އަނެއްކާވެސް ފަލަސްޠީނުގެ ދެ ޒުވާނަކު ޝަހީދު ކޮށްލައިފި
އިޒްރާއިލުން ނުހައްޤުން ހިފައިފައިވާ ފަލަސްޠީނުގެ ދެކުނު އައްސޭރީގައި ފަލަސްޠީނުގެ ދެ ޒުވާނަކު ޝަހީދު ކޮށްލައިފައި ވާކަމަށް ފަލަސްޠީނުގެ ހެލްތް މިނިސްޓްރީ އިން ބުނެފިއެވެ.
ފަލަސްޠީނުގެ ހެލްތް މިނިސްޓްރީ އިން ބުނީ ތުލްކަރަމް ސިޓީގައި އިޒްރާއިލް ސިފައިން ބަޑިޖަހައި ޝަހީދުކޮށްލި ދެ ޒުވާނުން ތަބެތް ގަވަރަމެންޓަލް ހޮސްޕިޓަލަށް ގެންދެވިފައި ވާކަމަށެވެ.
އަދި އެ ދެ ޒުވާނުންގެ އުމުރަކީވެސް 22 އަހަރު ކަމަށާއި އެ ދެޒުވާނުން ވެސް ޝަހީދުވެފައި ވަނީ މެޔާއި، ކަރާއި ބަނޑަށް އަރައިފައިވާ ވަޒަން ތަކުގެ ސަބަބުން ކަމަށެވެ. އިޒްރާއިލް ސިފައިން ބުނެފައިވަނީ އެމީހުންެގެ ހަމަލާތަކުގައި ޝަހީދުވީ މިމަހުގެ 2ވަނަ ދުވަހު އެވްނެއި ހެފްޓްޒް ގައި ދިން ބަޑީގެ ހަމަލާތަކުގެ ޝާމިލް ވާދެމީހުން ކަމަށެވެ. އަދި އެހަމަލާތަކުގެ ސަބަބުން އިޒްރާއިލްގެ ޔަހޫދީންގެ ބަޔަކު ޒަހަމްވެފައި ވާކަމަށެވެ.
އިޒްރާއިލުން ނެރެފައިވާ ބަޔާނުގައި ބުނެފައިވަނީ ދުވެ ފިލަން އުޅެނިކޮށް ބަޑިޖެހި ދެ މީހުން ގަޔަށް ބަޑިޖަހައި މަރާލައިފައިވާކަމަށެވެ. މި ކަން މި ހިނގީ ޣައްޒާ ބޯޑަރު ކައިރީގައި ފަލަސްޠީނުގެ ހަނގުރާމަވެރިންނާއި އިޒްރާއިލްގެ ސިފައިންނާއި ދެމެދު ހަމަލާބަދަލުކުރުން ތަކެއް ހިނގައިފައި ވަނިކޮށެވެ.
ހަމަ މިއާއި އެކު ދެކުނު އައްސޭރީގައި ހިންގާތާ އަހަރެއް ވެފައިވާ މިލިޓަރީ ރެއިޑް ތައްވެސް ރޭވެސް ކުރިއަށް ގެންގޮސްފައިވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
