ރިއްފަތު މަޖިލީހުގައި/ ފޮޓޯ: މަޖިލީސް
ރިއްފަތު މަޖިލީހުގައި/ ފޮޓޯ: މަޖިލީސް
ހަބަރު 05 Jun 2023 | 16:10

ރައީސްގެ ސިޓީފުޅަކުން ދައުލަތުގެ ކޮޅު ބަދަލުކުރިކަމަށް ބުނެ ހަދަނީ ބުހުތާނު ދޮގު: ރިއްފަތު

ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިހު މޮރިޝަސްގެ ބޮޑުވަޒީރަށް ފޮނުވި ސިޓީފުޅަކުން ފޯޅަވަހި މައްސަލައިގައި ދައުލަތުން ދަމަހައްޓަމުން އައި ސްޓޭންޑު ބަދަލުކޮށް، ދައުލަތުން ކޮޅު ބަދަލުކުރިކަމަށް ބުނެ ދައްކަމުންދާ ވާހަކަތަކަކީ ދޮގު ވާހަކަތަކެއްކަމަށް ބަންޑާރަ ނައިބު އިބްރާހިމް ރިއްފަތު ވިދާޅުވެއްޖެ އެވެ.

ފޯޅަވަހި މައްސަލައާއި ގުޅިގެން ބަންޑަރަ ނައިބު އިބްރާހިމް ރިއްފަތުގެ އިތުބާރު ނެތްކަމަށް ކަނޑައެޅުމަށް މަޖިލީހަށް ހުށައެޅި މައްސަލައިގައި މިއަދުގެ ޖަލްސާގައި ބަންޑާރަ ނައިބުވަނީ ޖަވާބުދާރީ ވެވަޑައިގަންނަވާފަ އެވެ.

އެގޮތުން އެމަނިކުފާނުގެ ވާހަކައިގައި ވިދާޅުވީ ރާއްޖޭގެ އުތުރުންވެސް ރާއްޖެއަށް ޚާއްސަ އިޤްތިޞާދީ ސަރަހައްދުގެ ގޮތުގައި 200 ނޮޓިކަލް މޭލުގެ ސަރަހައްދެއްގައި ލިބިފައި ނެތްކަމަށެވެ.

އުތުރުން އިންޑިއާ އަދި ސްރީލަންކާގެ ޚާއްސަ އިޤްތިޞާދީ ސަރަހައްދާއި ރާއްޖޭގެ ސަރަހައްދާއި ދެމެދު ފުށުއަރާ ސަރަހައްދު ފުށޫއަރާ ސަރަހައްދެއް އޮތުމުން، އެ ސަރަހައްދު ވަނީ ރާއްޖެއާއި އެ ދެގައުމާއި އެކު ހެދުނު އެއްބަސްވުމެއްގެ ދަށުން 1976 ވަނަ އަހަރު އިކުއިޑިސްޓެންސް އުސޫލުން ހަމަޔަށް ބައިކޮށްފައި ކަމަށް ރިއްފަތު ވިދާޅުވި އެވެ.

ރިއްފަތު ވިދާޅުވީ ފުށުއަރާ ސަރަހައްދާއި މެދު ގައުމުތަކުގެ މެދުގައި މަޝްވަރާކޮށްގެން ހައްލު ނުހޯދިއްޖެނަމަ ގެން އެކަން ކުރަން ޖެހެނީ އަންކްލޮސް މުއާހަދާގައި އޮންނަ ގޮތަށް އަމަލުކުރަން ކަމަށެވެ.

އެ އުސޫލުގެ މަތިން ބައިނަލް އަގުވާމީ ކޯޓުން ވަނީ ރާއްޖެއާއި ޗާގޯސް އާއި ދެމެދު އޮތް ފުށުއަރާ ސަރަހައްދުގެ މައްސަލަ ޙައްލުކޮށްފައި ކަމަށާއި، އިޓްލޮސްއިން ނިންމި އެ މައްސަލަ 30 ދުވަސްތެރޭ އިސްތިއުނާފު ކުރެވޭނެކަމަށް ކުރީގެ ބަންޑާރަ ނައިބުން ބުނުމަކީ ބިލާހެއްފަދަ ކަމެއްކަމަށް ރިއްފަތު ސިފަކުރެއްވި އެވެ. އަދި ވިދާޅުވީ އެފަދައިން ކުރީގެ ބަންޑާރަނައިބުން ވިދާޅުވި ނަމަވެސް އެކަން ޤާނޫނު ދަންނަ އަދި ޤާނޫނު ކިޔަވާ އެއްވެސް ކުއްޖަކުވެސް ޤަބޫލު ނުކުރާނެކަމަށެވެ.

