ފިނޭންސް މިނިސްޓަރު އަމީރު މަޖިލީހުގައި/ ފޮޓޯ: މަޖިލިސް
ފިނޭންސް މިނިސްޓަރު އަމީރު މަޖިލީހުގައި/ ފޮޓޯ: މަޖިލިސް
ހަބަރު 06 Mar 2023 | 10:48

ވެންޓިލޭޓަރުތަކަށް އެޑްވާންސް ލާރި ދީ އާބިޓްރޭޝަނަށް ދިއުން ލަސްކުރި ސަބަބު ހާމައެއް ނުކުރި!

ކޯވިޑް-19 އާއި ގުޅިގެން ރާއްޖެއަށް ގެންނަން އޯޑަރު ކުރި ވެންޓިލޭޓަރުތަކުގެ މައްސަލައިގަ އާބިޓްރޭޝަނަށް ދިއުމަށް ސަރުކާރުން ނިންމާފައިވާކަމަށް 2021 ވަނަ އަހަރު ބުނި ނަމަވެސް އެ މައްސަލަ ހުށައެޅުން ދިގުލައިގެން ދިޔަ ސަބަބާއި ގުޅޭގޮތުން މަޖިލީހުގައި ކުރި ސުވާލަށް ޖަވާބުދެއްވުމަށް ފިނޭންސް މިނިސްޓަރު އިބްރާހިމް އަމީރު ޖަވާބުދެއްވަން ދެކޮޅު ހައްދަވައިފި އެވެ.

ރައްޔިތުންގެ މަޖިލީހަށް މިނިސްޓަރު އަމީރު ހާޒިރުކުރައްވާ މެމްބަރުން ވަނީ ވެންޓިލޭޓަރުތަކާއި ގުޅޭގޮތުން ގިނަ ސުވާލުތަކެއް ކުރައްވާފަ އެވެ.

އެގޮތުން މަޖިލީހުގެ ކުޑަހުވަދޫ ދާއިރާގެ މެމްބަރު އަހުމަދު އާމިރު ވަނީ ވެންޓިލޭޓަރުގެ މައްސަލައިގައި އާބިޓްރޭޝަނަށް ދިއުން މިހާ ލަސްވެގެން ދިޔައީ ކޮން ސަބަބަކާއި ހުރެތޯ ސުވާލު ކުރައްވާފަ އެވެ.

އާމިރުގެ އެ ސުވާލާއި ގުޅިގެން މިނިސްޓަރު ވިދާޅުވީ ވެންޓިލޭޓަރު މައްސަލަ އާބިޓުރޭޝަނަށް ހުށައެޅިފައި އޮއްވާ އެއާއި ގުޅޭގޮތުން ވާހަކަދެއްކުމަށް ބޭނުންފުޅުވެ ނުލައްވާ ކަމަށެވެ. އަދި އެ މައްސަލައާއި ގުޅޭގޮތުން މަޖިލީހުގައި ވާހަކަދެއްކުމަކީ އާބިޓްރޭޝަނުގައި އޮތް މައްސަލައަށް އަސަރު ކުރާނެ ކަމެއްކަމަށް މިނިސްޓަރު ވިދާޅުވި އެވެ.

"އާބިޓްރޭޝަނަށް މިހާރު މައްސަލަ ހުށައެޅިފަ އެ އޮތީ. ދެން އާބިޓްރޭޝަނާއި ބެހޭގޮތުން އިތުރަށް ވާހަކަދެއްކުމަކީ މިހާރު އާބިޓްރޭޝަންގައި މައްސަލަ އޮތީމަ އެއަށް ކޮންމެސް ވަރެއްގެ އަސަރެއް ކޮށްފާނެ. އެހެންވީމަ އެއަށް އިތުރަށް ވާހަކަދައްކަން އަޅުގަނޑު ނެތިން"

ފިނޭންސް މިނިސްޓަރު އަމީރު

އެފަހުން މެމްބަރު އާމިރު ވަނީ ނިޒާމީ ނުގުތާއެއް ނަންގަވާ، 75 ވެންޓިލޭޓަރު ގަތުމަށް އެޑްވާންސްކޮށް 31 މިލިއަން ރުފިޔާ އެގްޒެކިއުޓާސް ޖެނެރަލް ޓްރޭޑިންއަށް ދިނީ މާލިއްޔަތު ގަވައިދާއި އެއްގޮތްވާ ގޮތުގެ މަތިންތޯ މިނިސްޓަރު އަރިހުން ސުވާލު ކުރައްވާފަ އެވެ.

