ފެނަކަ ކުންފުންޏަކީ ކުރީ ސަރުކާރުގެ ބޮޑު ކޮރޮޕްޝަން ހާއްޔެއް: އިލްޔާސް

ފެނަކަ ކުންފުންޏަކީ ނިމިގެންދިޔަ ސަރުކާރުގެ ބޮޑު ކޮރޮޕްޝަކީވައްކަމުގެ ހާއްޔެއްކަމަށް ހުޅުދޫ ދާއިރާގެ މެންބަރު އިލްޔާސް ލަބީބް ވިދާޅުވެއްޖެއެވެ.

ފެނަކައިގެ މުވައްޒަފުން ވަކިކުރާ ކަމަށް ވިދާޅުވެ، ފުވައްމުލަކު މެދު ދާއިރާގެ އެމްޑީޕީގެ މެމްބަރު ހުސައިން މުހައްމަދު ދީދީ ވަނީ މަޖިލީހުގެ މިއަދުގެ ޖަލްސާ އަށްކުއްލި މައްސަލައެއް ހުށަހަޅުއްވައިފައެވެ.

މިމައްސަލައަށް ބަހުސްކުރައްވަމުން އިލްޔާސް ވިދާޅުވީ، ފެނަކަ އަކީ ކުރީގެ ރައީސް އިބްރާހިމް މުހައްމަދު ސޯލިހްގެ ސަރުކާރުން ދިވެހި ދައުލަތް ބަނގުރޫޓު ކުރުމަށްބޭނުން ކުރެއްވި އެންމެ ބޮޑު އެއް ކުންފުނިކަމަށެވެ.

އިލްޔާސް ވިދާޅުވީ 2018 ވަނަ އަހަރު އެމްޑީޕީ ސަރުކާރުން މިގައުމުގެ ވެރިކަމާއި ހަވާލުވިއިރު ފެނަކައިގެ ދަރަނިއޮތީ ހަސަތޭކަ ހަތްދިހަ ނުވަ މިލިއަން ރުފިޔާގައިކަމަށާއި، ނަމަވެސް އެޕާޓިގެ ވެރިކަން ނިމުނުއިރު ދަރަނި އޮތީ ތިން ބިލިއަން ރުފިޔާ ދަރާފަކަމަށެވެ.

އެސްޓީއޯ އިން އެބައޮތް އެތަން ބިލިއަން ރުފިޔާއެއް ތެލަށް ޕޭނުކޮށް، އެތައް ބިލިއަން ރުފިޔާއެއް ތެލަށް ޕޭ ނުކުރުމުގެ ސަބަބުން އެސްޓީއޯއިން ޖެހުނީދުނިޔޭގެ އެކި ގައުމުތަކުން ފައިނޭންޝިއަލް ފެސިލިޓީސް ތަކެއް ނަގައިގެން ތެޔޮ ކްރެޑިޓަށް ނަގަން،

އިލްޔާސް ލަބީބް

ފެނަކައިން މުވައްޒަފުން ކަނޑަމުންދާ ވާހަކައަށް ރައްދުދެއްވަމުން ލަބީބް ވިދާޅުވީ، އެއީ 2022 ވަނަ އަހަރުގެ ކުރީކޮޅުގައި ހަމަސް ދުވަހުގެ ކޮންޓްރެކްޓެއް ދީފަވާ މުވައްޒަފުންކަމަށާއި، އަދި އެއީ މިހާރު އެ ކޮންޓްރެކްޓްގެ މުއްދަތުހަމަވެފައިވާ މުވައްޒަފުންކަމަށެވެ.

ވަޒީފާއިން ވަކި ކުރަނީކީ އެއް ނޫން، މިއީ އެމްޑީޕީ ސަރުކާރުން އެ މުވައްޒަފުންގެ ބޮލުގަ އަޅުވާފަ އޮތް މަޅިއެއް،

އިލްޔާސް ލަބީބް

ރައީސް ޑރ. މުއިއްޒުގެ ސަރުކާރަށް ތާއިދުކުރައްވާ އިލްޔާސް ވިދާޅުވީ، މި ސަރުކާރުން ވެރިކަމާއި ހަވާލުވީ މިފަދަ ކަންތައްތައް ރަނގަޅުކުރުމަށް ކަމަށެވެ.

އަދި އެއްވެސް ސަރުކާރަކުން ބޭނުންވާހާ ގޮތަކަށް ކުންފުނިތަކަށް މުވައްޒަފުން އައްޔަންކޮށް، ވަކިކުރެވިގެން ނުވާނޭކަމަށާއި، މިއަށްވުރެ ހަރުދަނާ އުސޫލުތަކާއި ގަވާއިދުތަކެއް މިކަމަށް ކަނޑައެޅެންޖެހޭކަމަށް އޭނާ ވަނީ ވިދާޅުވެފައެވެ.