ސަރުކާރުގެ މަގާމުތަކުގައި ތިއްބެވީ ޚިޔާނާތްތެރި މުޖުރިމުން: ޝެއިޚް ސައުދާން

ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހުގެ މި ސަރުކާރުގެ މަގާމުތަކުގައި ތިއްބެވީ ޤައުމާއި ރައްޔިތުންނަށް ޚިޔާނަތްތެރިވެފައިވާ ބޮޑެތި މުޖްރިމުން ކަމަށް ދީނީ ޢިލްމުވެރިޔާ ޝެއިޚް އަބްދުالله ސިފަކުރައްވައިފިއެވެ.

ޝެއިޚް ސައުދާން މިފަދައިން ވިދާޅުވީ ރާއްޖެ އާއި މޮރިޝަސްގެ ކަނޑުގެ ސަރަހައްދުން ފުށުއަރާ ސަރަހައްދު ދެ ގައުމުން ބެހުމުގެ މައްސަލައިގައި އިންޓަނޭޝަނަލް ޓްރައިބިއުނަލް ފޯ ދަ ލޯ އޮފް ދަ ސީ (އިޓްލޮސް) އިޓްލޮސްއިން ކުރި ހުކުމާއެކު ރާއްޖޭގެ ކަނޑުން ބައެއް ގެއްލިފައިވާ ކަމަށްބުނެ، ރައީސް އިބްރާހީމް މުހައްމަދު ސޯލިހުގެ އިތުބާރު ނެތްކަމުގެ މައްސަލަ މަޖިލީހަށް ހުށަހަޅަން އިދިކޮޅުން މަޝްވަރާ ކުރުމާއި ގުޅިގެން ކުރެއްވި ޓުވީޓެއްގައެވެ.

އެގޮތުން ޝެއިޚް ވިދާޅުވީ، މި ސަރުކާރުން ދަނީ ރައްޔިތުންގެ މިލްކު މުދަލަށް އެގޮތްމިގޮތް ހަދައި، ރީތިހާ ގޮތްގޮތަށް ގައުމުގެ ސިޔާސަތާއި ސިޔާދަތާ ކުޅެން ރައްޔިތުންގެ ފައިސާއިން މުސާރަނަގަމުން ކަމަށެވެ. އަދި އެފަދައިން ޤައުމާއި ރައްޔިތުންނަށް ޚިޔާނަތްތެރިވާނީ ބޮޑެތި މުޖްރިމުން ކަމަށްވެސް ޝެއިޚު ވިދާޅުވި އެވެ.

"ރައްޔިތުންގެ މިލްކުމުދަލަށް އެގޮތްމިގޮތް ހަދަމުން، 5 އަހަރު ވަންދެން އަމިއްލަ އެދުމައިގެން ސަރުކާރުގައި ބަގުޑިބައްދަމުން، ރީތިހާގޮތްގޮތަށް ގައުމުގެ ސިޔާސަތައި ސިޔާދަތާ ކުޅެން ރައްޔިތުންގެ ފައިސާއިން މުސާރަނަގަމުން، ޤައުމާއި ރައްޔިތުންނަށް ޚިޔާނަތްތެރިވާނީ ބޮޑެތި މުޖްރިމުން." ޝެއިޚް ވިދާޅުވި އެވެ.

އިޓްލޮސް އިން ޗާގޯސް މައްސަލައިގައި ހުކުމް އިއްވީ ސަރަހައްދީ އިމުގެ ފުށުއަރާ 200 ނޯޓިކަލް މޭލުގެ ސަރަހައްދު ރާއްޖެއާއި މޮރިޝަސްއާ ދެމެދު އެއްވަރަކަށް ބެހުމަށެވެ.

އަދި އެގޮތުން، ބަހާއިރު، އިން ކަނޑައަޅަން ނިންމާފައިވަނީ ރާއްޖެއިން އެދުނު ގޮތަށެވެ. އޭގެ ސަބަބުން ރާއްޖޭގައި މަސްވެރިން މަސްވެރިކަން ކުރާ ކަނޑުގެ ސަރަހައްދުން 50000 އަކަ ކިލޯ މީޓަރަށްވުރެ ބޮޑު ބައެއް ގެއްލޭނެ ކަމަށް އިދިކޮޅުން އަންނަނީ ބުނަމުންނެވެ.