ޑރ ޝަހީމްގެ ސިޔާސީ މުސްތަޤްބަލާއިމެދު މާދަމާ ގޮތެއް ނިންމަނީ!
ސިޔާސީ މުސްތަގްބަލާއިމެދު ގޮތެއް ނިންމަވައި އެކަން މާދަމާ އިއުލާނުކުރައްވާނެ ކަމުގައި ޕީޕީއެމްގެ ލިޑަރޝިޕް ގައި އިސްކޮށް ހަރަކާތްތެރިވަމުން ގެންދަވާ ކުރީގެ އިސްލާމިކް މިނިސްޓަރ އަދި އިސްލާމިކް ޔުނިވަރސިޓީގެ ޗާންސެލަރކަންވެސް ކުރެެއްވެވި ޑރ ޝަހީމް އަލީ ސައީދު ވިދާޅުވެއްޖެއެވެ.
އެމަނިކުފާނުން މިފަދައިން ވިދާޅުވީ ރައީސް އަބްދުﷲ ޔާމީންއަށް އަށް މިއަހަރުގެ ރިޔާސީ އިންތިޚާބުގައި ވާދަ ނުކުރެވިއްޖެ ހާލަތެއްގައި ޕީޕީއެމް/ޕީއެންސީން ކެނޑިޑޭޓަކު ނެރުމާއި މެދު، އެ ކޯލިޝަންގެ ތެރެގައި ގަޑުބަޑެއް އުފެދެމުން އަންނަކަމަށް މަންޒަރު ފެންނަމުންދާ މި ދަނޑިވަޅުގައި ދެންމެ ކުރެއްވި ޓުވީޓެއްގައެވެ.
ޝަހީމް ކުރެއްވި ޓުވީޓްސިޔާސީ މުސްތަޤުބަލާމެދު އަޅުގަނޑުގެ ނިންމުން މާދަމާ އިޢުލާންކުރާނެ ވާހަކަ ދަންނަވަން.
— Mohamed Shaheem Ali Saeed (@Mohamedshaheem1) August 5, 2023
ޑރ ޝަހީމްއަކީ 2018 ވަނަ އަހަރުގެ ރިޔާސީ އިންތިޚާބުގައި ރައީސް އަބްދުﷲ ޔާމީން އަބްދުލް ގައްޔޫމްގެ ރަނިންގްމޭޓްވެސް މެއެވެ. އެ ފަހުން އެ މަނިކުފާނު ފާހަގަކޮށްލެވެނީ ޕީޕީއެމް ޕީއެންސީ ކޯލިޝަންގެ އިސްސަފުގައި ރައީސް ޔާމީން މިނިވަންކުރުމަށް ގޮވާލައި މަސައްކަތް ކުރައްވާ އިސް ބޭފުޅެއްގެ ގޮތުގައެވެ.
އެހެން ނަމަވެސް ރިޔާސީ އިންތިހާބާއި ދިމާކޮށް ޕީޕީއެމްގެ ލީޑަރޝިޕް ގެ އެތެރޭގައި ކޯޅުންތަކެއް އުޅޭ ކަމުގެ އަޑު މި ފަހުން ގަދަވުމާއެކު ޑރ ޝަހީމް އެ ކޯލިޝަނުގެ އިސް ސަފުގައި އެހާ ހަރަކާތްތެރިކޮށް އުޅުއްވާތަނެއް ނުފެނެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
