އެއްވެސް ފަރާތެއްގެ ނުފޫޒެއް ޙައްޖު ކިއު އަކަށް ނުފޯރުވޭނެ: ޝަކީލް
އެއްވެސް ފަރާތެއްގެ ނުފޫޒެއް ޙައްޖު ކިއު އަށް ނުފޯރުވޭނެކަމަށް ޙައްޖު ކޯޕަރޭޝަނުގެ މެނޭޖިން ޑިރެކްޓަރ މުޙައްމަދު ޝަކީލް ވިދާޅުވެއްޖެއެވެ.
މިއަދު، ޝަކީލް އެކްސްގައި ކުރެއްވި ޕޯސްޓެއްގައި ވިދާޅުވީ، ޙައްޖު ކޯޕަރޭޝަންގެ ޙައްޖު ކިއުގެ ނިޒާމް ހަމަޖެހިފައިވާ ގޮތުން، އެއްވެސް ފަރާތެއްގެ ނުފޫޒެއް ޙައްޖު ކިއު އަށް ނުފޯރުވޭނެކަމަށެވެ.
އަދި 1445 ވަނަ އަހަރު ޙައްޖަށް ދެވޭނެ ކަމަށް ހައްޖު ކޯޕަރޭޝަންގެ ކިއުގައިވާ ހުރިހާ ފަރާތްތަކަށް ޙައްޖަށް ދިއުމުގެ ފުރުސަތުވަނީ ދެވިފައިވާކަމަށްވެސް ޝަކީލް ވިދާޅުވިއެވެ.
މީގެ އިތުރުން ޝަކީލް ހާމަކުރެއްވި ގޮތުގައި، މި އަހަރުގެ ރަސްމީ 1000 ކޯޓާއިން ހައްޖު ކޯޕަރޭޝަންގެ ހަވާލުގައި ހައްޖަށް ދިއުމަށް ހަމަޖެހިފައިވާ މީހުންގެ ތެރެއިން، އެހީތެރިންގެ ގޮތުގައި، ދާ ހައްޖު ކޯޕަރޭޝަންގެ 3 މުވައްޒަފުން ފިޔަވާ ހުރިހާ ހައްޖުވެރިން މައްކާއަށް ގޮސް، ވަނީ ޢުމްރާގެ އަޅުކަން ފުރިހަމަކޮށްފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
