ޕޮއިންޓް ލިބޭނީ ޕޯޓަލްގައި ފޯމު ފުރާ ގޮތަކަށް: އަކްރަމް

ބޯހިޔާވަހިކަމުގެ ސިޔާސަތުގެ ދަށުން މާލެ ސަރަޙައްދުން ދޫކުރާ 4000 ފުލެޓް ލިބޭ މީހުންގެ ދާއިމީ ލިސްޓަށް ޕޮއިންޓް ލިބިފައިވަނީ ފްލެޓަށް އެދި ފޯޓަލްގައި ހުށަހަޅާ ފޯމު ފުރާ ގޮތަކަށް ކަމުގައި ޕްލޭނިންގ މިނިސްޓްރީގެ ސްޓޭޓް މިނިސްޓަރު އަކްރަމް ކަމާލުއްދީން ވިދާޅުވެއްޖެއެވެ.

އިއްޔެ އިއުލާނުކުރި ފްލެޓް ލިބޭ މީހުންގެ ދާއިމީ ލިސްޓުގައި ޕޮއިންޓް ދީފައިވަނީ ދެކޮޅު ނުޖެހޭ ގޮތަށް ކަމަށްބުނެ ގިނަ އަދަދެއްގެ އާންމުން ވަނީ ޕްލޭނިން މިނިސްޓްރީއަށް އެއްވެ އިހްތިޖާޖު ކޮށްފައެވެ.

އިބްތިޖާޖުގެ ބައިވެރިންގެ ތެރޭގައި ހުންނަވައި އަކްރަމް ވިދާޅުވީ ޕްލެޓަށް ޕޮއިންޓް ލިބިފައިވަނީ އެކަމަށް އެދި ޕޯޓަލްގައި ފުރާ ފޯމު ފުރާގޮތަކަށް ކަމުގައެވެ.

އެ ބޭފުޅާ މިހެން ވިދާޅުވުމާއެކު އެ ތަނަށް އެއްވެ ތިބި އާންމުންވަނީ އެކަމަށް ފާޑުކިޔައި އަޑުގަދަ ކުރަން ފަށައިފައެވެ.

ޕޯޓަލްގައި އަސްލު އިންނަ ފޯމަކީ ތި ބޭފުޅުން ފުރުއްވާ ގޮތަކަށް އެއަށް ޕޮއިންޓް ލިބޭ އެއްޗެއް

އަކްރަމް ކަމާލުއްދީން

ގެދޮރުވެރިޔާ ސްކީމްގެ ދަށުން 4000 ފުލެޓު ލިބުނު މީހުންގެ ނަންތައް އިއުލާން ކުރީ އިއްޔެގެ ވަގުތެއްގައެވެ. އެގޮތުން ކުރީ އިއުލާނުގައި ބުނެފައިވާ ގޮތުން ތިން ކޮޓަރީގެ ފްލެޓްގެ ދާއިމީ ލިސްޓުގައި ހިމެނީ 76 އިން ފެށިގެން މަތިން މާކްސް ލިބިފައިވާ މީހުންނަށް ކަމަށެވެ. އަދި ދެ ކޮޓަރީގެ އެޕާޓްމަންޓްތައް ލިބެނީ 73 އަށް ވުރެ ގިނައިން މާކްސް ލިބުނު މީހުންނަށް ކަމަށެވެ.

ފްލެޓް ލިސްޓަށް ގިނަ އަދަދެއްގެ ބައެއްގެ ފާޑުކިޔުންތައް އަމާޒުވާން ފެށުމާއެކު ޕްލޭނިންގް މިނިސްޓްރީން ވަނީ އެ ލިސްޓަށް ޝަކުވާ ހުށަހެޅުމަށް ގެދޮރުވެރިޔާ ޕޯޓަލް މެދުވެރިކޮށް ހުޅުވާލައިފައެވެ.

ފްލެޓް ލިސްޓަށް ޝަކުވާ ހުށަހަޅަން ބޭނުންވާ ފަރާތްތަކުން 5 ނޮވެންބަރ 2023 އިން ފެށިގެން 9 ނޮވެންބަރ 2023 ގެ 16:00 ގެ ނިއަލަށް ޝަކުވާ ހުށަހެޅުމަށް އެ ޕްލޭނިންގް މިނިސްޓްރީން ވަނީ ހުޅުވާލައިފައެވެ.