިއަދު ތުރުކީއަށް ކުރެއްވި ރަސްމީ ދަތުރުފުޅާއި ، ޔޫއޭއީގެ ދުބާއީގައި އޮތް ކޮޕް28 ނިންމަވާލެއްވުމަށްފަހު ރާއްޖެ ވަޑައިގެން ނޫސްވެރިންނާއި އެކު ބޭއްވި ބައްދަލުވުމެއްގައި ނޫސްވެރިޔަކު ކުރެއްވި ސުވާލަށް ޖަވާބު ދެއްވަމުންނެވެ.
ރައީސް ޑރ.މުއިއްޒު ވިދާޅުވީ ގައުމު ކުރިއެރުވުމުގައި ހުރިހާ ބޭފުޅުންގެ އެއްބާރުލުމާއި އެކީގައި ގައުމު އިސްކޮށްގެން ދާން ބޭނުންވާނަމަ ރައީސް ޔާމީން އާ ސިޔާސީ ޕާޓީއެއް އުފެއްދެވުމަކީ ވަރަށް ރަނގަޅު ގޮތެއް ކަމަށެވެ.
"އަޅުގަނޑު ގަބޫލުކުރާ ގޮތުގައި ގައުމުގައި ތިއްބެވި ސިޔާސީ ހުރިހާ ވެރިންވެސް ބޭނުންވާނީ ގައުމަށް ރަނގަޅު ގޮތް ވާން. އަޅުގަނޑު މިހުރިީ ، އަޅުގަނޑުމެންނާއި އެކީގައި ގައުމީ ވިސްނުމުގައި ކުރިއަށް ދާން ތިބި ހުރިހާ ބޭފުޅުންނާއި އެކު ކުރިއަށް ދާން."
ރައީސް ޑރ.މުއިއްޒު
އިތުރަށް އެމަނިކުފާނު ވިދާޅުވީ ގޮންޖެހުންތަކާއި ކުރިމަތި ލާން ޖެހެންޏާ އެ ގޮންޖެހުންތަކާއި އެކީގައި ގައުމީ ވިސްނުމުގައި ކުރިއަށް ދާނެ ކަމަށެވެ. އެ ކަމަކީ އެބޭފުޅުންގެ ތެރޭގައި މާ ބޮޑު ކަންތައްތަކެއް އުފެދިގެންދާނެ ކަމެއް ކަމަށް ދެކިވަޑައިނުގަންނަވާ ކަމަށް ވެސް ރައީސް ޑރ.މުއިއްޒު ވިދާޅުވިއެވެ.
"ޗެލެންޖުތައް ކުރިމަތިވަންޏާ އެ ޗެލެންޖުތަކާ އެކީވެސް އަޅުގަނޑުމެންނަށް ގައުމީ ވިސްނުމުގަ ކުރިއަށް ދެވޭނެ. އަޅުގަނޑަކަށް ނުފެނޭ އަޅުގަނޑުމެން ތެރޭގައި މާ ބޮޑެތި ކަންތައްތަކެއް ވެގެން ދާނެ ކަމަކަށް،"
ރައީސް ޑރ. މުހައްމަދު މުޢިއްޒު
ރައީސް ޑރ.މުއިއްޒު ވަނީ އެމަނިކުފާނު ހުވާ ކުރެއްވުމުގެ ރަސްމިއްޔާތުގައި ގައުމާ މުޚާތަބުކޮށް ވިދާޅުވި ފަދައިން އެކުވެރިކަމާއި، ގައުމު އިސްކުރުމުގައި ބައިބައިނުވުމާއި، ގައުމު އިސްކުރުމުގައި ދެމިހުންނަވާނެ ކަމަށް ވިދާޅުވެފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
