އެމްޑީޕީ ކޮންގުރެސްއަށް ހުށަހެޅި "ބޮޑު ބަދަލު"ގެ ސިޔާސަތު ފާސްކޮށްފި
ރާއްޖޭގެ ވެރިކަމުގެ ނިޒާމަށާއި ގާނޫނުއަސާސީއަށް ބަދަލުތައް ގެނައުމަށް ކުރީގެ ރައީސް މުޙައްމަދު ނަޝީދު އާއި އެމްޑީޕީގެ ކުރީގެ ޗެއާޕާސަން ފައްޔާޒު އިސްމާއީލް އިސްވެ ފެއްޓެވި "ބޮޑުބަދަލު" ގެ ސިޔާސަތު އެމްޑީޕީގެ ކޮންގްރެސްގައި މިއަދު ފާސްކޮށްފިއެވެ.
މިހާރު ކުރިއަށްދާ އެމްޑީޕީގެ ކޮންގްރެސްގެ ދެވަނަ ދުވަހު ފާސްކުރުމަށް ހުށަހެޅި ބޮޑުބަދަލުގެ ސިޔާސަތު ފާސްކޮށްފައިވަނީ ޖަލްސާއަށް ހާޒިރުވެ ތިއްބެވި މެމްބަރުންގެ ބޮޑު އަގުލަބިއްޔަތަކުންނެވެ.
ބޮޑުބަދަލުގައި ވެރިކަމުގެ ނިޒާމުގައި ހިމެނޭ ބާރުތައް، ހަގީގީ މާނާގައި ވަކިވެ ރައްޔިތުންގެ ފުރިހަމަ ބާރުވެރިކަން ލިބިގެންދާނޭކަމަށް މި ސިޔާސަތުގެ ވާހަކަދައްކަވަމުން އެމްޑީޕީގެ ކުރީގެ ޗެއާޕާސަން ފައްޔާޒް އިސްމާއީލް ވަނީ ވިދާޅުވެފައެވެ.
މިއަދު ބޭއްވި އެމްޑީޕީގެ ކޮންގްރެސްގައި ބޮޑު ބަދަލު ސިޔާސަތާ ގުޅޭގޮތުން ފައްޔާޒް ވަނީ ރާއްޖޭގެ ވެރިކަމުގެ ނިޒާމް ބަދަލުކުރަން ޖެހޭކަން ފާހަގަކޮށް ޗެކް އެންޑް ބެލެންސް ނިޒާމް މިހާރު މަސައްކަތް ނުކުރާކަމަށް ވިދާޅުވެފައެވެ. އެގޮތުން ހުރިހާ ދިމާލަުންވެސް މިހާރު ފެނިެގންދަނީ ރައީސުލްޖުމްހޫރިއްޔާގެ މަގާމުގައި ހުންނަ މީހާ ބޭނުންވާގޮތަށް ކަންކަން ކުރަމުންގެންދާ މަންޒަރުކަން ފައްޔާޒުި ވިދާޅުވިއެވެ
އެމްޑީޕީގެ ކޮންގްރެސް ނިންމާލުމަށް ހަމަޖެހިފައިވަނީ މިރެއެވެ. ކޮންގްރެސްގެ ތެރެއިން މުހިންމު ކަންކަން ފާސްކޮށްފައިވާއިރު، ފަހު ބައިތައް ކުރިއަށްދާނީ މިރެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
