"ކުޑަކުދިންނަށް އަނިޔާ ކުރާ މީހުންނަށް އެންމެ ހަރުކަށި ފިޔަވަޅު އަޅާނަން" - ހޯމް މިނިސްޓަރ
ކުޑަކުދިންނަށް އަނިޔާކުރުން ފަދަ ކަންކަން މުޖުތަމައުގައި ހިންގާ މީހުންނަށް އެޅެންއޮތް އެންމެ ހަރުކަށި ފިޔަވަޅު އަޅައި އެކަން ޔަގީން ކުރާނެ ކަމަށް ހޯމް މިނިސްޓަރު އަލީ އިހުސާން ވިދާޅުވެއްޖެއެވެ.
މިނިސްޓަރު މިހެން ވިދާޅުވެފައިވަނީ، ރޭ އއ. ރަސްދޫގައި، މިސްކިތެއް ތެރޭ ތަރާވީސް ނަމާދު، ވަގުތުގައި، ކުއްޖަކާ ބަޔަކު ހަނގާކޮށް އަނިޔާކުރާ މަންޒަރު ފެންނަ ވީޑިއޯއެއް ޢާންމުވުމާ ގުޅިގެން، އެކްސްގައި ކުރެއްވި ޕޯސްޓެއްގައެވެ.
މި ހާދިސާއާ ގުޅިގެން ފުލުހުން ވަނީ، އެކަން ކުރިކަމަށް ތުހުމަތު ކުރެވޭ ކުދިން ދެނެގަންފައެވެ. އެއީ 13 އަހަރާއި 14 އަހަރުގެ ދެ ކުދިންނެވެ.
ހަނގާކުރުމުގެ މައްސަލަތައް އަދު ދިވެހިރާއްޖޭގައި ޢާންމުވެފައި ވާއިރު، މި މައްސަލަތަކަށް އެދެވޭ ހައްލެއް ގެނައުމަށް ވަނީ ބޭނުން ޖެހިފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
