ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު-- ފޮޓޯ/ ރައީސް އޮފީސް
ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު-- ފޮޓޯ/ ރައީސް އޮފީސް
ހަބަރު 06 Jun 2023 | 10:23

އުކުޅަހު ބަނގުރަލުގެ މައްސަލަތައް އާންމުވުން ހުއްޓުވުމަށް އެދި ރައްޔިތުންގެ ޕެޓިޝަނެއް ރައީސް ޞާލިހަށް!

އއ. އުކުޅަހުގައި ބަނގުރަލާއި މަސްތުވާތަކެތި އާންމުވަމުންދާ ދިޔުން ހުއްޓުވައި ދެއްވުމަށް އެދި އެރަށުގެ ރައްޔިތުންގެ ފަރާތުން ޕެޓިޝަނެއްގައި ސޮއިކޮށް ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހަށް ހުށަހަޅައިފިއެވެ.

ދުނިޔޭގެ ތިމާވެށީގެ ދުވަސް ގައުމީ ފެންވަރުގައި އުކުޅަހުގައި ފާހަގަކުރުމަށް ބާއްވާ ޙަރަކާތްތަކުގައި ބައިވެރިވެވަޑައިގަތުމަށް ރައީސް ޞާލިހު ވަނީ އިއްޔެ އެރަށަށް ވަޑައިގެންފައިވާއިރު މި ޕެޓިޝަން އެމަނިކުފާނާއި ހަވާލުކޮށްފައިވަނީ މިއަދުގެ ހެނދުނުގެ ވަގުތެއްގައި ކަމަށް ޕެޓިޝަން އެކުލަވައި ލުމުގައި އިސްކޮށް ހަރަކާތްތެރިވި ފަރާތެއް "ވޮއިސް" އަށް މައުލޫމާތު ދީފައިވެއެވެ.

އުކުޅަހު ރައްޔިތުންގެ ފަރާތުން ހުށަހެޅި މި ޕެޓިޝަނުގައި ބުނީ، އިސްލާމީ ޝަރީޢަތާއި އަދި ރާއްޖޭގެ ގާނޫނާއި ޚިލާފަށް އުކުޅަހުގައި މަސްތުވާތަކެތި ވީޔަފާރިކޮށް، އަތި އެތަކެތީގެ ބޭނުން ކުރަމުންދާ މީހުންވެސް އިތުރުވަމުންދާ ކަމަށެވެ. އަދި މިއީ އެރަށު ރައްޔިތުންގެ ހުރި ނުހަނު ކަންބޮޑުވުމެއް ކަންވެސް ފާހަގަކޮށްފައިވެއެވެ.

މީގެ އިތުރުންވެސް އެކަމުގެ ސަބަބުން ރަށުގެ އަމާންކަމާއި ރައްކާތެރިކަން ގެއްލި، ރައްޔިތުންނާއި، ރައްޔިތުންގެ މުދަލުގެ ރައްކާތެރިކަން ގެއްލި، ރަށަށް ޒިޔާރަތްކުރާ ފަތުރުވެރިންނަށްވެސް އެކަމުގެ ނުރައްކާ ކުރިމަތިވާނެ ކަމަށް ގަބޫލުކުރެވޭ ކަމަށް ބުނެފައިވެއެވެ. އަދި ހަމައެހެންމެ، މަޑުމަޑުން ރަށުގެ ސުކޫލު ކުދިންނާއި އާއިލާތަކަށް ވެސް އެކަމުގެ ނުރަނގަޅު އަސަރު ފޯރަމުންދާ ކަމަށް އެ ޕެޓިޝަނުގައި ބުނެފައި ވެއެވެ.

އެހެންކަމުން، އުކުޅަހުގެ ރައްޔިތުންނަކީ ބަނގުރަލާއި މަސްތުވާތަކެތިން ސަލާމަތްވެފައިވާ ބަޔަކަށް ހެދުމަށްޓަކައި، ސަރުކާރުގެ ގުޅުންހުރި މުއައްސަސާތައް މެދުވެރިކޮށް އެފަދަ ކަންކަން ހުއްޓުވޭނެ ގޮތް ހަމަޖައްސައިދިނުމަށް ރައީސް ޞާލިހުގެ އަރިހުން ވަނީ އެދިފައެވެ.

އުކުޅަހުން "ވޮއިސް" އަށް މައުލޫމާތު ދެއްވި ފަރާތުން ވިދާޅުވެފައިވާއި ގޮތުގައި މި ޕެޓިޝަނުގައި އެ ރަށުގެ 300 އަށްވުރެ ގިނަ މީހުން ވަނީ ސޮއިކޮށްފައެވެ.

އުކުޅަހު ރައްޔިތުންގެ ފަރާތުން މިފަދަ ޕެޓިޝަނެއް ހުށަހަޅާފައި މިވަނީ އެ ރަށު ބަނދަރުގައި އޮތް ސަފާރީއަކުން ބަނގުރާ ރަށަށް ވިއްކާ ކަމަށް ބުނެ ރައްޔިތުން އެ މައްސަލަ ކައުންސިލަށް ހުށަހަޅައި ރަށުގެ ކައުންސިލް އިދާރާ ބަންދުވެސް ކުރި މައްސަލައެއް ފެންމަތިވެފައި ވަނިކޮށެވެ.

އެކަމާއި ގުޅިގެން ކައުންސިލްގެ އެދުމުގެ މަތިން ސަފާރީ ބަނދަރުން ނެރެން ކޯޓުން އަމުރެއް ވެސް ނެރުނެވެ. އެއާއެކު ސަފާރީ ބަނދަރުން ނެރުނު ނަމަވެސް މިދިޔަ ހަފްތާގައި އަނެއްކާވެސް އުކުޅަސް އިހްތިސާސް އަށް އެ ސަފާރީ ވަނުމުން ރަށު ރައްޔިތުން ވަނީ ނުރުހުން ފާޅުކޮށްފައެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ވަޒީފާ ބަހައިގެން ރައީސް ޞާލިޙަކަށް ވެސް ކާމިޔާބެއް ނުވި، މި ސަރުކާރަކަށް ވެސް ނުވާނެ: ނަޝީދު
10 Nov 2026 ހަބަރު

ވަޒީފާ ބަހައިގެން ރައީސް ޞާލިޙަކަށް ވެސް ކާމިޔާބެއް ނުވި، މި ސަރުކާރަކަށް ވެސް ނުވާނެ: ނަޝީދު

ވަޒީފާތައް ބަހައިގެން ސިޔާސީ މަންފާއެއް ނުހޯދޭނެ ކަމަށާއި، 2023 ވަނަ އަހަރުގެ ރިޔާސީ އިންތިޚާބުގައި ކުރީގެ ރައީސް އިބްރާހީމް މުޙައްމަދު ޞާލިޙަށް ވެސް އަދި މިހާރުގެ ސަރުކާރަށް ވެސް އެކަން ކާމިޔާބު ނުވާނެ ކަމަށް ކުރީގެ ރައީސް މުޙައްމަދު ނަޝީދު ވިދާޅުވެއްޖެއެވެ.