އާމިރުގެ އެ ސުވާލަށްވެސް ފިނޭންސް މިނިސްޓަރު އަމީރު ޖަވާބެއް ނުދެއްވި އެވެ. ތަކުރާރުކޮށް ވިދާޅުވީ އެ މައްސަލަ މިހާރު އާބިޓްރޭޝަންގައި އޮތުމުން ސުވާލަށް ޖަވާބު އެރުވެން ނޯންނާނެ ކަމަށެވެ.

"އަޅުގަނޑު ހަމަ ކުރިން ފާހަގަކުރެއްވި ގޮތަށް، މިހާރު މައްސަލަ އޮތީ އާބިޓްރޭޝަންގަ. އިތުރަށް އަޅުގަނޑު ތިވާހަކައިގަ ޖަވާބު އަޅުގަނޑު ނެތިން އެގޮތަށް ޖަވާބުދޭކަށް"

ފިނޭންސް މިނިސްޓަރު އަމީރު

ވެންޓިލޭޓަރު މައްސަލައިގައި އާބިޓްރޭޝަނަށް ދާން ނިންމާފައިވާކަމަށް ސަރުކާރުން ބުނެފައިވަނީ 2021 ވަނަ އަހަރުގައެވެ.

އޭރު ރައީސް އޮފީހުގެ ތަރުޖަމާނު މަބުރޫކު އަޒީޒު ނޫސްވެރިންނާއި ބައްދަލުކުރައްވާ މައުލޫމާތު ދެއްވަމުން ވިދާޅުވީ ވެންޓިލޭޓަރުތައް ހޯދަން އެގްޒެކިއުޓާސް ޖެނެރަލް ޓްރޭޑިންއަށް އެކި މުއްދަތުތައް ދެވިފައިވާ ކަމަށާއި، ވެންޓިލޭޓަރުތައް ހޯދުމުގެ އެކި ޓައިމްލައިންތައް ވެސް ފަހަނައަޅާ ގޮސްފައިވާ ކަމަށެވެ.

އެހެންކަމުން ވެންޓިލޭޓަރުތައް ހޯދަން ސަރުކާރުން ކުރި މަސައްކަތުން އެއްވެސް ނަތީޖާއެއް ލިބިފައި ނުވާތީ ކަމަށާއި ސަރުކާރުން ނިންމާފައިވަނީ ވެންޓިލޭޓަރުތައް ގަތުމަށް ސަރުކާރުން ދެއްކި ފައިސާ އަނބުރާ ހޯދުމަށްކަމަށް މަބުރޫކު ވިދާޅުވި އެވެ.

އެ ކުންފުންޏަށް ވެންޓިލޭޓަރު ގަންނަން ދީފައި ވަނީ 30.91 މިލިއަން ރުފިޔާ އެވެ. އެއްބަސްވުމުގެ ދަށުން 75 ވެންޓިލޭޓަރު ރާއްޖެއަށް ދޭން ޖެހުނު ނަމަވެސް އޭގެ ތެރެއިން ލިބިފައި ވަނީ އެންމެ 15 ވެންޓިލޭޓަރެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ޓެކުހާއި ގުޅޭ ތިން ބިލެއް ރައީސް ތަސްދީގު ކުރައްވައިފި
20 Nov 2026 ހަބަރު

ޓެކުހާއި ގުޅޭ ތިން ބިލެއް ރައީސް ތަސްދީގު ކުރައްވައިފި

ޓެކުހާއި ގުޅޭ ތިން ބިލެއް ރައީސް ވަނީ ތަސްދީގު ކުރައްވައިފަ އެވެ.