އެކަންކަން ފާހަގަކުރައްވާ ބަންޑާރަ ނައިބު ރިއްފަތު ވިދާޅުވީ ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު މޮރިޝަސްގެ ބޮޑު ވަޒީރަށް ފޮނުވި ސިޓީއާއި ދެނުކުގެ އީއީޒެޑް މައްސަލައާއި ގުޅުވާ، ދައުލަތުން ކޮޅު ބަދަލުކޮށްފައިވާކަމަށް ވިދާޅުވެ ކުރީގެ ބަންޑާރަ ނައިބުން ހައްދަވަނީ ކަނޑައެޅިގެން އިތުރުފުޅެއްކަމަށެވެ. އަދި އެ ސިޓިފުޅަކީ އީއީޒެޑްގެ މައްސަލައާއި އެއްވެސް ގުޅުމެއް އޮތް ސިޓީއެއް ނޫންކަމަށް ރިއްފަތު ވަނީ ވިދާޅުވެފަ އެވެ.

"ރައީސުލްޖުމްހޫރިއްޔާ 22 އޯގަސްޓު 2022ގައި ސޮއިކޮށް މޮރިޝަސްގެ ބޮޑުވަޒީރަށް ފޮނުއްވި ސިޓީއަކާއި ގުޅޭގޮތުން ދެކުނުގެ އީއީޒެޑްގެ މައްސަލައިގައި ގުޅުވާ ދުވެހި ދައުލަތުން ކޮޅު ބަދަލުކުރީކަމަށް ބުނުމަކީ ކަނޑައެޅިގެން ދޮގެއް. ރައީސްގެ ސިޓީއަކީ ދެކުނުގެ އީއީޒެޑް މައުލޫއާއި އެއްވެސް ގުޅުމެއް ނެތް ސިޓީއެއް"

ބަންޑާރަ ނައިބު ރިއްފަތު

އޭގެ އިތުރުން ބަންޑާރަ ނައިބު ރިއްފަތު ވިދާޅުވީ ސަރަހއްދުގެ މައްސަލައާއި ގުޅޭގޮތުން އިޓްލޮސްގައި ކުރިއަށް ދިޔަ މައްސަލައިގައި، އެ މައްސަލަ ބެއްލެވި 9 ފަނޑިޔާރުގެ ބެންޗުން އިއްތިފާގުން ނިންމި ނިންމުމުގައި  ރައީސްގެ ސިޓީފުޅަށް ރިއާޔަތްކޮށްފައި ނުވާކަމަށެވެ.

އަދި އެ މައްސަލަ ނިންމުމަށް އިޓްލޮސްގެ ފަނޑިޔާރުން ރިއާޔަތްކުރި އެއްވެސް ކިތާބީ ހެއްކެއްގައިވެސް ރައީސުލްޖުމްހޫރިއްޔާ މޮރިޝަސްއަށް ފޮނުވި ސިޓީފުޅު ބޭނުންކުރައްވާފައިވާ ނުވާކަމަށް ވެސް ބަންޑާރަ ނައިބު ވިދާޅުވި އެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ޓެކުހާއި ގުޅޭ ތިން ބިލެއް ރައީސް ތަސްދީގު ކުރައްވައިފި
20 Nov 2026 ހަބަރު

ޓެކުހާއި ގުޅޭ ތިން ބިލެއް ރައީސް ތަސްދީގު ކުރައްވައިފި

ޓެކުހާއި ގުޅޭ ތިން ބިލެއް ރައީސް ވަނީ ތަސްދީގު ކުރައްވައިފަ އެވެ.