ޤާނޫނުގައި ބަޔާންކުރާ ރާއްޖޭގެ ސަރަހައްދު ގަބޫލުނުކުރާ ނަމަ ސަރުކާރުން ޤާނޫނު އިސްލާހުކުރަން ޖެހޭ: އުޝާމް
1996 ވަނަ އަހަރު ފާސްކޮށްފައިވާ ދިވެހިރާއްޖޭގެ ކަނޑުގެ ސަރަހައްދާއި ބެހޭ ޤާނޫނުގައި ބަޔާންކޮށްފައިވާ ގޮތަށް ރާއްޖޭގެ ޚާއްސަ އިޤްތިޞާދީ ސަރަހައްދަށް 200 ނޯޓިކަލް މޭލު ލިބެން ޖެހޭކަމަށް ސަރުކާރުން ގަބޫލު ނުކުރާނަމަ، އެ ޤާނޫނަށް ސަރުކާރުގެ ފަރާތުން އިސްލާހު ހުށައަޅަން ޖެހޭކަމަށް މޯލްޑިވްސް ނެޝަނަލް ޕާޓީގެ މަޖިލީހުގެ ވިލިމާލެ ދާއިރާގެ މެންބަރު އަހުމަދު އުޝާމް ވިދާޅުވެއްޖެ އެވެ.
ފޯޅަވަހި މައްސަލައިގައި ވަކާލާތުކުރަން ބޭނުންވާ ފަރާތްތައް ގުޅިގެން ބޭއްވި ޕްރެސް ކޮންފަރެންސްގައި އެ މައްސަލައިގައި މޯލްޑިވްސް ނެޝަނަލް ޕާޓީ (އެމްއެންޕީ) ގެ ސްޓޭންޑް ހާމަކުރައްވަމުން އުޝާމު ވިދާޅުވީ ރާއްޖޭގެ ކަނޑުތަކާއި ބެހޭ ޤާނޫނުގައި ބަޔާންކުރާ ރާއްޖޭގެ ޚާއްސަ އިޤްރިޞާދީ ސަރަހައްދަކީ އާކިޕެލަޖިކް ބޭސްލައިންތަކުން ފެށިގެން 200 މޮނިޓަލް މައިލްކަމަށް ސަރުކާރުން ނުދެކޭނަމަ، ނުވަތަ ގަބޫލު ނުކުރާނަމަ ޤާނޫނު އިސްލާހުކުރަން މިހާރުން މިހާރަށް ހުށައަޅަން ޖެހޭ ކަމަށެވެ.
"ރާއްޖޭގެ ޚާއްސަ އިޤްތިޞާދީ ސަރަހައްދަކީ އީއީޒެޑަކީ 200 ނޮޓިލަކް މޭލުކަމަށް ކަނޑައަޅާފަ. މި ސަރުކާރުން ޤަބޫލުކުރައްވަނީ 200 ނޮޓިކަލް މޭލު ރާއްޖެއަށް ނުލިބޭން ކަމަށް ވާނަމަ، އަޅުގަނޑު ގަބޫލުކުރަނީ މި ސަރުކާރުން މިހާރުވެސް ޤާނޫނަށް އިސްލާހުވެސް ހުށައަޅަން ޖެހޭކަމަށް"
ވިލިމާލެ ދާއިރާގެ މެންބަރު އަހުމަދު އުޝާމް
އެކަން ފާހަގަކުރައްވާ އުޝާމު ވިދާޅުވީ ސަރުކާރުން އަމަލުކުރާނެ ގޮތެއް ބައްލަވަމުން ގެންދަވާކަމަށެވެ. އަދި ދިވެހިރާއްޖޭގެ ސަރަހައްދުން ބައެއް ދޫކޮށްލި ނަމަވެސް، ރާއްޖޭގެ ކަނޑުގެ ސަރަހައްދާއި ބެހޭ ޤާނޫނަށް އެ އިސްލާހު ހުށައަޅަން ސަރުކާރަށް ކެރިވަޑައިނުގަންނަވާނެ ކަމަށް އޭނާ ވިދާޅުވި އެވެ.
"އަޅުގަނޑުމެން ބަލަން މިތިބީ ކޮން ގޮތަކަށްތޯ ސަރުކާރުން އަމަލުކުރައްވަނީ މި ކަމުގައި. މި ސަރުކާރުން އެ ޤާނޫނު ބަލައި ނުގަންނަކަމުގައި ވަނީ ނަމަ އެ ޤާނޫނަށް އިސްލާހުވެސް ހުށައަޅަން ޖެހޭނެ މި ސަރުކާރުން. އެކަމަކު އަޅުގަނޑަށް ޔަގީން ޤާނޫނަށް އިސްލާހު ހުށައަޅަން އެބޭފުޅުންނަށް ކެރިވަޑައި ނުގަންނަވާނެކަން"
ވިލިމާލެ ދާއިރާގެ މެންބަރު އަހުމަދު އުޝާމް
ޗާގޯސް މައްސަލައާ ގުޅިގެން ކުރިއަށް އޮތް ދެތިން ދުވަހެއްގެ ތެރޭ އިތުބާރު ނެތްކަމުގެ މައްސަލަތަކެއް ރައްޔިތުންގެ މަޖްލީހަށް ވައްދަން މަސައްކަތް ކުރައްވަމުން ގެންދަވާ ކަމަށެވެ.
ފޯލަވަހި މައްސަލައިގައި އުޅުއްވި އެންމެން ރާއްޖޭގެ ކަނޑުގެ ސަރަހައްދުން ބައެއް ގެއްލުމުގެ ޒިންމާ ނަންގަވަން ޖެހޭނެ ކަމަށާއި، އެމީހުންގެ އިތުބާރު ނެތްކަމުގެ މައްސަލަތައް މަޖިލީހަށް ވައްދާނެކަމަށް އޭނާ ވިދާޅުވި އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
