ދ މީދޫ އަށް ދަތުރުކުރި ލޯންޗަކަށް ރާޅެއް އަރައި އެހީތެރިކަން ފޯރުކޮށްދެނީ
ދ މީދޫ އަށް ދަތުރުކުރި ލޯންޗަކަށް ރާޅެއް އަރައި އެހީތެރިކަން ފޯރުކޮށްދެމުން ދާ ކަމަށް އެމްއާރްސީސީ އިން ބުނެފިއެވެ.
މި ލޯންޗުގައި އަންހެނުންނާއި ކުޑަ ކުދިން ހިމެނޭ ގޮތަށް 30 މީހުން ދަތުރު ކުރަމުން ދިޔަ ކަމަށް އެމްއާރްސީސީ އިން ބުނެފައިވެއެވެ.
މި ލޯންޗް ދަތުރު ކުރަމުން ދިޔައީ މާލެ އިން ފުރައިގެން މީދު އަށެވެ. ލޯންޗަށް ރާޅު އަރައިފައިވަނީ ފ ފީއަލީގެ ބޭރުން 7 ނޯޓިކަލް މޭލު ބޭރުން ދަތުރު ކުރަމުން ދަނިކޮށް ކަމަށް ވެސް އެމްއާރްސީސީ އިން ބުނެފައިވެއެވެ.
އަދި މިހާރު ލޯންޗަށް އެހީތެރިވުމަށް ފ ފިލޮތެޔޮ ރިސޯޓުން ދޯންޏަކާއި ފީއަލިން ލޯންޗަކާއި ދޯންޏެއް ފުރައިފައިވާ ކަމަށް ވެސް މައުލުމާތު ދީފައިވެއެވެ.
އަދި ކޯސްޓް ގާރޑް ހާބަރ ކްރާފްޓްވެސް އެހީ ތެރިކަން ފޯރުކޮށްދިނުމަށް މިހާރު ފުރާފައިވާ ކަމަށްވެސް ބުނެފައިވެއެވެ.
އެމްއެންޑީއެފް އިން އިތުރަށް ބުނީ، އެ ލޯންޗު މިހާރު ދ. މީދޫއަށް ދަތުރު ކުރަމުންދާ ކަމަށާ، އެ ލޯންޗު ކައިރީގައި ކޯސްޓް ގާޑް ހާބަރ ކްރާފްޓް ވެސް އޮތް ކަމަށެވެ. އަދި ލޯންޗުގައި ތިބި އެންމެންގެ ހާލު ރަނގަޅު ކަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
