"އަޑޯރާ މެޖިކް ސިޓީ" ގެ މަންޒިލަކަށް ދިވެހިރާއްޖެ ވާނެކަމަށް އުންމީދު ކުރަން: ޗައިނާ ސަފީރު

ޗައިނާގެ ފުރަތަމަ ޑޮމެސްޓިކަލީ ބިލްޓް ކްރޫސް ޝިޕް ގެ ދަތުރުތަކުގެ މަންޒިލަކަށް ދިވެހި ރާއްޖެ ވެގެން ދާނެ ކަމަށް އުންމީދު ކުރާކަމަށް ޗައިނާއިން ރާއްޖެއަށް ކަނޑައަޅުއްވާފައި ހުންނަވާ ސަފީރު ވަންގ ލިޒިން ވިދާޅުވެއްޖެއެވެ. އެ ބޭފުޅާ މިހެން ވިދާޅުވީ އެކްސް ގައި ކުރެއްވި ޓްވީޓެއްގައެވެ.

މި ބޮޑު ކްރޫސް ޝިޕް އޭގެ އޮޕެރޭޓާސް އާއި ހަވާލު ކޮށްފައިވަނީ ޗައިނާގެ ޝެންހާއީ ގައެވެ. 8 އަހަރު ދިރާސާ އަށާއި 5 އަހަރު ޑިޒައިން ކުރެހުމަށާއި ބިނާކުރުމަށް ހޭދަކޮށްފައިވެއެވެ. ބަރުދަނުގައި 135،500 ޓަން، ދިގުމިނުގައި 323.6 މީޓަރު އަދި އުސްމިނުގައި 72.2 މީޓަރު ހުންނަ މި އުޅަނދު އޭގެ ދަތުރުތައް ފަށާނީ 1 ޖެނުއަރީ 2024 ގައެވެ.

މި ކްރޫސް ޝިޕް ފަރުމާކުރި ޗައިނާ ސްޓޭޓް ޝިޕް ބިލްޑިންގް ކޯޕަރޭޝަން (ސީއެސްއެސްސީ) އިން ބުނާގޮތުގައި މި އުނޅަދުގައިވާ 2،125 ގެސްޓް ރޫމްގައި 5،246 ޕަސެންޖަރުންނަށް އެއްފަހަރާ ދަތުރުކުރެވޭނެއެވެ.

މި ބޮޑު ކްރޫސް ޝިޕް ލޯންޗް ކުރުމާއި އެކު ޗައިނާއަށް މަތިންދާބޯޓު އުފެއްދުމުގެ ޓެކްނޮލޮޖީ އާއި ގޭސް އުފުލާ އުޅަނދަކާއި ބޮޑު ކްރޫސް ޝިޕެއް އުފެއްދި ހަމަ އެކަނި ގައުމުގެ ޝަރަފު ލިބިގެންދާނެއެވެ.